Isaías 43:20 - Biblia Dc en Mixe de Quetzaltepec

²⁰ Nëjkxëpës xymyëjjaw xy'oyjyawëtë yë aayjëyujk ujts jëyujkëty, tä yë waxën ets patutkën, jä'ä ko ja nëë nyajpëtsëmyës të'ëts'itjotm, ets ma ka'ap tii y'ity wyintëyën, ets nyëë'uuk nyëëpëktëty yë nnaax nkajpnës mëti'ipës të nwin'ixyën,

Biblia Mixe de Quetzaltepec

²⁰ Nëjkxëpës xymyëjjaw xy'oyjyawëtë yë aayjëyujk ujts jëyujkëty, tä yë waxën ets patutkën, jä'ä ko ja nëë nyajpëtsëmyës të'ëts'itjotm, ets ma ka'ap tii y'ity wyintëyën, ets nyëë'uuk nyëëpëktëty yë nnaax nkajpnës mëti'ipës të nwin'ixyën,

Isaías 43:20 ပူးပေါင်းရင်းမြစ်များ

Isaías 41:17

Yë ëyoopëja'aytyëjk nëkooyë nëë t'ijxtaaynyëtë ets ka'ap maa tpaatë. Tëë ja yyä'än tyëtstaaynyëtë mëët ja tëëtsë; ëjts maas nWintsën'atyën npa'ëyowantëpës yam; ëjts, mëti'ipë yë Israel ja'ay y'ëwtajtëpën, ka'apës n'ëxmatsa'antë.

Isaías 48:21

Oy ojts jyanaxtë jam të'ëts'itjotm, ka'ap nëëtëëtsë tmëët'ajtë; jä'ä ko Dios ojts yë nëë tyajpëtsëmy tsaajoty, je'eyë ja tsaa tjëkëëy ets jap ja nëë tyajpëtsëëmy.

Isaías 49:10

Ka'ap nëjkx yuu nëëtëtsë xymyëët'atë, oy mëk y'anëty, miitsëty ka'ap mni'ana'antë, jä'ä ko ntsojktëp nja'awëtyëp ets nwoownëjkxantëp ma ja nëë myuutyën.

Apocalipsis 17:14

Tääts mëët tsyiptuna'antë mëti'ipë yajtijpën Kupixyny U'unk; nëjkxëp myëmëta'akëtë ja mëti'ipë yajtijpën Kupixyn U'unk, jä'ä ko wintsëntëjk Wintsën ja y'ity, ets yajkutujkpëtëjk Yajkutujkpë; mëët nëjkx y'ity mëti'ipë ja Dios të wyinwitsëtën ets mëti'ipë wintëy wiinkujk mëët ja Dios y'itën.

Juan 4:14

e mëti'ipë y'uktëpën ja nëë mëti'ipës ëjts nyäjkpyën, nijëna'a kyatëëtsëja'antë jatëkok. Jä'ä ko ja nëë mëti'ipës nyakäämpyën, jëtu'un ja myuuta'any ijxtëm ja nëëkopkën mëti'ipë yajjuuky'ajtpën.

Isaías 13:22

Jam ma ijty ja ja'ay kyëwent'atën, atsiinykyaa nëjkx jam myu'uy nyiitsy; ets ma ja ënä'ämpëtëjk të pyo'kxtën, maykyaa nëjkx jam tyëjkënë. Tim miin tim këtakp ja xëëw po'o ma ja Babilonyë kajpn o'ktëy jyata'anyën; wäänë jyak'ita'any.

Apocalipsis 22:17

Ja Kënu'kxymyëkajtën ets ja Wintsën ja myëpëjkpëtëjk jëtu'un y'ëna'antë: Mintë. Pënjaty myëtoow'ijtëp, wä'än näjyëtu'un t'ëna'antë: Min. Pën tëtsëp, pën y'uukäämpy ja nëë mëti'ipë yajjuuky'ajtpën, wä'än tminy ets t'uukëty namëyajtën.

Apocalipsis 21:6

Ënet xynyëmaayës: Tëë tyuunta'ay jyajta'ayë winë. Ëjts ntuktso'ontäkpy ets ëjts ntukjëjpkëxyp. Ëjts tso'ontakp, ets ëjts jëjpkëjxp. Pën tëtsëp, namëyajtënës ntuk'uuka'any ja wa'ats nëë mëti'ipë yajjuuky'ajtpën xëmëkyëjxm.

1 Pedro 2:9

E miitsëty Dios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Dios jä'äniwanëpën. Ets jëtu'un tkajpxwa'kxtëty ja Dios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

Juan 4:10

Ënet ja Jesús y'ëtsoowë: Ko jeexyë mijts xy'ëknijawë mëti'ipë ja Dios yäjkpyën ets pën m'amëtoowëp yë nëë, mijts jeexyë m'amëtoopy ja nëë ma yë'ëjën ets mooyëp jeexyë ja nëë mëti'ipë yajjuuky'ajtpën.

