Isaías 40:2 - Biblia Dc en Mixe de Quetzaltepec

² Mëët ja yu'unk aaw yu'unkjot ënëëmëtë ko tëë kyixy nyäxy ma mëtuunpë ëyoopë të y'itën, ko tëë tkumëtoowta'ay ja nyëë pyoky, ko tëë tmënaxy tyajnaxy ja ëyo'on jotmay mëti'ipë ja Wintsën mmooyëtën.

Biblia Mixe de Quetzaltepec

² Mëët ja yu'unk aaw yu'unkjot ënëëmëtë ko tëë kyixy nyäxy ma mëtuunpë ëyoopë të y'itën, ko tëë tkumëtoowta'ay ja nyëë pyoky, ko tëë tmënaxy tyajnaxy ja ëyo'on jotmay mëti'ipë ja Wintsën mmooyëtën.

Isaías 40:2 ပူးပေါင်းရင်းမြစ်များ

Zacarías 9:12

Miitsëty jënu'un tsumy matsy myajpaatën, mëti'ipë ka'ap të xyjyä'äytyëkoytyën ja jotkujk'ajtën, winpitë jatëkok jam ma ja kajpnën mëti'ipë ta'tspëky ets këwent'atyën yajpatpën. Jëtu'un miits n'ënëëmëtë ko mäjtsk'oknipety nmo'oja'antë yë kënu'kxën ko të m'ëyowtë.

Isaías 61:7

E mëët ko miitsëty ni'ik të m'ëyowtë, näjyëtu'un nëjkx ni'ik myajmo'otë ja näypyutëkë ets näpya'ëyowë, jëtu'unts akujk jotkujk xëmëkyëjxm mjuuky'ata'antë.

Oseas 2:14

Mpëjkta'akäämpyës ma jyot wyinma'anyën yë tsojkën ja'awën, jamës të'ëts'itjotm nyajnëjkxa'any etsës jyootjoty wyinma'anyjoty nmëkajpxa'any.

Apocalipsis 18:6

Tuunwinpijtëtë näjyëtu'un ijxtëm yë'ë të t'ëxëëktuntën ja wiinkëtypë, tukëpätë wäänëni'ik ja y'ëxëëktu'unën mëti'ipë të tuntën.

Jeremias 16:18

Jëyëjp nëjkx ntukumëtoyës ja pyokyëty, mäjtsk oknipety nëjkx ntukumëtoyës ja tyëko'oyënëty mëët yë'ë ko të t'ëxëëktuntë ja it naaxwiinyëtë mëët ja y'awinaxëty ëxëëkpës n'ixyën ets ka'ap të twintsë'ëkëtë ja it naaxwiinyëtë mëti'ipës ojts njatukumaytyën.

Isaías 44:22

Tëë nimä'kxta'ayëm yë mpoky ets tëëjës jëtu'unyë nyajtëkooytyä'äy mëti'ipë të xytyuuntëkoyën, jëtu'un tä yoots pyojtëkoyën. Niwinpijtkës, tëë mijts nyajnitso'oky.

Isaías 43:25

E ëjts, mëët koos xyTyios'aty, tyamës npo'ta'aja'any mpoky ma të myajja'ay'ookyën, ets ka'apës nja'amyätsa'any ja mpoky.

Habacuc 2:3

Ka'anëm tpaaty ja nyixëëw ets y'atëwëty ya'atë wiinkëma'ay; yë'ë koonëm yë y'atëwa'any. Mijts ëwxit oy pyo'oxëty, jä'ä ko jää y'atëwa'any ko ënety yajxon të tpaaty ja nyixëëw.

Jeremias 29:11

Ëjts nija'ap wi'ixës nimay nitajën winë mëët miitsëty ets oy mjuuky'atëty ka'ap y'ëxëëkëty, jotkujk myajpaatëty. Ëjts Wintsën, ëjts ënaanp.

Isaías 35:4

ënëëmëtë ja mëti'ipë xëmë tsëyuuypyën: Jotmëk it, këtii mtsë'ëkë. Tyaa ja mTiosëty mëti'ipë myajtso'okanëtëpën, mëti'ipë tyiytyunäämpyën ja mëtsiptëjk ijxtëm pyaat'atyën.

