Isaías 40:31 - Biblia Dc en Mixe de Quetzaltepec

³¹ yë'ë tëyëty mëti'ipë yi'iyë Wintsën tyuk'ijxpäjtëpën xëmë amëk jotmëk yajpaata'antë ets jëtu'un nyäjyawëja'anëtë nipe'tym kupe'tym tä witsnën; jyëkyejpy mëk pyëyë'ëktëty ets jyëkyejpy pe'tym ye'eytyëty. Ka'ap y'ënu'kxëja'antë.

Biblia Mixe de Quetzaltepec

³¹ yë'ë tëyëty mëti'ipë yi'iyë Wintsën tyuk'ijxpäjtëpën xëmë amëk jotmëk yajpaata'antë ets jëtu'un nyäjyawëja'anëtë nipe'tym kupe'tym tä witsnën; jyëkyejpy mëk pyëyë'ëktëty ets jyëkyejpy pe'tym ye'eytyëty. Ka'ap y'ënu'kxëja'antë.

Isaías 40:31 ပူးပေါင်းရင်းမြစ်များ

Job 17:9

Yë'ë wa'ats nyäyajnaxëtë ets jëtu'un y'ëna'antë ko yë'ëjëty ka'ap nitii tuuntëkoytyë.

Salmos 103:5

mëti'ipës ku'uxyë xyaj'ijtpën mëët yë oyajtën, etsës xyaj'ëna'kë witsnën.

Salmos 123:2

Mëët yë waantakën nu'kxtakën jam nkëx'ixtës ma Tiosën mëti'ipës nWintsën'ajtëpën, jëtu'un tä tu'uk yë mëtuunpë twintë'kxyën yë wyintsën, ets jëtu'un tä tu'uk yë to'oxytyëjk twintë'kxyën yë wyintaj, n'a'ix njëjp'ixtës etsës xypya'ëyow xynyajts'ëyowëtëty.

Salmos 138:3

Ko të nmëkäjpxy, tëës xy'ëtsoy ets tëës yë njot nmëjaaw xyajmëj xyajkëjääjë.

Salmos 20:9

Wintsën, mijts myajmëta'akëp yë yajkutujkpë. Xy'ëtsowtëpës ko ënety nmëkajpxtë.

Salmos 25:21

Wä'än yë'ë tkuwa'antë koos ka'ap tii ntuuntëkoy ets ko ka'apës npokymyëëtëty, jä'ä ko mijts të ntuk'ijxpety.

Salmos 25:3

Ka'ap mëpaat nijëna'a tsëtyu'unmëët wyë'ëmtë mëti'ipë mtuk'ijxpäjtëtëpën. Yë'ë tsëtyu'unmëët wë'ëmtëp, mëti'ipë mkäjpxykyumëtoownajxëtëpën.

Salmos 25:5

Tu'uwinwoowkës ets tukni''ijxëkës ja mtëyajtën. Jä'ä ko mijts nTios'ajtyp ets mijts xyajnitsokpës. Mijts ntuk'ijxpejtyp oyjyëna'ajëty.

Salmos 37:34

Mijts jämyë këx'ix ma Wintsënën, ets yi'iyë mëmëtow, yë'ë mkumayanëp ets mo'oja'anyë tu'uk yë naax kajpn tä tu'uk yë näkyumayën. Nëjkxëp kë'ëm xy'ixy wi'ix ënety ja ëxëëkja'aytyëjk kyutëkoytyën.

Salmos 40:1

Tu'ukyë jam yë njot nwinma'anyës npëjktä'äky ma Wintsënën, ets yë'ë tëë tmëtoy koos nyä'äxy njoky;

Salmos 84:7

yë jyot myëjaawëty ni'ikyë kyëjääjëja'any, e jam ma Sión kopkën, jam nëjkx t'ixtë ja Dios mëjpë.

Salmos 84:8

Wintsën, mëti'ipë maaytyääyëpën winë, mëti'ipë Tyiosajtën yë Jacob, mëtoow'ijtëkës yë ntsajpkäjpxy.

Salmos 92:1

Wintsën Ni'ik Këjxmëpë, janty'oy ko mijts myajmo'oy yë kukkajpxën ja'awëkyëtakkën, ets ko yajkuuy'iy ja mmëjajtën m'oyajtën.

Salmos 92:13

Kojy peny jam yajpaatë ma Wintsën yë tsyajptëjkën; ets janty'oy yaj'ixtë ko pyëjtë ma Dios yë tyëjkën, mëti'ipë nTios'ajtëmën.

