Isaías 42:1 - Biblia Dc en Mixe de Quetzaltepec

¹ Tyaajës ja ntuunpë mëti'ipës mëk n'ijx'ijty nkëwent'ajtypyën, mëti'ipës të nwin'ixyën ets mëti'ipës ntukxoontäkpyën. Tëës nmo'oy yë nmëk'ajtën ets tunëty ja nipaye'eyën tëy tëtä'äky ma ja naax kajpnën.

Biblia Mixe de Quetzaltepec

¹ Tyaajës ja ntuunpë mëti'ipës mëk n'ijx'ijty nkëwent'ajtypyën, mëti'ipës të nwin'ixyën ets mëti'ipës ntukxoontäkpyën. Tëës nmo'oy yë nmëk'ajtën ets tunëty ja nipaye'eyën tëy tëtä'äky ma ja naax kajpnën.

Isaías 42:1 ပူးပေါင်းရင်းမြစ်များ

Génesis 49:10

Ni pën yë Judá kyapëjkëtëty yë myëk'ajtën ets kyutujkën ets kyepy mëti'ipë kyë'ëjotm myëët'ajtypyën, koonëm tëy myinëty ja mëti'ipë nyiwintsën'ajtypyën ja kepy tampë tkë'ëkap'atyën, mëti'ipë nëjkx ja naax kajpn tmëmëtowtën.

Salmos 72:4

Nyipaye'eyëp ja ëyoopëja'aytyëjk, ets tmo'ojëty ja jotkujk'ajtën ja y'u'unk y'ëna'k ets tukumëtowëty ja ja'ay ja nyëë pyoky mëti'ipë ja myëku'uk tyiytyuunpyën ets wyojpy kyä'tsypyën.

Salmos 89:4

Ëjts nyajkutukäämpyës ets m'u'unk m'ok xëmë y'ënä'ämtëty, ma ënety mijts mkutëkats xyajmëyätyën.

Isaías 2:4

Yë'ë nëjkx ja nëë poky tnipaye'ey maajaty ja naax kajpn yajpaatyën, yë'ë nëjkx tyaj'oyë ja jëën tsip ma ja naax kajpn tsyiptuntën. Ja tëypyujxn mëti'ipë tyuktsiptuuntëpën je'eyë nëjkx yajtukyu'uy, ja kyu'umënëty ujts nëjkx yajtuktsujkmuky; nimëti'ipë kajpn nëjkx ja myëku'uk tka'ëknipëtë'knë ka'ap nëjkx y'ëkkopkpëky'ajnë ja'ay tjatëty wi'ix tsyiptunëtyën.

Isaías 32:16

Ja tëyajtën ets ja oypyë ja nänyipaye'eyën jä'ä nëjkx y'ëne'emy oymyaakajpnëty.

Isaías 41:8

Mëtoow'itë ya'atë aaw ayuk, miitsëty Israel ja'ayëty, mëti'ipë Jacob nyaax'ajtyp kyajpn'ajtypyën, ja ntuunpës mëti'ipës të nwin'ixyën, ja naax kajpn ma tsyëënëtën ja nmëku'ukës Abraham ja y'u'unk y'ok.

Isaías 41:9

Ëjts mijts të nyajtsoony ma naaxwiinyëtë jyëjpkëxyën, jëkäm ënety myajpaaty ko ojts nyaxtsoy ets t'ënëmaay: Mijts ntuunpë'ajtyp. Ëjts mijts të nwin'ixy ets ka'ap nijëna'a të n'ixtijy.

Isaías 42:2

Ka'ap ya'axa'any jyoka'any, ka'ap nyä'äma'any, nitii tka'ëwa'any tkakajpxa'any në'ëjoty tu'ujoty,

Isaías 43:10

Jëtu'un yë Wintsën y'ënä'äny: Miits nyajnajxtëp ijxpë nija'apë, miits të nwin'ixtë ets ntuunpë'atëty, ets xynyijawëtëty pën ëjts ets xymyëpëktëtyës ets xyjyä'äkyukëtëty ko ëjts jëtu'un. Ka'ap maa jëtu'unpë tios tä ëjtsën ets ka'ap nijëna'a jëtu'unpë y'ita'any.

Isaías 50:10

Miitsëty ninaak xymyëjjaw xykyënu'kxyjyawëtë ja Wintsën, ninaak xymyëtoow'itën mëti'ipë ja tyuunpë kyäjpxyp myëtyäkpyën, oy muum mku''ux mkukootsëtë, oy muum mkupi'itsëtë, jam ja mjot mwinma'any pëjkta'aktë ma Wintsënën, yi'iyë Dios tukjotkujk'atë.

Isaías 52:13

Ja ntuunpës oy ja tyuunk wyimpëtsëma'any; mëj'äämpy y'ita'any ets kumay nyaxa'any.

