Isaías 42:15 - Biblia Dc en Mixe de Quetzaltepec

¹⁵ Nyajkutëkoyäämpyës yam yë tun kopk, nyajtëtsta'ajäämpyës yam yë aay ujts; të'ëts'itjot yam nyaj'awinpita'anyës yë nëëjot, etsës nyajtëtsta'aja'any ja nëë'akëyë.

Biblia Mixe de Quetzaltepec

¹⁵ Nyajkutëkoyäämpyës yam yë tun kopk, nyajtëtsta'ajäämpyës yam yë aay ujts; të'ëts'itjot yam nyaj'awinpita'anyës yë nëëjot, etsës nyajtëtsta'aja'any ja nëë'akëyë.

Isaías 42:15 ပူးပေါင်းရင်းမြစ်များ

Salmos 18:7

Ënet ojts yë naaxwiinyëtë mëk yu'kxy. Ojts yë tun kopk yu'kxtë, kopk ëjxypyaat; ojts yajwijtsyu'kxtë mëët ja Dios ja tsyip y'äkë.

Isaías 41:15

Jëtu'un mijts nyajtuna'any tä tu'uk kepyën mëti'ipë tsajpmok wyinjëjtypyën, jemypyë ets mëti'ipë oy yë tyëtsën; mwinjëtsäämpy ja tun kopk, way way xytyuunta'aja'any, tä tsajpmok akën xyaj'awinpita'any ja tun kopk.

Isaías 44:27

Ëjts xymyäyëpës ntuknipëjktaakëty ets ja mëjmejy tyëtsta'ajëty ets mëjnëë wyë'ëmta'atëty nëëtuk.

Isaías 49:11

Nëjkxëpës yë në'ë tu'u nyaj'ëwa'atsy äämjyoty pejyjoty, ets nëjkxëpës ntaj'oyë ja tsiptuuypyë.

Isaías 50:2

¿Tii ko ka'ap pën npatyës koos ojts njaminy? ¿Tii ko ka'ap pën y'ëtsooy koos ojts njamëkäjpxy? ¿Jëtu'un m'ënantë ko ka'apës xymyäy pën nyajtso'okëtyës? ¿Jëtu'un m'ënantë ko ka'apës xymyäy pën nyaj'ëwaatsëpëtsëmëtyës? Ëjts tu'k aaw je'eyë nkäjpxyës tääts ja mëjmejy tsyi'itsy, ja mëjnëë y'awinpity të'ëts'itjot ets ja nëë jëyujk tyëëtsë o'kta'atë ëkë pyutsnëtë ko ka'ap ja nëë.

Jeremias 4:24

Ojts n'ixyës yë kopk ko yu'kxtë, aakjëtu'un ja tun kopk aak tsëtyuuytyëp.

Ezequiel 38:19

Maas yam njoot'anpëkyën, jëtu'unës yam n'ëna'any nxëëwkyëjxmës ko jääjës nëjkx tu'uk yë ujx mëkpë nyajnaxy ma Israel kajpnën.

Ezequiel 38:20

Ets nëjkxëp tsyë'këtya'atë yë nëë jëyujkëty, yë joonëty, yë aayjëyujk ujtsjëyujk ets mëti'ipë myox tyukye'eytyëpën ets näjyëtu'un yë naaxwiinyëtë ja'ayëty. Jijta'ajantëp yë tun kopk, yë tsaa ets potsy mëti'ipë naax kajpn nyapots'ajtypyën.

Hageo 2:6

Ëjts tsojkës nyajyu'kxa'any yë naaxwiinyëtë ets tsajp, yë mejy ets mëti'ipë ta'tspëkyën.

Zacarías 10:11

Nëjkxëp tuknaxtë yë Egiptë juukymyejy, ko ënety ja nëë o'pky n'apëjktukyës. Nyajtë'ëtsäämpyës yë Nilë nëë këkpaat; nyajma'atäämpyës tëkokyë mëti'ipë yë Asiria ja'ayëty nätyukmëjja'awëtëpën ets nyajkutëkooytya'aja'anyës yë Egiptë kyutujkën.

Apocalipsis 11:13

Ënätyë ja ujx myiiny mëk ets niwëxtujk mil ja ja'ay y'o'ktë ko tu'kpëky ja majk pëkpyë kajpn kyuja'awnajxy mëët ja ujx, e ja ja'ay mëti'ipë ka'ap y'o'ktën, yajxon tsyë'ëkëtë ets tmëja'awëtyë ja Dios ja tsajpjotmëpë.

Apocalipsis 16:12

Tääts ja mëtëtujkpë ja tsajpjotmëtë kukäjpxy tyajtukwatsy ja y'a'ukën ma ja Efrates mëjnëëjën ets ja nëë tyitsy ets nyaxtëty ja yajkutujkpë mëti'ipë xëëwpëtsëmy tso'ontëpën.

Apocalipsis 16:18

Ënet myiiny ja ënääw wëtsuk ets mëk ujx myiiny mëti'ipë ka'anëm nijëna'a yaj'ixy yajnijawënëm jënu'un ja naaxwiinyëtë ja'ay jyuuky'atën.

Apocalipsis 20:11

Ënet n'ijxyës tu'uk mëti'ipë u'unyääpyën ma ja poop kutujktaknën. Winëjaty tyimtëkooytyääy yë'ë wyintum wyinkujkm: ja tsajp ets ja naax, nimaa tii kya'ëkyaj'ijxnë.