Éxodo 19:4

Miitsëty tëë kë'ëm xy'ixtë wi'ixës ëxëëk të ntunyën yë Egiptë ja'ayëty ets wi'ix miitsëty yaa të nyajmintën maas yaa nyajpaatyën, pojën yaj'ixy të mintë jëtu'un tä jeexyë jam mkäknëtyën.

Proverbios 30:19

Ja në'ë tu'u mëti'ipë pyaye'epyën yë witsn ko kyääkjëtity tsajpkëjxm, yë në'ë tu'u mëti'ipë yë tsa'any ye'epyën tsaajoty, yë në'ë tu'u mëti'ipë pyanëjkxypyën tu'uk yë kepy nyëë winye'epyë nëëwiinkëjxy ets ja në'ë tu'u mëti'ipë ja naaxwiinyëtë ja'ay ye'epyën ko tninëjkxy ja to'oxytyëjk.

Cantares 8:5

¿Pën tääpë to'oxytyëjk mëti'ipë jam të'ëts'itjotm miinpën ets jam kyëx'ënëny ma kyejkyën yë ye'etyëjk mëti'ipë tsyojkpyën jya'apën? Ma mansaan kepypya'tkën ma ënety mma'ayën jam të nyuxy, jam ma mtaak pyëjkë y'ijxën ko ënety mijts mëxu'unk'ata'any ets ma mëxu'unk'ajtyën.

Isaías 25:9

Jä'ä xëëw nëjkx ja aaw ayuk y'ënä'äny: Ya'atë jëtu'un Wintsënajtp mëti'ipë nTios'ajtëmën, yë'ë të ntuk'ijxpäjtëmë ets yë'ë të xyajtsokëmë. Tsojk ntukxoontakëmë ets ntukxo'on ntuk'ijtëmë, jä'ä ko yë'ë tëë xyajtsokëmë.

Isaías 30:15

Jëtu'un y'ënä'äny ja Wintsën, Wa'atspë yajpaatyën ma Israel ja'ayëtyën: Jootwinpitë ets mjotkujk'atëty; xeemy ets tu'uwitsy nëjkx mjuuky'atë, yë'ë mtukjotmëk'atëp. Je'eyëp ko miitsëty ka'ap oy ja jëtu'unpë xymyëtowtë,

Isaías 30:18

E yë Wintsën jëjp'ixy jam yajpaaty ets jatëkok mwinpitëty; yë'ë mëk mjatsokëtë, jä'ä ko yë Wintsën nipaye'epy yë mëtëy. Akujk jotkujk ja'ay yajpaatë mëti'ipë y'ëwxijtëpën yë Dios.

Isaías 41:1

Amoonta'atë miitsëty, naax kajpnëty nëëpë'aaypyë yajpaatën. Naax kajpnëty amëk jotmëk itë. Mintë ets nikajpx nimëtyakmëty ya'atë winma'any; tsojk ntu'ukmujkëmë ets ntukxo'on ntuk'ijtëmë.

Isaías 64:4

Ni ma kyayajmëtoy'äty wiinkpë Dios jëtu'unpë tä mijtsën, mëti'ipë jëtu'un winë tyuunpyën tä mijtsën ma ja y'u'unk y'ëna'kën mëti'ipë tukjotkujk'ajtëpën.

Isaías 8:17

Oy yë Wintsën jyanäyu'utsyë ma Jacob y'u'unk y'okën, ëjts je'eyëmës yë'ë ntuk'ijxpety. Jä'ä ko ma yë'ëjën jamës yë njotkujk'ajtën npaaty.

Jeremias 48:15

Tää tyimwinkony mëti'ipë ja Moab ja'ay yajkutëkoyanëtëpën ets ja nyaax kyajpnëty; yë'ëpaat y'o'kta'aja'antë yä'äy ëna'k mëti'ipë je'eyë juuky'ajtso'ontëpnën. Yë'ë jëtu'un ënaanp yë Wintsën Yajkutujkpë mëti'ipë maaytyääyëpën winë.

Zacarías 10:12

Ëjts nëjkx nmo'otë yë jot mëjaaw ets tyu'uye'eytyëty mëët yë nxëëwës, ëjts Wintsën, ëjts ënaanp.

Lucas 18:1

Tääts ja Jesús tnimëtyäky mëët tu'uk ja ijxpäjtën wi'ix kyopkpëkyëtyën ko ja'ay wyanë tsyowë ets ka'ap kyumay kyutajëty.