Isaías 53:11

E oy ënety ëxëëk të jyäty të kyëpety, y'ixäämpy jatëkok ja të'kxën jajën, jotkujk yajpaata'any ko ënety nnijawë; ja wa'ats ja'ay mëti'ipë ja Wintsën të tmëtunyën mayjyä'äy yajtso'okäämpy, jä'ä ko yë'ë nëjkx tmënëjkxta'ay ja mayjyä'äy ja tyuuntëko'oy kyajpxtëko'oyën.

Isaías 59:21

Jëtu'un yë Wintsën y'ënä'äny: Ëjts tyamës tu'uk käjpxytyu'unën ntuny mëët miitsëty, maas nikäjpxyën ko yë nmëk'ajtënës ets n'ijxpëjkënës mëti'ipë miitsëty të nmo'otën ka'ap nijëna'a jyëwa'aka'any ma miitsëtyën, ets ma m'u'unk m'ëna'këtyën, ni'ikyënëm xëmëkyëjxm y'ita'any.

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Isaías 63:1

¿Pën ja'ay yë'ë, tampë myinyën Posrá, mëti'ipë Edom myëjkajpn'ajtypyën, tsapts yë wyit, jëtu'un yaj'ixy ne'pnymyëëtën yowë? ¿Pën yë tääpë oypyë të nyäxyoxyën ets amëjaaw myiny?

Hageo 2:23

Jä'ä xëëw, mijts Zorobabel, mëti'ipës ntuunpë'ajtypyën nëjkx nkuwa'any ets jëtu'un nëjkx ntimy myëët'aty tääjës nmëët'atyën yë nkë'ëjiitsës mëti'ipës winë noky ntuktsääpyën, jä'ä koos mijts kë'ëm të nwin'ixy. Ëjts Wintsën, mëti'ipë maaytyääyëpën winë, ëjts ënaanp.

Zacarías 3:8

Mëtoow'it yajxon mijts Josué, mijts mniwintsën'ajtyp yë teetytyëjkëty ets wä'än tmëtowtë näjyëtu'un yë mmëku'uktëjkëty mëti'ipë näjyëtu'un teety'ajtëpën, jä'ä ko miitsëty jëtu'un mnaxtë tä tu'uk ijxpätën mëti'ipë yajktëpën yë käjpxynyajxpëtëjkëty: Ëjts nyajminäämpyës yë ntuunpë, mëti'ipë jëtu'un tä Kepyji'tskën.

Malaquías 1:11

Oymyaanaax myaakajpnëty aakyë'ë oypyë xymyooytyëpës yë wintsë'kën ets aak'oy tyaktë yë pyoomëty mëti'ipës xytyukwintooytyëpën.

Mateo 17:5

Tam ënety ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Lucas 3:22

ets ja Kënu'kxymyëkajtën nyikëtakë ijxtëm tu'uk ja pakën ets yajmëtooy ja ayuk jam tsajpjotm: Ëjts mijts n'u'unk'ajtyp, ntsojkpy nja'ap mijts ni'ik ets ntukjotkujk'ajtyp.

Lucas 4:18

Ja Dios ja Jyot jya'awën ëjts nmëët'ajtëp, etsës të xypyëjktä'äky ma ja ëyoopëja'ayën etsës ntuk'ëwaanëtëty ja oy aaw oy ayuk, tëëjës xykyexy etsës n'ëwaanëty wi'ix tu'ukyë y'itëty mëti'ipë ijtëpën ijxtëm ja ja'ay pujxn tëkotypyën, ets y'ijxë'ëktëty ja kupi'its kukootspë, ets y'ëwaatsëpëtsëmtëty mëti'ipë yajtëytyuun yajtsaatsytyuuntëpën.

Lucas 4:19

Jëtu'un yajtuk'ëwaanëtëty ko tëë tpaaty ja xëëw po'o ma ja Wintsën tuna'anyën ja mëyajtën.

Lucas 9:35

Ënet tmëtoowtë yootsjoty tu'uk ja ayuk: Ëjts ya'atë n'u'unk, mëti'ipës të nwin'ixyën. Mëtoow'itë wi'ix y'ënä'änyën.

Juan 16:32

Tëë ja xëëw jëmëjt tpaaty ets tyam jëtu'un nixëëwaty, ko miits mkääkwa'kxta'atëty ets mnëjkxtëty këëkjëën këëktëjk etsës nätyu'uk xy'ëxmatstëty. E ka'apës nätyu'ukëty, jä'ä ko tääjës ja nteety mëët.

Juan 3:34

Pën ja Dios të kyexyë, Dios ja y'aaw y'ayuk myëtyäkpy, jä'ä ko Dios ja Jya'awën të tyäky ëmuumtu'ukjot.

