Isaías 40:22 - Biblia Dc en Mixe de Quetzaltepec

²² Yë Dios jam yë kyutujktakn tmëëtëty ma naaxwiinyëtë ja nyiwits nyijuuxën, yë'ë wa'ats t'ixy tuny yë naaxwiinyëtë ja'ay tä yaj'ixyën yë pujtpë. Jëtu'un yë tsajp tyä'ptëy tä ja'ay wit tyä'ptëyën, jëtu'un twijtstëy tä ja'ay tëjk nikäm twijtstëyën.

Biblia Mixe de Quetzaltepec

²² Yë Tios jam yë kyutujktakn tmëëtëty ma naaxwiinyëtë ja nyiwits nyijuuxën, yë'ë wa'ats t'ixy tuny yë naaxwiinyëtë ja'ay tä yaj'ixyën yë pujtpë. Jëtu'un yë tsajp tyä'ptëy tä ja'ay wit tyä'ptëyën, jëtu'un twijtstëy tä ja'ay tëjk nikäm twijtstëyën.

Isaías 40:22 ပူးပေါင်းရင်းမြစ်များ

Salmos 104:2

yë mtë'kxën mjajën këjääpaat tukjajëtyä'äy winë. Jëtu'un yë tsajp të xypyëjktä'äky tä ja'ay wit tyä'ptëyën.

Isaías 42:5

Ja Wintsën mëti'ipë ja tsajp yajkojën ets twijtstëëy, mëti'ipë ja naaxwiinyëtë yajkojën ets tëkokyë mëti'ipë juukyajtpën ma yë'ëjën, mëti'ipë yajjuuky'äjtypyën ja ja'ay mëti'ipë wyintsëna'ayëtyëpën yë naaxwiinyëtë, jëtu'un t'ënëëmë ja tyuunpë.

Proverbios 8:27

Ko ojts tyajkojy ja tsajp ja nyiwits nyijuux, mëti'ipë yajpatpën nëëwiinkëjxy, ëjts tam'ajtpës ënety.

Isaías 66:1

Jëtu'un yë Wintsën y'ënä'äny: Ëjts jamës nkutujktakn tsajpjotm, e naaxkëjxy ntekyës jää nyaj'ijtyp. ¿Maas yë njëën ntëjk xynyakojtëty? ¿Maas xynyayajpo'kxa'antë?

Jeremias 10:12

Yë Wintsën jä'ä ojts tyajkojy yë naaxwiinyëtë mëët yë myëk'ajtën, mëët yë wyijy'ajtën tyajta'tspëjky, mëët yë kyëpetyajtën twijtstëëy yë tsajp.

Isaías 40:17

Tëkokyë yë naax kajpn nitii tkakëjxm'atë ma yë'ëjën; mëët yë'ë nijënu'un kyatsoowpaaty.

Salmos 68:33

mëti'ipë jam ënyääpyën tsajpjotm mëti'ipë kë'ëyxyëëw kë'ëyjyëmëjt ijtpën. Mëtoow'itë wi'ix yë y'aaw y'ayuk yajmëtoyën, yë y'aaw y'ayuk mëti'ipë mëj'ajtën mëëtën.

Job 9:8

Ko yë tsajp twijtstëëy, ka'ap ojts pën pyutëkëty ets ko tyajkutëkooy yë mëjëtypë jëyujk, näy ka'ap pën pyutëjkëyë.

Isaías 51:13

¿Wä'än jëtää xyjyä'äytyëkoyëty ja mWintsën mëti'ipë të myajkojyën mëti'ipë ojts yë tsajp twijtstëyën ets tyajta'tspëjkyën ja naaxwiinyëtë? ¿Tii je'eyën xëmë mtsëyuyä'änyë janaam jatsojk, ko ëxëëk mtunyë ja kumeenyjyä'äytyëjk, mëti'ipë jëjp'ixy yajpatëpën ets myaj'ooka'anyë?, ¿Maajën të nyijkxy ja m'ëwa'an'at?

