Isaías 40:10 - Biblia Dc en Mixe de Quetzaltepec

¹⁰ Mëët yë mëk'ajtën ja Wintsën myiny, yë'ë winë të tmëmëtakta'ay mëët ja myëk'ajtën ets mëët ja kyë'ë. Ja nyaax kyajpn jä'ä yajmiimpy mëti'ipë të tyaj'ëwaatsëpëtsëmyën, mëti'ipë jeky të y'ityën wojpë'ëky käjpë'ëky.

Biblia Mixe de Quetzaltepec

¹⁰ Mëët yë mëk'ajtën ja Wintsën myiny, yë'ë winë të tmëmëtakta'ay mëët ja myëk'ajtën ets mëët ja kyë'ë. Ja nyaax kyajpn jä'ä yajmiimpy mëti'ipë të tyaj'ëwaatsëpëtsëmyën, mëti'ipë jeky të y'ityën wojpë'ëky käjpë'ëky.

Isaías 40:10 ပူးပေါင်းရင်းမြစ်များ

Apocalipsis 22:12

Jesukristë ënaanp: Tsojkës nmina'any. Koos nminëty ets nmo'otëtyës ja kyuma'ayënëty ëkë ja tëytyu'unën wi'ix ënety pën tii nitu'ukjaty të tuntën.

Isaías 62:11

Tëë ja Wintsën tuk'ëwa'anëtyä'äy ja naax kajpn naaxwiinyëtë apëtsëmy: jëtu'un të t'ënëëmë Ënëëmëtë yë Sión kajpn ko tëë jyä'ty ja Yaj'ëwaatsëpëtsëëmpë. Yë Wintsën tëë ja nyaax kyajpn tyaj'ëwaatsëpëtsëmy, yë'ë yajmiimpy.

Apocalipsis 17:14

Tääts mëët tsyiptuna'antë mëti'ipë yajtijpën Kupixyny U'unk; nëjkxëp myëmëta'akëtë ja mëti'ipë yajtijpën Kupixyn U'unk, jä'ä ko wintsëntëjk Wintsën ja y'ity, ets yajkutujkpëtëjk Yajkutujkpë; mëët nëjkx y'ity mëti'ipë ja Dios të wyinwitsëtën ets mëti'ipë wintëy wiinkujk mëët ja Dios y'itën.

Mateo 28:18

Tääts ja Jesús myëwinkoonëtë ets y'ënëmaayëtë: Tëës ja Dios xymyooytyä'äy ja kuttujkën jam tsajpjotm ets naaxwiinyëtë.

Isaías 49:4

Ëjts jëtu'unës ënety nmay ntajy: Natëkës të njuuky'äty, nëkoopës ja njot nmëjaaw të nyajma'aty. Tim mëtëypyë yë Dios yë'ëjës xynyipaye'eyaanp, ets mëti'ipës nkuma'ayën'ajtypyën tam ja Dios tmëëtëty.

Isaías 59:15

Ja jaantypë ja käjpxy mëtyä'äky, jëtu'unyë të pyojtëkoy; ja mëti'ipë jyakukekpyën ja ëxëëkpë tëë yajmä'tsta'ay. Tëë ja Wintsën jyoot'anpëky ko të t'ixy ko ka'ap jyää'aty ja oypyë nipaye'eyën.

1 Juan 3:8

Pën xëmë pokytyuunp, ja mëjku'u jä'ä'ajtëp; jä'ä ko yë mëjku'u ojts tyajtso'ontä'äky yë pokytyu'unën. Paatykyëjxm ja Dios U'unk të myiny yaa naaxwiiny ets tyajkutëkooytya'aja'any tu'kë'ëyë ja mëjku'u ja tyuunk.

Juan 12:15

Këtii mtsë'ëkëtë, Sión ja'ayëty; ix yë myajkutujkpë myiny yë'ë tyuk'u'unyääpy ëna'k krukts.

Salmos 110:6

Nëjkxëp ja naax kajpn ja nyëë pyoky tpaye'eyë, nyijëpijpätäämpy yë o'kpë; myëjwojpätäämpy këpajk naaxwiinyëtë apëtsëmy.

Hebreos 2:14

Jëtu'un ijxtëm ja ja'ay tu'kjëëky tu'kmëku'ukpë ja jot ne'pyny tmëët'atën, jëtu'un ja Jesús y'ijty mëët ja Dios ets mëët ja o'kën tmëmëtaktaay ja ëxëëkpë, mëti'ipë ijty o'kën tëko'oyën myëët'ajtypyën.