Hechos 1:7

Tääts ja Jesús y'ëtsooy: Ka'ap myiitsëty mpaatëtë xynyijawëtëty ja xëëw mëti'ipë ja Dios Teety të tuknipëjktaakën mëët ja kyutujkën.

Daniel 11:35

Nëjkxëp näjyëtu'un yaj'ixjëtit yajpaajëtitë ja ja'ayëty mëti'ipë ënety ja naax kajpn të tyaj'ijxpëktën ets nëjkx yajwinma'any'ixtë ets yaj'ixtëty pën oy ja wyinma'anyëty; ets ja jyuuky'ajtënëty, koonëm kyukëxëty ja xëëw juukyajtën.

Isaías 12:1

Jä'ä xëëw, nëjkxëp jää m'ëna'any: Wintsën, tyamës nkukajpxë; oyës wäänë të xytyukjoot'anpëjkojy, tëë ja nyäxy. Tyam tëëjës jatëkok ja jotkujk'ajtën xymyo'oy.

Gálatas 4:4

E ko ja tiempo ojts tpaaty, tääts ja Dios ja y'u'unk ojts tkexy, to'oxytyëjk ojts yajminy yajja'tyë ko tyuuny ja Moisés ja y'ënä'ämën,

Isaías 49:25

Yë Wintsën jëtu'un y'ënä'äny ko jyëkyejpy yë'ë: Ja ja'ay mëti'ipë jotmëk näjya'awëyëpën, yajpëjkëjaanp mëti'ipë ënety të tjapaatyën jam tsipjotm, ja tsiptuunpë ja'ay mëti'ipë ënä'ämpën yajpëjkëjaanp mëti'ipë ënety të tjanitsiptunyën. Ëjts nëjkx nwinkuwa'akë ja'ay mëti'ipë myajjotkëjxëpën ets je'eyë mtsip ixta'ayën; ja m'u'unk m'ëna'k ëjts nyajtso'okäämpy ko ënety muum wi'ix jyata'antë.

Isaías 33:24

Ni pën nëjkx kya'ëna'any: Pëjkëpës. Yë Wintsën nëjkx tnime'kxy ja nyëë pyoky ja Sión ja'ayëty.

Salmos 32:1

Xoontä'äky yë ja'ay yajpaaty mëti'ipë nyëë pyoky tëë yajme'kxyën tu'kë'ëyë.

Zacarías 1:15

Paatyës të ntukjoot'anpëky tääpë naax kajpn mëti'ipë ka'ap tii tmaytyën tajtën, mëti'ipë ojts ni'ikyë ja jotmay t'ixkukëtën maas ënety ëjts të njoot'anpëkyën.

Daniel 12:9

Etsës të xy'ëtsoy: Yo'oy yë mtu'u, Daniel, jä'ä ko tyaapë yu'utsy mëpaat y'ity koonëm jyëjpkukëxëty ja nyixëëw nyijëmëjt.

Daniel 12:4

E mijts Daniel, yu'utsy ya'atë xymyëët'atëty ets ta'tspëky yë noky xy'akëëymyukëty koonëm tpaatëty ja xëëw jëmëjt ma ënety ja juukyajtën jyëjpkëxyën. May ja ja'ay jyëtita'any xiitsow yaatsow t'ixta'aja'any tiijaty y'ëkjaak nija'ap.

Daniel 9:12

Mijts tëëjës xytyuknikäxtë ja ëyo'on jotmay mëjwiin këjää ets të xyaj'atyë jëtu'un ja m'aaw m'ayuk mëti'ipë ojts xyjyanikäjpxyën ma ëëtsëtyën ets ma ja nkutujkpëtëjkëtyësën; jä'ä ko kamaa jëtu'un ëyo'on jotmay kyayaj'ixynyëm tä jam Jerusalén të kyëtä'äkyën.