Romanos 8:25

E mëti'ipë njëjp'ijxëmën ets ka'ap tii n'ijxëmë mëët ja nwiin'ajtëmë, ëyo'owmëp ko jeky n'ëwxijtëmë.

2 Corintios 4:1

Paatyës ka'ap n'ëxëëkjawëtë, jä'ä ko Tiosës të xytyuknipëktë ya'atë tuunk mëët yë pya'ëyo'ow nyajts'ëyo'owën.

2 Corintios 4:16

Paatyës ka'ap ntsaatyjyäwë, oyës ja ni'kx nkopk tëë jyamëjja'ayënë, ajemyëpës njawë xëmë ja njot nwinma'anyëtyës winjëpom.

Gálatas 6:9

Ka'ap n'ënu'kxëmëty ko ja oypyë ntu'unmëty. Ko ka'ap nwinmaaytsyëkajtsmëty, npatmëp ja oyajtën ko ënety ja tiempo tpaaty.

Deuteronomio 32:11

Jëtu'un ojts timmyëët'aty tä yë witsn tnike'eky tkuke'ekyën yë pyä'än ma ja y'u'unk tyajmëxu'unk'atyën, jëtu'un yë kyäkn të tuknikë'ëy, tëë twoowmuky ets të tmu'uxy.

Deuteronomio 33:25

Yë tyëjk'aaw ta'tspëky nëjkx xëmë y'ity, yë'ë mëët y'ëtukëty yë juunpujxn ets tsuxkpujxn, jëtu'un akujk jotkujk jyuuky'atëty jap kyajpnjoty.

1 Tesalonicenses 1:10

ets xyjyëjp'ixtë ko myina'any ja Jesús, ko tsyoona'any jam tsajpjotm ja Dios U'unk, mëti'ipë juukpyëjkën. Yë Jesús yë'ë xyajnitso'oka'anëm ma ja mëj ëyo'onën mëti'ipë miimp wiinkoonpën.

Hebreos 12:1

Paaty, ko të nnija'awëmë ko may ja ja'ay na'ëwtity yajpaatë mëti'ipë të myëpëktën, tsojk n'ëxmajtsëm tu'kë'ëyë mëti'ipë ëxëëktuunpën, ets ja poky mëti'ipë yajwinma'anyjyo'pën ets ntu'unmëty mëti'ipë ja Dios tsyojkpyën, ijxtëm ja ja'ay myëjaaw t'ixyën mëti'ipë pëyë'kijpxtëpën.

Hebreos 12:3

Mëmay mëtajtë mëti'ipë yë Jesús të tnajtstunën, mëti'ipë kyu'ëyo'owën ja pokyjyä'äy ja nyëë pyoky; paaty miitsëty këtii m'ënu'kxëtë ets këtii mmontëty mtuktëty.

Josue 14:11

E tyam oy mëknëmës nyajpaaty timjëtu'un tääjës ënätyën ko ja Moisés xykyejxyës jam ma ja Canaán itën, ëjts je'eyëmës mëk nye'ey nnaxy ets jyëkyejpynyëm ntsiptunëtyës.

Apocalipsis 12:14

E ja to'oxytyëjk yajmooy mäjtsk ja witsn käkn mëjatyëty ets tkukä'äkëty ja mëj tsa'any ets jëkäm kyäknëjkxëty ma ja jyuuky'ajtakn ënety të yaj'ixkukën, jam të'ëts'itjotm, ma ja kyä'äyën y'ukën yajmo'ojëtyën tëkëëk jëmëjt ja kujkm.

Apocalipsis 2:3

Xëmë oy të mjuuky'äty, ets tëë mëk xykyu'ëyowës, ka'ap të m'ënu'kxë.

Apocalipsis 4:7

Ja mëtu'ukpë juuky'ajtpë, jëtu'un kyëxë'ëky ijxtëm tu'uk ja kaajën; ja mëmäjtskpë ijxtëm yë tsajpkaajën; ja mëtëkëëkpë, jëtu'un ja wyiin jyëjp ijxtëm ja'ayën; ets ja mëmajktaxkpë ijxtëm witsnën ko kyääkjëtity.

Jueces 16:28

Tääts ja Sansón tyëjkëy kajpxtaktë ets ja Dios tmëkäjpxy, t'ënëmaay: Wintsën, tyam mijts nmëkäjpxy ets nmënu'kxtä'äky, ja'amyäjtskës ets mooykyës yë mëjaaw wä'änës ntuknituny yë filistejë ja'ayëty mëët koos yë nwiiny të xyjyu'tëtë.