Isaías 42:5 - Biblia Dc en Mixe de Quetzaltepec

⁵ Ja Wintsën mëti'ipë ja tsajp yajkojën ets twijtstëëy, mëti'ipë ja naaxwiinyëtë yajkojën ets tëkokyë mëti'ipë juukyajtpën ma yë'ëjën, mëti'ipë yajjuuky'äjtypyën ja ja'ay mëti'ipë wyintsëna'ayëtyëpën yë naaxwiinyëtë, jëtu'un t'ënëëmë ja tyuunpë.

Biblia Mixe de Quetzaltepec

⁵ Ja Wintsën mëti'ipë ja tsajp yajkojën ets twijtstëëy, mëti'ipë ja naaxwiinyëtë yajkojën ets tëkokyë mëti'ipë juukyajtpën ma yë'ëjën, mëti'ipë yajjuuky'äjtypyën ja ja'ay mëti'ipë wyintsëna'ayëtyëpën yë naaxwiinyëtë, jëtu'un t'ënëëmë ja tyuunpë.

Isaías 42:5 ပူးပေါင်းရင်းမြစ်များ

Génesis 1:1

Ko tsyo'onë'ky tsyo'ontäky, Dios yë'ë ojts tyajkojy ëka'any tsajp ets naaxwiinyëtë.

Génesis 2:7

Paaty yë Wintsën ojts tu'uk yë naaxwiinyëtë ja'ay tyajkojy. Naax ojts yi'iyë t'oytyuunkojy, tä tjëjpmëpixëy ets tmooy jëtu'un ja jyuukyajtën. Jëtu'un ja naaxwiinyëtë ja'ay ojts jyuukpyiky.

Job 12:10

Jam kyë'ëjotm, jam y'ijta'atë mëti'ipë juuky'ajtëpën.

Job 27:3

maapaatës xymyo'oyën yë jot mëjaaw etsës njaakxäjëty,

Job 33:4

Dios, mëti'ipë maaytyääyëpën winë, yë'ëjës të xyajkojy etsës të xymyo'oy yë jot mëjaaw.

Job 34:14

Ko y'ëkyajpëjkëty yë naaxwiinyëtë ja'ay yë xyejy, tëkokyë yë'ëjëty poj'am y'o'kta'atëty ets jatëkok y'awinpitëty naaxway.

Salmos 136:6

Mëti'ipë ojts twijtstëyën ja të'ëtsnaax nëëwiinkëjxy, jä'ä ko yë tsyojkën jya'awën winë xëëw winë jëmëjt yë y'ijtëy.

Salmos 33:6

Yë tsajp ets tëkokyë jënu'un jam yajpaatyën tsajpwinm, yë Wintsën të tyajkojy mëët yë y'aaw y'ayuk, ets mëët ko të nyasxajë.

Salmos 96:5

Yë wiink tios mëti'ipë wiink naax wiink kajpn y'ëwtajtëpën, ka'ap tii mëk'ajtën tmëëtëty, jä'ä ko yë nWintsën'ajtëm yë'ë ojts yë tsajp tyajkojy.

Isaías 37:16

Wintsën, mëti'ipë maaytyääyëpën winë, ja Israel ja'ayëty ja Tyiosëty mëti'ipë jam ja y'ënyääytyakn myëët'ajtypyën itkujky ma ja Dios kukexyëtyën, mijts tu'ukyë mTios'ajtp ma nitëkokyë yajkutujkpën naaxwiiny naaxkëjxy. Mijts të xyajkojy yë tsajp ets naaxwiinyëtë.

Isaías 40:12

¿Pën jëtää yë mëjmejy të t'ëk'atsa'tëpë, ëkë yë kyë'ëwa'axy mëët të t'ëkkijpxpë yë tsajp? ¿Pën jëtää yë naaxway të t'ëk akijpxnajxpë jënu'un jye'emtyëtyën, ëkë të t'ëk kijpxtääpyë jënu'un jye'emtyëtyën yë tun kopk?

Isaías 40:22

Yë Dios jam yë kyutujktakn tmëëtëty ma naaxwiinyëtë ja nyiwits nyijuuxën, yë'ë wa'ats t'ixy tuny yë naaxwiinyëtë ja'ay tä yaj'ixyën yë pujtpë. Jëtu'un yë tsajp tyä'ptëy tä ja'ay wit tyä'ptëyën, jëtu'un twijtstëy tä ja'ay tëjk nikäm twijtstëyën.

Isaías 40:26

Jam yujk'ixtë tsajpwinm ets xy'ixtëty: ¿Pën jam winë të tyajkojy? Mëti'ipë të tuknipëjktakëtyä'äyën maajaty y'itëtyën nitu'ukjaty ets aak xyëëw tyukmëkäjpxyp. Nëkooyë tmëët'ajnë mëk'ajtën ets mëjaaw paaty nitu'uk kyatëkoy'äty

Isaías 40:28

¿Tii këtii ënety xynyijawë? ¿Këtii të xymyëtoyë? Yë Wintsën, yë'ë Dios xëmëpë y'ijtëyën, mëti'ipë yajkojën yë naaxwiinyëtë, ka'ap nijëna'a y'ënu'kxë ets myëjaawkëxy; yë wyijy'ajtën xëmëkyëjxm yë y'ity.

Isaías 44:24

Jëtu'un yë Wintsën y'ënä'äny mëti'ipë të myajtso'okyën ets të myajkojyën ma ënety ka'anëm mminyën naaxwiiny: Ëjts mijts xyWyintsën'ajtp, mëti'ipë winë të tyajkojyën, ëjts nwijtstëëw yë tsajp ets ëjts ojts nyajkojy yë naaxwiinyëtë, ni pënës ojts xykyaputëkë.

