Isaías 40:15 - Biblia Dc en Mixe de Quetzaltepec

¹⁵ Yë'ë, jëtu'un yë mëj naax mëj kajpn t'ixy tä nëë tu'ktsunyën, tä tu'uk naaxwayën jap kijpxënjoty; yë kajpn mëti'ipë nëë'itkujky yajpatëpën jëtu'un t'ixy tä tu'uk yë jinën.

Biblia Mixe de Quetzaltepec

¹⁵ Yë'ë, jëtu'un yë mëj naax mëj kajpn t'ixy tä nëë tu'ktsunyën, tä tu'uk naaxwayën jap kijpxënjoty; yë kajpn mëti'ipë nëë'itkujky yajpatëpën jëtu'un t'ixy tä tu'uk yë jinën.

Isaías 40:15 ပူးပေါင်းရင်းမြစ်များ

Jeremias 10:10

Yë Wintsën yë'ë Tios'ajtp mëtëy, yë Dios mëti'ipë juukyën, mëti'ipë xëmë yajkutujkpën. Ko jyoot'anpëky, yu'kxp yë naaxwiinyëtë; yë naax kajpn pojyën yu'kxpëky.

Isaías 40:22

Yë Dios jam yë kyutujktakn tmëëtëty ma naaxwiinyëtë ja nyiwits nyijuuxën, yë'ë wa'ats t'ixy tuny yë naaxwiinyëtë ja'ay tä yaj'ixyën yë pujtpë. Jëtu'un yë tsajp tyä'ptëy tä ja'ay wit tyä'ptëyën, jëtu'un twijtstëy tä ja'ay tëjk nikäm twijtstëyën.

Isaías 29:5

E ajotkumonë nëjkx yë mmëtsiptëjk o'ktëy jyajta'atë, ja Wintsën mëti'ipë maaytyääyëpën winë yë'ë nëjkx tëytyuny ja mmëtsip mëët ja poj ënääw, nëë tuu ets jëën. Nëjkxëp ja mëtsip naax wayën jyajta'atë, ets tä tu'uk pu'uxm wyimpapojyën, jëtu'un nëjkx kyëxë'knëtë.

Isaías 11:11

Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Isaías 59:18

Yë Wintsën kopkpëky ko ja'ay tukëpäjta'ay wi'ix winë të tuntën; ja myëtsip kopkpëky ko tyajkëjxtaja'any. Mëti'ipë ënety ëxëëk'ijxëpën ëxëëk tuna'any, oy yë'ëpaatëty ja'ay mëti'ipë nëë awinaxy yajpatëpën.

Sofonías 2:11

Atsë'ëk ajawë yë Dios tyuna'anëtë. Yajkutëkooytya'ajäämpyë yë tios mëti'ipë ja'ay y'ëwtajtëpën ets yë'ë nëjkx tu'ukyë yaj'ëwtaty oymyaajëty.

Daniel 11:18

Nëjkxëp tnitëkë yë naax kajpn mëti'ipë mejypyë'aay yajpatëpën ets may nëjkx tyajkutëkoy; e tu'uk yë tsiptuunpë wintsën nëjkx tyajjëjpkëxy ya'atë tsëtyu'un ets nëjkx tyajtsëtyu'unpaaty näjyëtu'un ja yajkutujkpë anëkëjxytsyowpë.

Isaías 66:19

Ëjts nëjkx ntuknijawëtë: Ets nitu'uk nimäjtsk kyä'äktëty, tam mëti'ipë nëjkxaanpën Tarsis, Libië, Lidia, Grecië, Tubal ets jampaat ma ja naax kajpnën mejypyë'aaypyë; ma ka'ap pën tmëtoynyëmën ëjts yë nxëëw ets ka'ap pën t'ixynyënëm yë nmëj'ajt n'oyajtënës; yë'ë nëjkx tnikajpx tnimëtya'aktë ja nmëj'ajt n'oyajtënës. Jam Lidia aak tyukjajtyp ijty yë ja'ay tyajtunëty yë ti'pxn.

Isaías 41:5

Ja naax kajpn mëti'ipë yajpatëpën mejypyë'aay, ojts t'ixtë ets tsyë'ëkëtë; yu'kxtaay ja naaxwiinyëtë oy tyimmaajëty. Tää ja wyinkontë, tää ja myintë.

Génesis 10:5

Ya'atë ojts t'u'unk'aty t'ok'aty yë Jafed mëti'ipë tyajwintuktën ja nëëpa'a, nitu'ukjaty ja naax kajpnëty myëët'ajtëp ja nyaaxëty kyamëty ets kyë'ëm ayuk kyajpxtëp.

Salmos 62:9

Yë naaxwiinyëtë ja'ay ka'ap nitii tsowëty, yë kumeenyjyä'äy ets ëyoopëja'ay tu'knax yë'ëjëty; ko jeexyë y'ëk'yaj'akijpxnaxtë yë naaxwiinyëtë ja'ay ni'ik to'tyk jeexyë pyëtsëmtë këtiinëm tii mëti'ipë to'tykyën.

Isaías 2:22

Këtii yë naaxwiinyëtë ja'ay xytyuk'ijxpätëty, nitii tkakëjxmëty, wäänë jyuuky'ajtkojy.

Isaías 17:13

Ko ja Wintsën y'ojëtë, ënätyë kyääkjoktë ets jëkäm nyëjkxtë, jëtu'un tä pu'uxm wyimpapojyën tunkëjxm, jëtu'un tä äpnytyë'ëts pyojë'ëkyën ko mëktuupoj myiny.

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

Salmos 62:10

Këtii yë'ë xy'oyjyawëtëty yë tsip käjpxy; këtii yë'ë janty mëj xyjyawëtëty yë to'onën mä'tsën. E ko jëna'a mkumeenytya'aktëty këtii ënät yi'iyë ja wit meeny xytyuk'ijxpätëty.

Daniel 4:32

Myajjuutaanp yam ma mayjyä'äyën ets nëjkx mjuuky'äty mëët yë aayjëyujk ujtsjëyujk; wëxtujk jëmëjt m'ujts jë'kxëty tä tsajpkaa y'ujts okyën, koonëm xynyijawëty ko yë Dios Ni'ik mëk yë'ë ets yë'ë y'ënä'ämtääpy yë naax kajpn naaxwiinyëtë apëtsëmy ets yë'ë pyëjktäkpy kë'ëm pën yajkutukëpën.