Daniel 9:2

Ma ënety mëtu'uk jëmëjt yajkutukyën, ëjts Daniel, yë'ëjës ënety jam n'ijxpëjkpy yë käjpxynyajxpë Jeremías yë nyoky, ma tnikäjpxyën ko tëkë'px majk jëmëjt y'ita'any axit ako'owë ja Jerusalén kajpn, ma ja käjpxynyajxpë Jeremías ënety ja Wintsën jëtu'un të y'ënë'ëmxëtën.

Jeremias 17:18

Yë'ë wë'ëmtëp nëxi'iky tukxi'iky mëti'ipës xy'ixjëtijt xypyajëtijtëpën, ka'ap y'ëjtsëty; wä'än tsë'ëkëtë tjawëtë, e ëjts ka'apës mëpaat jëtu'un njaty. Mijts myajkutukëp ets o'ktëy jyatëty kyëpätëty, tuktëjëtya'a tukwäjxëtya'a.

2 Crónicas 30:22

Ezequías mëj këjää tkukajpxëy mëët ko ënety ja teetytyëjkëty ets ja Leví ja'ayëty të pyutëkëty winë aaw winëjot ma Wintsënën. Tëë ënety wëxtujk xëëw xyëëwtuntë ma të tyaktën ja wintsë'kën ma Wintsënën, ma t'ëëwkëjxy tkajpxkëjxtën ja pyoky ets ma të twin'ëw të twinya'axtën,

Génesis 34:3

E ja Siquem yajxon ojts ja Dina tjanty tsyojkën'aty ets ja jyot wyinma'any t'ëwa'anëy ets jeexyë ja Dina tsyojkën'atyë.

Isaías 6:7

etsës të xytyuk'akoonë'ëky, täätsës të xy'ënëëmë: Ëk'ix ya'atë jëënpajk të ntuk'akoonë'ëkyën yë'ë mëti'ipë mpoky të tyajwa'atsyën. Tëë yajnime'kxy ja m'ëëwtëko'oyën mkajpxtëko'oyën ets ja ëxëëkpë tsaatsypë tëë ja m'ëxmatsyë.

Isaías 14:3

Mijts Israel kajpn, ko ënety ja m'ëyo'on mjotmay të kyixy të nyäxy, ko ënety ka'ap o'ktëy m'ëk yajpatnë ets ko ënety ka'ap m'ëk mëtuun m'ëk kupëjknë,

Isaías 53:5

Ojts tsyëtyuty wyintëkoy ko ëëtsajtëm ënety të nkäjpxykyumëtoownajxëmë, ojts tmë''ëyoy ja ntuuntëko'oyën'ajtëmë; mëët yë'ë ko ojts y'ëyoy jyotëkoy, ënät ojts njotkujktakëmë; mëët ko tsyëtyujty wyintëkooy, ënät ojts ëëtsajtëm ntsok n'akëtakëmë.

Isaías 53:6

Ëëtsajtëm jëtu'unyë ojts axit ako'owë njajta'ayëmë tä kupixynyën, xim yam ja në'ë tu'u ojts npëjkëmë; e yë Wintsën yë'ë ojts tkexy ja tyuunpë ets jam tkëxpëjktaay ma yë'ëjën ja npoky'ajtëmë.

Isaías 54:15

Ko pën mnipëtë'ëkëtëty, ka'ap ënety y'ëjtsëty të ntuknipëjktaakë, mijts nëjkx mmëtä'äky.

Isaías 54:17

Je'eyëp ko ka'ap ni pën myäyë tyajkojëty ja tujn pujxn mëti'ipë jeexyë mijts myaj'atëkooyëpën. Aak amonyë nëjkx ja'ay xyajwë'ëmta'ay mëti'ipë ënety mni'ë'ënëyëpën. Nyajmëtäkpyës ja ja'ay mëti'ipës oy xymyëtuunpën. Jëtu'un ja Wintsën y'ënä'äny.

Isaías 55:7

Ja ëxëëk ja'ay wä'än ja ëxëëk në'ë ëxëëk tu'u t'ëxmatsy, mëti'ipë je'eyë ëxëëkpë myëmääpy myëtäjpyën, wä'än t'ëxmatsy; ijxkaptë pën Wintsën'ajtp, ets mpa'ëyow mnajts'ëyowëtëty; yë'ë Wintsën mëjwa'kpätë, mëti'ipë yäjkpyën winë ets mpokymyä'kxëtëty.