Marcos 13:20

Ets ko ja Wintsën jeexyë tka''akajpxtuky ja ëyo'on, ka'ap jeexyë pën ja nitsokën tpaaty; tëë ja Wintsën tyaj'akony ja ëyo'on jä'äkyëjxm ko jam jyuuky'atë ja ja'ay mëti'ipë të twin'ixyën.

Joel 3:18

Jä'ä xëëw yë tsatsymnyëë ets tsi'tsknëë pyëyë'ëka'antë tä mëjnëëjën jam tunkëjxm kopkëjxm ets ma Judá y'itjotmën; komnëë jam pëyë'ëkaanp wokjotm. Jam maas yë ntsajptëjkën jam yë nëë myuuta'any mëti'ipë Sitim itjot yajxookäämpyën.

Jeremias 31:9

Tam mëti'ipë minaanpën kajpxtakp, tam mëti'ipë minaanpën jëëpy yaxp. Jamës nyajnëjkxa'antë ma nëë ka'ap y'ëmaayëtyën ets Joytyuuyës nyajye'eya'antë këtiipë y'anäp y'atä'pxëtëty, jä'ä ko ëjts yë Israel kajpn xytyeety'ajtp ets Efraín yë'ëjës nkä'äxkopk'ajtyp.

Isaías 65:15

Ja nja'ayës nëjkxëp tkajpxpaatë ja mxëëw ko ënety pën tpoktë ëkë ko ënety tsoktë pën y'ookëty. Ja ntuunpëtëjkës nyajtëkatsanëpës ja xyëëw.

Isaías 43:19

Ëjts jemyës yam winë ntuna'any, ets timtyämyë nyajwinkëxë'ëka'anyës. Nyajkojäämpyës tu'uk në'ë tu'u jam të'ëts'itjotm ets tu'uk mëjnëë ma ka'ap tii yony jyiitsyën.

Salmos 148:10

Jëyujk tsajpkaa mëti'ipë ma jëën tëjkën ijtëpën, yë ëwa'anëtypë jëyujk mëti'ipë yuukjoty kopkjoty yajpatëpën, yë joonëty, tsa'anyëty.

Salmos 104:21

Yë kaa je'eyë myu'uy ets tnikäjpxy pën myatsäämpy, yë Dios y'amëtoowtëp ets myo'ojëtëty yë jyi'kxy pyikyëty.

Salmos 33:12

Jotkujk yë naax kajpn yajpaaty mëti'ipë yë Dios Wyintsën'ajtypyën, ja naax kajpn mëti'ipë Dios të twin'ixyën ets yë'ë nyätyukjä'ätijyë.

1 Crónicas 16:13

Miitsëty, ja y'u'unk y'okëty ja tyuunpë Israel, miitsëty ja Jacob ja y'u'unk y'ok, mëti'ipë yë'ë wyin'ijxën.

Isaías 30:25

Ko ënety jyää'aty ja o'kën tëko'oyën ets kyutëkooytya'atë ja naax kajpn mëti'ipë mëkëtyën ets ta'tspëkyëtyën, Jää'ataanp ja nëë mëti'ipë nëjkx yaj'uukyën, jampaat tunkëjxm kopkëjxm ka'ap ja nëë y'ëmaaytya'aka'any.

Isaías 32:2

Nitu'ukjaty jëtu'un të yajpëjkta'aktë tä tu'uk tsoktaknën, oy mëkpoj myinëty, oy mëk tuu myinëty; jëtu'un nëjkx nyaxtë tä yë nëë ntuk'yajxo'kmëtyën aay ujts, tä muum të'ëts'itum nyinikën yë mëjtsaa.

Isaías 33:21

Oy tsuj jam yë Wintsën nyänyikëxë'ëkyë. Oy jam jyänty yaj'ixy yë nëëjot wokjot, mëjjëty ets komëty, ma ka'ap nijënu'un tjëkyepyën wi'ix ja mëtsip tyëkëtyën.

Isaías 35:7

Nëëjot y'awinpita'any ma ka'ap ja nëëjën, mo'ontsjot jyata'any ma ënety xëmë të tsyë'ëts'ityën. Ma ënety ja wax ets ja tsa'any të y'itën, tsajpkäpnyjot ets ja nëëwäkjot y'awinpita'any.

Isaías 41:18

Nyajkupëjäämpyës yë mëjnëë të'ëts'itum ets nëë nyajmuuta'anyës joy ituuy; mo'ontsjot nyaj'awinpita'anyës yë të'ëts'itjot, nyajkomäämpyës yë nëë wok ma y'anë'ëk tyëëtsë'ëkëtyën.