Isaías 42:21 - Biblia Dc en Mixe de Quetzaltepec

²¹ Yë Wintsën mëti'ipë yaj'ëwaatsëpëtsëëmpën, mëjwiin këjää ja oyajtën të tjayaka'any ma ja y'ijxpëjkënën;

Biblia Mixe de Quetzaltepec

²¹ Yë Wintsën mëti'ipë yaj'ëwaatsëpëtsëëmpën, mëjwiin këjää ja oyajtën të tjayaka'any ma ja y'ijxpëjkënën;

Isaías 42:21 ပူးပေါင်းရင်းမြစ်များ

Romanos 3:31

Pën jëtu'un, ¿ka'ap jëtää ja ënä'ämën tii mëk'ajtën t'ëkmëët'ajnë ko yajmëët'aty ja mëpëjkënë? Niwi'ix'äämpy. Ni'ikyë njaaktimyajmëjnajxëmë ja ënä'ämën.

Hebreos 8:10

Jëtu'un y'ënä'äny ja Wintsën: Ja käjpxytyu'unën mëti'ipës nyaj'apaatëjäämpyën mëët ja Israel ja'ayëty, jä'ä xëëw, yë'ë ya'atë, jëtu'un y'ënä'äny ja Wintsën: Wyinma'anyjotyës npëjkta'aka'any ja n'ënä'ämënës ets njaaywyë'ëma'anyës ma y'aaw jyotëtyën, ëjts xyWintsën'atantëp, ets yë'ëjës nja'ay'atäämpy.

Romanos 7:12

Ko konyë nkajpxa'anmëty, ja ënä'ämën wa'ats, mëtëy ets oy yë'ë.

Mateo 3:15

Tääts ja Jesús y'ëtsooy: Yajnëëpäjtkës jä'ä ko kopkpëky ets yajpatunëty ijxtëm ja Dios tsokyën. Ënet ja Juan tkupëjky.

Isaías 42:4

Ka'ap nëjkx pyo'kxy ets ka'ap nëjkx y'ënu'kxë, koonëm tyajnaaxkëta'akëty ja oypyë ja nipaye'eyën naaxwiiny naaxkëjxy. Ja naax kajpn nëjkxëp t'amëtoow'itë ja y'ijxpëjkën.

Salmos 71:19

Yë mëtëypyë mnipaye'eyën, mijts Dios, jajtp jam tsajpwinm; mëjwiin këjää winë të xytyuny, kamaa jëtu'unpë tios tä mijtsën.

Salmos 40:8

Ëjts ntunäämpyës mëti'ipë mijts mni'ënä'ämëpën, Dios, mëti'ipës nTios'ajtypyën; Njootjoty nwinma'anyjyotyës nyaj'ity mëti'ipës mijts xytyuk'ni''ijxëpën.

Filipenses 3:9

ets nyajpaata'anyës jam ma yë'ëjën; ka'ap yë'ëkyëjxmëty koos të nyajpaye'ey mëët ja ënä'ämën kuttujkën; yë'ëkyëjxm ko yajmëët'aty ja mëpëjkën ma ja Kristën, mëti'ipë ja Dios nyipaye'eyën'ajtypyën ko të yajmëpëky.

Gálatas 3:21

Ëkë, ¿jä'ä jëtää tijy ko Moisés ja y'ënä'ämën ko tmëtsip'aty ja Dios ja wyaantakënë? Niwi'ix'äämpy. Ko jeexyë ja Moisés ja y'ënä'ämën t'ëkyäky ja juukyajtën, jyëkyejpy jeexyë ja ja'ay oy wyi'im Dios wintum ko tpatuny ja Moisés ja y'ënä'ämën.

Gálatas 3:13

Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënety ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

Romanos 10:4

Jä'ä ko ja ënä'ämën tëë kyixy nyäxy, ko ja Kristë myiiny ets ja Dios kyupëkëtëty mëti'ipë mëpëjktëpën.

Juan 15:10

Pën mpatuuntëp ja n'ënä'ämënës, myajpaatantëp jam maas ja ntsojkën nja'awënën, jëtu'un ijxtëm ëjts npatunyën ja nTeetyës ja y'ënä'ämën etsës nyajpaaty ma ja tsyojkën jya'awënën.

Juan 8:29

Mëti'ipës xykyäjxpën, mëëtës n'ity; nijëna'ajës nätyu'uk xykya'ëxmatsy, jä'ä ko yë'ëjës xëmë ntuunpy mëti'ipë tyukjotkëtäkpyën.

Mateo 17:5

Tam ënety ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Mateo 3:17

Tääts yajmëtooy tu'uk ja ayuk tsajpjotm: Ya'atës n'U'unk'ajtyp, mëti'ipës ni'ik ntsojkpyën, ntukjotkujk'ajtypyës yë'ë.

Salmos 71:16

Nimëtya'akäämpyës wi'ix winë mëj këjää të xytyunyën Wintsën, ntukyaaxëjäämpy ntukjojkëjäämpyës ko mijts aak'oy ets aak mëtëy winë xytyuny.

Salmos 138:2

Japës nkoxtanëja'any ma mtsajptëjkën, etsës nkukajpxëja'any yë mtsojkën mja'awën ets mtëyajtën, jä'ä ko yë mxëëw ets m'aaw m'ayuk tëë mijts xypyëjktä'äky ets mëj'äämpy y'itëty ma tëkokyë winë yajpaatyën.

Isaías 51:4

Naax kajpnëty, mëtoow'itë n'aaw n'ayukës: N'ijxpëjkënës yam nyakäämpy, ets ja ntëyajtënës yë'ë kyutë'kxäämpy kyujajäämpy ja naax kajpn.

Deuteronomio 4:6

Yë'ë jëtu'un jot'at winma'any'atë ets patuntë, jëtu'un'äämpy nëjkx ja wiinkëtypë ja naax kajpn mëj'äämpy myajnaxëtë. Ets nëjkx y'ëna'antë, ko ma ya'atë kajpnën jam'ajtp ja wijyajtën ets ijxkujk ja'aykyujkën. Ko ënety yë'ëjëty tnijawëtë ya'atë ënä'ämën tëyajtën jyëkyäpëp y'ëna'antëty: Ma ya'atë naax kajpnën janty jam'ajtp yë wijy'ajt kujk'ajtën ets ja'aykyujkën.

Deuteronomio 4:8

¿Maa wiinkpë naax kajpn n'ëkpatmëty mëti'ipë myëët'ajtypyën ja ënä'ämën tëyajtën oypyë ets mëtëypyë, jëtu'un tä yë mëti'ipë yam miits të ntukmëtowtën?