Isaías 43:2 - Biblia Dc en Mixe de Quetzaltepec

² Pën nëë muum mtuknaxäämpy, ëjts tam'ataanpës mëët mijts; pën mëjnëë mninaxäämpy, ka'ap mnëëji'kxa'any; pën jëën mtuknaxäämpy, ka'ap mtsa'aja'anyë; oy jënu'un ja jëën jyayäänëty, mijts ka'ap nitii mjata'anyë.

Biblia Mixe de Quetzaltepec

² Pën nëë muum mtuknaxäämpy, ëjts tam'ataanpës mëët mijts; pën mëjnëë mninaxäämpy, ka'ap mnëëji'kxa'any; pën jëën mtuknaxäämpy, ka'ap mtsa'aja'anyë; oy jënu'un ja jëën jyayäänëty, mijts ka'ap nitii mjata'anyë.

Isaías 43:2 ပူးပေါင်းရင်းမြစ်များ

Job 5:19

Yë'ë, xëmë myajtso'oka'anyë, janaam jatsojk, ka'ap wi'ix mjata'any.

Salmos 23:4

Oyës muum naxëty akootstuuy, ka'apës ntsë'ëkëja'any, jä'ä ko mijts Wintsën mijts myajpatp ma ëjtsën, ja mkepy mtajk yë'ëjës xytyuk'ateenytyujkp xytyuk'axajtujkp, paaty akujk jotkujk ntuk'ijxpetyës.

Salmos 32:6

Paaty ko ënety jyääjëty yë monyëtukyë, yë wa'ats ja'aytyëjkëty jää mëkajpxa'anëtë, e oyts ënety jënu'un yë nëë jyanëje'etsy jyayujkje'etsy ka'ap nëjkx jam jyä'ty ma yë'ëjëtyën.

Salmos 66:10

Dios, mëti'ipës nTios'ajtëpën, tëës mijts xywyinma'any'ixtë wi'ixës nja'ay'atën, paaty mijts të xyajwa'atstës tä yë poop pujxn ja'ay tyajwa'atsyën.

Salmos 66:12

Ojts xy'ëwa'atsy etsës nyaj'atään nyajtuktääntëty; jëtu'unës yë ëyo'on jotmay të ntuknaxtë tä mëk komnëë ets mëj jëën yajtuknaxyën, e ka'ap të xytyimja'atyëkoytyës, tëës jatëkok xyajjotmëkpëktë.

Salmos 91:15

Koos xymyëkajpxëty, n'ëtsowäämpyës; ëjts kë'ëm yajpaataanp mëët yë'ë. Nyajpëtsëmäämpyës ma ënety myony tyukyën etsës nyajnaxa'any kumay;

Éxodo 14:29

E ja Israel ja'ayëty të'ëts wa'ats ojts tuknaxtë ja nëëjot, ma ënety të nyäwyä'kxyën ja nëë mäjtskpëky.

Éxodo 3:12

Tä ojts yë Dios y'ëtsoyë: Ëjts mijts njämyëët'atäämpy ets ya'atë jëtu'un mtuk'ixëp ko yam nkexyp, ko ënety mijts ja nnaaxës nkajpnës të xyjyuuty jap Egiptë, yaajës min xy'ëwtatë ma ya'atë kopkën.

Isaías 30:27

Ëk'ixtë, yë Wintsën jëtu'un kë'ëm tyimminy tä ja'ayën mëti'ipë jëkäm tso'onpën; Ja jyoot'an yëkëm je'eyë wyinjojknë, ko kyäjpxy, aakjä'ä nyikäjpxyp ja o'kën tëko'oyën.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Isaías 41:14

Jëtu'un yë Wintsën y'ënä'äny: Mijts Israel, Jacob yë nyaax kyajpn, oy mutskëty ets mxyëëpëty, këtii mtsë'ëkëty, tyam mputëkëty. Ëjts Wintsën, wa'atspë yajpaatyën ma Israel ja'ayëtyën, ëjts mijts xynyitsokpë'ajtp.