Isaías 66:13

Tä tu'uk yë taak tyajyaxmonyën yë y'u'unk myääy, jëtu'un miitsëty ntsoka'an njawëja'antë, ets jam Jerusalén ja jotkujk'ajtën xypyaatëty.

Jeremias 51:10

Tëë ja Wintsën xynyipaye'eyëmë. Mintë, tsojk nikajpx nimëtyakëmë yaa Sión mëti'ipë yë Wintsën, tëyajtën të tunyën.

Lamentaciones 4:22

Mijts Sión kajpn, tëë nyäxy ja mtëytyu'unën; ka'ap yë Wintsën m'ëk ixkäxanënë mnaaxjoty mkajpnjoty. Je'eyëp ko tyiytyunäämpy yë mtëko'oyën mijts Edom kajpn ets yajnikëxë'ëkäämpy ma të mtëkoyën.

Ezequiel 16:42

Jëtu'un nëjkx xyeemy ja ntsip n'äkës ets jotkujkës nëjkx nwë'ëmy; nëjkxëpës ntukjotkëtä'äky ets ka'apës nëjkx jëtu'un ja tsip äkë n'ëkmëët'ajnë.

Zacarías 1:13

Ënet ja Wintsën t'ëtsooy mëët tu'uk yë aaw ayuk oypyë mëti'ipë yajjotkujkëpën, ja tsajpjotmëtë kukäjpxy mëti'ipës ënety xymyëmëtyakpën,

Éxodo 22:3

E pën jääts ënety të y'ooky ma të xyiinyënën, jä'ä nëjkxëp ja yajnipaye'ey. Ja mëti'ipë ënety të tyony të myeetsyën, kopkpëky ko tkujuuytya'ajëty, ja mëti'ipë ënety të tmeetsyën. E ko ja meeny tkamëët'atëty mëti'ipë tyukujuyëpën kë'ëm nyätyookëtëty ets jëtu'un tkëpätëty ja mëti'ipë ënety të tmeetsyën.

Salmos 85:3

tëë mjotxeemy jatëkok ets tëë mjoot'an xyajnaxy.

Eclesiastés 3:4

Nyixëëw nyijëmëjt pyätyp ko jyi'iy yä'äxy ets ko pën xyi'iky y'ëwë'ëky. Ko pën o'kpë tnimony tnituky ets ko pën xyëëwtuny.

Isaías 27:9

Je'eyëp ko ënät tpokymyä'kxa'any yë Jacob, pën pyatuumpy mëti'ipë yaj'amëtoopën: Ko naaxwayën tuunta'ajëty yë wyintsë'këntyakn ma t'ëwtatyën ka'apë Tyiosëtyën, jëtu'un tukpu'ujëtya'ajëty tä jeexyë ja'ay tsaa twaaytyä'äkyën mëti'ipë yajaamkojpyën ets ka'ap nimaa wyë'ëmëty tu'kpuxyën yë kepy mëti'ipë y'ëwtajtypyën, yajma'ta'ajëp yë wyintsë'këntyakn ma poom tukwinjokyën yë tyiosëty.

Isaías 51:17

Ëkma'aypyëtë'ëk, ëkma'aypyëtë'ëk, Jerusalén pëtë'ëk; Jëtu'un yë Wintsën yë tsyip y'äkë të xykyu'ëyowë tä ja'ay xa'k nëë t'uukyën ets ko t'ukëtä'äky tääts myukpëkyë.

Oseas 2:16

Ënätës xymyëkäjxa'any: Nye'etyëjkës, ets ka'ap nëjkx y'ëk'ënanë, Nwintsënës. Ëjts Wintsën, ëjts ënaanp.

Sofonías 3:15

Tëë yë Wintsën tjëpëky ja tëytyu'unën ma mijtsën ets tëë ja mmëtsip tyajjëwa'kta'ay. Yë Wintsën, mëti'ipë jam Israel yajkutujkpën, itkujky yajpaaty ma mijtsën: Mijts ka'ap tii ëxëëkpë xy'ëktsë'kënëty.