Juan 6:27

Ko tii xytyuntëty ka'ap yë'ëkyëjxmëty ko ja kääky uuky xytsyoktë mëti'ipë këjxp najxpën, yë'ë mnituntëp mëti'ipë mmo'ojëtëp ja juukyajtën xëmëkyëjxmëpë. Ya'atë ja kääky uuky yakäämpy ja naaxwiinyëtë ja'ay ja y'U'unk, jä'ä ko yë'ë Dios Teety yë kuttujkën të myo'oyë.

Hechos 10:38

Mnija'awëtëp näjyëtu'un ko ja Dios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënety ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Dios mëët yajpaaty.

Hechos 11:18

Ko jëtu'un tmëtoowtë ja Jerusalenkëtë mëpëjkpëtëjkëty, tää amonyë wyë'ëmtaaytyë ets ja Dios tmëjja'awëtyë: Tyam yajja'akyukë ko tëë jëtu'un ja Dios tuknipëjktaakë ets näjyëtu'un tpaatëty ja juukyajtën xëmëkyëjxmëpë mëti'ipë ka'ap jyutiis'atën, ko ja y'ëxëëk winma'any të t'ëxmatstë.

Hechos 28:28

Tääts ja Pablo jyaak'ënany: Yë'ë mnijawëtëp, ko tyam ets jëtu'un tyu'uye'eyä'äny yë xëëw jëmëjt, ja Dios ja nyitsokën yë'ë yajmo'ojantëp ja ja'ayëty ka'apë jyutiis'atën, jä'ä ko yë'ëjëty mëtoowtëp yë'ëjëty.

Hechos 9:15

Tää ja Wintsën y'ënäny: Nëjkx, tëëjës ntuknipëky. Nyajtunäämpyës yë'ë ets nyëjkxëty ma ja ja'ay mëti'ipë ka'ap jyutiisëty. Jamts tnikäjpxy tnimëtya'akëty ja n'aaw n'ayukës ma ja mëti'ipë tsënaaytyëpën wiink it wiink naax ets ja yajkutujkpë mëti'ipë ënä'ämtëpën, näjyëtu'un ja Israel ja'ayëty.

Efesios 1:4

Dios të xywyin'ijxëmë ko ja Kristë të nmëpëjkëmë naamka'anëm ënety ja naaxwiinyëtë tsyo'ontä'äkynyëm ets jëtu'un wa'ats n'ijtmëty wyintuuy mëët ja tsyojkën jya'awën.

Efesios 1:6

Paaty xëmë ja Dios nmëjja'aw njaantyja'awëmë jä'äkyëjxm ko ja mëjmëyajtën të xynyamo'oyëmë mëët ja y'u'unk, mëti'ipë ni'ik tsyojkpyën.

Efesios 3:8

Oyës ëjts ni'ik naxym nyajpaaty ma ja Dios ja nyaax kyajpnën wa'atspë; e tëëjës xytyuknipëky etsës nkajpxwa'kxëty ja aaw ayuk mëti'ipë ka'ap tjëkyepyën wi'ix nkajpxtë'kxmëty, etsës n'ëwaanëtëty ja ja'ay mëti'ipë ka'ap jyutiis'atën wi'ix ja Kristë myëjëtyën.

Filipenses 2:7

y'ëxmajtstaay tu'kë'ëyë mëti'ipë jyä'ä'ajtypyën ets ojts nyäpyëjktä'äkyë jëtu'un ijxtëm tu'uk yë mëtuunpën, jëtu'un ojts myëxu'unk'aty ijxtëm naaxwiinyëtë ja'ay myin kye'exyën.

Colosenses 1:13

Tëë ja Dios xyaj'ëwa'atspëtsë'ëmëm ma ja ku'oypyë yajkutukyën ets tëë xypyëjktakëm ma yajkutukyën ja y'U'unk, mëti'ipë ni'ik tsyojkpyën.

1 Pedro 2:4

Mëwinkontë ja Wintsën, mëti'ipë juukyajtpën ets mëti'ipë juukyajtën yäjkpyën; jëtu'un yë'ë ijxtëm ja oypyë tsaajën mëti'ipë ja ja'ay të t'ixka'atstën, je'eyëp ko tëë ja Dios wyin'ixyë ets ni'ik të tsyoowpaaty.

1 Pedro 2:6

Paaty näjyëtu'un y'ënä'äny ja Dios ja y'aaw y'ayuk kuja'aypyë myinyën: Mpëjktäkpyës jam Jerusalén tu'uk ja tsaakopk, win'ixypyë ets tsowpë; mëti'ipë yë'ë tyuk'ijxpejtypyën ka'ap tsyëtyu'unpaata'any.