Isaías 43:5

Këtii mtsë'ëkëty, ëjts mijts nkuwa'anäämpy. Wä'än tjamëty ma xëëw pyëtsimyën ets ma xëëw kyëtä'äkyën; nyajwinpitäämpyës jatëkok yë mja'ay ets jatëkok tyu'ukyëtëty.

Jeremias 42:11

Këtii xytsyë'ëkëtëty yë Babilonyë yajkutujkpë, mëkpë xytsyë'ëkëtën. Këtii nijënu'un xytyimtsë'ëkëtëty, jä'ä ko ëjts yajpaataanpës mëët miitsëty ets nyajtso'oka'antë, nyaj'ëwaatsëpëtsëmantëp ma kyë'ë y'aawën. Ëjts Wintsën, ëjts ënaanp.

Jeremias 46:28

Ëjts Wintsën, jëtu'unës n'ëna'any: Këtii mtsë'ëkëtëty, miitsëty yë Jacob y'u'unk y'ok mëti'ipës xymyëtuuntëpën, jä'ä ko ëjts yajpatpës mëët miitsëty. Nyajkutëkoyäämpyës ja naax kajpn maajaty ënety të nwojpwa'kxtën. E miitsëty ka'ap nëjkx nyajkutëkoytyë; yi'iyë nëjkx ntukumëtowtë yë mtuuntëko'oy mkajpxtëko'oyënëty tä ënety mpaatëtën. Ka'ap jëtu'unyë nyaninaxa'any ja mtuuntëko'oyënëty.

Daniel 3:23

kë'ëtsumy tekytsym ojts jap jëënjutjoty kya'ata'atë.

Hageo 1:13

Ënet ja Hageo, yë Wintsën yë kyäjpxynyajxpë, ojts y'ënë'ëmxëtë mëët yë Dios xyëëwkyëjxm: Jëtu'un yë Wintsën y'ënä'äny: Ëjts Wintsën, jëtu'unës yam nnikäjpxy ko yajpatpës mëët miitsëty.

Malaquías 4:1

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

Mateo 1:23

U'unkpaataanp tu'uk ja to'oxy'ëna'k, ets Emanuel ja y'U'unk txëëwatëty. Mëti'ipë tyijpy: Dios ëëts mëët n'ijtëm.

2 Timoteo 4:17

E Ojtsës ja Wintsën Jesús xypyutëkë ets xymyooyës ja mëjaaw ets ja oy'aaw oy ayuk nkajpxwa'kxëtyës ets tmëtowtëty ja ja'ay mëti'ipë ka'ap jyutiis'atën. Jëtu'unës ja Dios xyaj'ëwa'atspëtseemy jam tsimptum o'këntum,

2 Timoteo 4:22

Wä'än ja Wintsën Jesukristë tyajpaaty mëët mijts, Dios mkënu'kxëtëp ni'ëmukë.

Hebreos 11:29

Mëët ko myëpëjktë ja Israel ja'ayëty, tyuknajxtë ja Tsaptsmejy të'ëts naaxkëjxy. Ko ja Egiptë ja'ayëty näjyëtu'un jyanaxantë, ojts nyëëji'kxta'atë.

Josue 1:5

Mapaat mjuuky'ätyën ni pën mkamayëtëty, ëjtsës xëmë yajpaataanp ma mijtsën tä ojts nyajpaatyënës mëët yë Moisés, nijëna'a nka'ëxmatsa'any ets nkamajtstu'uta'any.

Josue 1:9

Ëjts yam mijts n'ëne'empy ets akujk jotkujk mtimnyäyjyawëtëty, amëk jotmëk xëmë m'itëty. Këtii mtsë'ëkëty ni mkakumay mkakutajëty, jä'ä ko ëjts maas nWintsën'atyën mëti'ipë mijts mTios'ajtypyën, xëmës nyajpaata'any mëët mijts, oy maa mtimnyëjkxëty.