Isaías 44:24

Jëtu'un yë Wintsën y'ënä'äny mëti'ipë të myajtso'okyën ets të myajkojyën ma ënety ka'anëm mminyën naaxwiiny: Ëjts mijts xyWyintsën'ajtp, mëti'ipë winë të tyajkojyën, ëjts nwijtstëëw yë tsajp ets ëjts ojts nyajkojy yë naaxwiinyëtë, ni pënës ojts xykyaputëkë.

Isaías 40:15

Yë'ë, jëtu'un yë mëj naax mëj kajpn t'ixy tä nëë tu'ktsunyën, tä tu'uk naaxwayën jap kijpxënjoty; yë kajpn mëti'ipë nëë'itkujky yajpatëpën jëtu'un t'ixy tä tu'uk yë jinën.

Salmos 2:4

Ja Wintsën mëti'ipë ënä'ämpën jam tsajpjotm, je'eyë tyukxi'ikëtë.

Zacarías 12:1

Ya'atë aaw ayuk yë'ë yë Wintsën tyuknikäjx yë Israel kajpn. Yë Wintsën mëti'ipë të twijtstëyën yë tsajp ets të tpëjktä'äky ma naaxwiinyëtë kyëxwäätsëtyën ets tjuukyajtënmo'oy yë ja'ay, yë'ë ënaanp:

Salmos 29:10

Yë Wintsën yë'ë y'ëne'empy yë nëë tuu; yë Wintsën yë'ë tu'uk ënä'ämpë, mëti'ipë yajkutujkpën winë xëëw winë jëmëjt.

Job 36:29

¿Pën y'ëkja'akyujkëp wi'ix yë yoots ye'eyën ets wi'ix yë ënääw y'ëti'itsy y'ënä'änyën?

Isaías 19:1

Ixtë wi'ix ja Wintsën tniminyën ja Egiptë ja'ayëty yootsjoty. Ja awinax jëtu'unyë tsyëtyuupyëjkta'atë ko t'ixtë myiny ja Wintsën, ja Egiptë ja'ayëty nän yajxon tsyë'kënëtë.

Job 37:18

¿Mputëjkëp mijts yë Dios ko yë tsajp twijtstëyë ets ta'tspëky xyajwë'ëmëty tä jeexyë jam yë pujxn xykyëxwopyënë?

Génesis 1:6

Ënet ja Dios jatëkok y'ënäny: Wä'än tjää'aty tu'uk yë niwits nijuux, mëti'ipë yaj'ëwä'kxy'itëpën yë nëë, jëtu'unts ëwä'kxyjyäty wyë'ëmtëty. Ënet ojts jëtu'un tyuny jyätyë.

Salmos 18:11

Yë'ë të nyätyukyu'utsyë ets të nyätyuk'apëjktukyë yë yëkyoots ets nëma'a mëti'ipë nëëmëëtën.

Salmos 19:4

yë nyija'awën ja'ajtp oy tyimmaajëty mapaat jyëjpkëxyën yë naaxwiinyëtë. Jam ja Dios tu'uk ja ijtakn të tpëjktä'äky ets ja xëëw jam yajpaatëty.

Isaías 37:16

Wintsën, mëti'ipë maaytyääyëpën winë, ja Israel ja'ayëty ja Tyiosëty mëti'ipë jam ja y'ënyääytyakn myëët'ajtypyën itkujky ma ja Dios kukexyëtyën, mijts tu'ukyë mTios'ajtp ma nitëkokyë yajkutujkpën naaxwiiny naaxkëjxy. Mijts të xyajkojy yë tsajp ets naaxwiinyëtë.

Job 26:7

Dios të twijtstëy yë tsajp ma ka'ap tiijën ets të tkëxjeny yë naaxwiinyëtë ma ka'ap tii yajpaatyën.

Isaías 42:4

Ka'ap nëjkx pyo'kxy ets ka'ap nëjkx y'ënu'kxë, koonëm tyajnaaxkëta'akëty ja oypyë ja nipaye'eyën naaxwiiny naaxkëjxy. Ja naax kajpn nëjkxëp t'amëtoow'itë ja y'ijxpëjkën.