Isaías 45:12

Ëjts të nyajkojta'ayës tëkokyë yë naaxwiinyëtë ets naaxwiinyëtë ja'ay. Nkë'ë n'aawës mëët të nwijtstëyës yë tsajp ets të n'ënä'ämta'ayës ja xëëw, po'o ets ja mëtsa'a.

Isaías 45:18

Mëti'ipë ja tsajp yajkojën, mëti'ipë Tios'ajtpën ets Wintsën'atpën, mëti'ipë yajkojën yë naaxwiinyëtë ets yajxon tyaj'o'oyëtyääy ets tyajta'tspëjktaay, ojts tuknipëjktaakë këtiipë winwa'ats y'itëty, yë'ëkyëjxm të tyajkojy ets twin'it twintsëënëtëty mëti'ipë juuky'ajtëpën, tääts të y'ënä'äny: Ëjts jëtu'un nätyu'uk Wintsënajtp ets ka'ap maa wiinkpë.

Isaías 48:13

Mëëtës yë nkë'ë ojts nyajkojy yë naaxwiinyëtë, ets näjyëtu'un nwijtstëëyës yë tsajp; koos ojts ntukmëkajpxtë yë xyëëwëty, tääts yu'kxpëjktë.

Isaías 57:16

Ëjts ka'apës xëmë nnaax nkajpn yë pyoky ntukwinmëtowa'any, ets ka'apës xëmë ntukjoot'anpëka'any; këtiipë ja'ay myontëty tyuktëty mëti'ipës të nyajkojyën.

Jeremias 10:12

Yë Wintsën jä'ä ojts tyajkojy yë naaxwiinyëtë mëët yë myëk'ajtën, mëët yë wyijy'ajtën tyajta'tspëjky, mëët yë kyëpetyajtën twijtstëëy yë tsajp.

Jeremias 27:5

Mëët yë mëj'ajtën kuttujkën ojts nyajkojyës yë naaxwiinyëtë; yë ja'ayëty ets jëyujkëty mëti'ipë jam yajpatëpën, njëkyejpyës pën nmo'ojëty mëti'ipës ënety nmo'ojäämpyën.

Jeremias 32:17

Mijts Wintsën, mëët ja mëk'ajtën ets ja kuttujkën të xyajkojy ja tsajp ets naaxwiinyëtë, ka'ap nitii tsip xyjyawë.

Jeremias 38:16

E ja Sedequías yajkutujkpë ame'tsyë ojts tatskmëkajpxë ja Jeremías ets t'ënëmaay: Yë Wintsënës yë xyëëw ntukkajpxypejtypyës ko ka'ap mijts ni'ënä'ämëja'any, ka'ap pën myaj'ookëtëty ets ka'ap nkë'ëyaka'any ma ja ja'ayëtyën mëti'ipë ënantëpën ko m'ookëty.

Ezequiel 18:4

Aak ëjts njä'ä'ajtyp yë naaxwiinyëtë ja'ay, näjyëtu'un yë teety taak ets u'unk ëna'k. Mëti'ipë pokytyuunpën yë'ë ookaanp.

Daniel 5:23

Mijts, je'eyë xynyëxi'iky xytyukxi'iky yë Wintsën tsajpjotmëpë yajpaatyën, tëë xynyikäxë ja tsim texy mëti'ipë aak pu'ts pujxn mëët y'oytyunyëtyën jampë ijty yajpaatyën ma tsajptëjkën ets jap yë m'uuky të xy'atämëtë ets të xy'ëwtatë ja wiinkëtypë ja tios mëti'ipë oytyunyën mëët yë pu'ts pujxn, poop pujxn, tsuxkpujxn, juunpujxn ets kepy tsaa; tios ka'apë myëtowtën ets ka'apë tii tnijawëtën. E ka'ap ja Dios të xywyinkutsë'ëkë mijts yajkutujkpë mëti'ipë myajjuuky'ajtëpën ets mëti'ipë mtuktuunëpën winë.

Amós 9:6

Tëë yë Wintsën tpëjktä'äky yë tsyënaaytyakn jam tsajpkëjxm ets të t'oytyuny yë naaxwiinyëtë nyiwits nyijuux; myëkajpx yë nëë ma mejyën ets txijkxtë yë naaxwiinyëtë. Jä'ä txëëwaty Wintsën.

Zacarías 12:1

Ya'atë aaw ayuk yë'ë yë Wintsën tyuknikäjx yë Israel kajpn. Yë Wintsën mëti'ipë të twijtstëyën yë tsajp ets të tpëjktä'äky ma naaxwiinyëtë kyëxwäätsëtyën ets tjuukyajtënmo'oy yë ja'ay, yë'ë ënaanp:

Hechos 17:24

Ja Dios, mëti'ipë yajkojën ja naax ets tu'kë'ëyë mëti'ipë yaa naaxwiiny ijtpën, yë'ë nyiwintsën'ajtääpy tu'kë'ëyë winë ma ja tsajpën ets ja naaxën. Ka'ap jap y'ity ma ja tsajptëjkën mëti'ipë ja'ay y'oytyuuntëpën

Hechos 17:25

ets ka'ap tyajmëyäty tii ntukmëtu'unmëty, jä'ä ko yë'ë xymyo'oyëm ja juukyajtën, poj ets tu'kë'ëyë winë.

Hebreos 1:2

Tyam ma kyëxanën ja xëëw jëmëjt, tëë xymyëkajpxëmë mëët ja y'U'unk, mëti'ipë ojts mëët tyajkojyën ja naax tsajp, mëti'ipë të tukumaaytyä'äyën winë.