Juan 12:13

Ënet ja ja'ay tpujxtë ja tëëxy y'ääy ets ojts tjëjpye'eyë'ëktë ayaxp ajojkp: Wintsën miimp, Wintsën miimp, Dios kënu'kxëtëp mëti'ipë miinpën Wintsën xyëëwkëjxm. Dios kënu'kxëtëp yë Israel yajkutujkpë.

Isaías 53:12

Paatykyëjxm ja Wintsën tmo'oja'any tu'uk ja ënyäätyakn ma y'u'unyëtën ja wintsëntëjkëty, kopktëjkëty ets ja mëj'äämpyë y'itën, tu'ukmukyë nëjkx tukxoonta'aktë ko ënety të myëta'aktë; yë'ëkyëjxm ko ojts nyäkyë'ëyäkyë o'këntum, ets jëtu'un jyäjty kyëpejty tä jeexyë ëxëëk të y'ëti'itsy të y'ënä'änyën, mëët yë'ëkyëjxm ko ojts tkunaxy ja pokyjyä'äytyëjk.

Salmos 66:3

Jëtu'un yë Dios ënëëmëtë: Dios, tu'kë'ëyë mëti'ipë të xyajkojy të xypyëjktä'äkyën janty oyëty yaj'ixy ets tukxoontaknëty. Mëët yë mmëkajtën, yë mmëtsiptëjk aakmijts mëmëtowanëp,

Apocalipsis 20:11

Ënet n'ijxyës tu'uk mëti'ipë u'unyääpyën ma ja poop kutujktaknën. Winëjaty tyimtëkooytyääy yë'ë wyintum wyinkujkm: ja tsajp ets ja naax, nimaa tii kya'ëkyaj'ijxnë.

Malaquías 3:1

Yë Wintsën mëti'ipë maaytyääyëpën winë jëtu'un y'ënä'äny: Tyamës nkäxa'any yë nkäjpxynyajxpë mëti'ipë nyipëjktaakëpën ja në'ë tu'u. Ja Wintsën mëti'ipë miits m'ixtaaytyëp ajotkumonë tyëkëja'any ma ja tsyajptëjkën. Tää wyinkony ja käjpxynyajxpë mëti'ipë myëmiinpyën ja käjpxytyu'unën mëti'ipë miitsëty mtsojkën'ajtëpën.

Isaías 28:2

Yë Wintsën tam tu'uk ja'ay tyaj'ëwxity mëkpë, maayëp winë, mëti'ipë nëjkx jëtu'un kyëtä'äkyën tä tyëtsntu'uyën, tä myëk kyomtu'uyën mëti'ipë yajkutëkoopyën ja naax kajpn, tä mëktuupojën, tä mëj nëëkomën. Kë'ë'am nëjkx naaxkujëpipë.

Isaías 33:2

Wintsën, pa'ëyoow najts'ëyo'owëtëk ëëtsëty, ëëtsëty jamës ja winma'any npëjkta'aktë ma mijtsën. Mijts ëëts xypyëtëkëtëp winjopy, mijts ëëts xyaj'ëwaatsëpëtsëmtëp ko ntsippaatëtyës.

Isaías 51:5

Tim tëë jëtu'un maas nmëta'aka'anyën, miimp këtakp ja xëëw jëmëjt maas ja ëwaatsëtuuy'ajtën nyajnaaxkëta'aka'anyën; Mëëtës ja nkutujkën n'ënä'äma'any ja naax kajpn. Ja naax kajpn mëti'ipë yajpatëpën mejypyë'aay ëjts xy'ëwxitantëp ets yë'ë tyukjotkujk'atantëp ja nmëk'ajtënës.

Isaías 59:16

Yë Wintsën wiink të t'ixy ko ni pën tkayaj'oyë ya'atë jotmay; ënät kë'ëm yë myëk'ajtën të tpëjktä'äky ets të tuny ijxtëm tsokyën ets tëë myëtä'äky.

Isaías 59:18

Yë Wintsën kopkpëky ko ja'ay tukëpäjta'ay wi'ix winë të tuntën; ja myëtsip kopkpëky ko tyajkëjxtaja'any. Mëti'ipë ënety ëxëëk'ijxëpën ëxëëk tuna'any, oy yë'ëpaatëty ja'ay mëti'ipë nëë awinaxy yajpatëpën.

Isaías 63:5

Tëës nja'ixta'ay ja'ay mëti'ipës jeexyë xypyutëjkëpën, ka'apës të npaaty, ëjts ka'apës të nmëpëky koos jëtu'un të n'ixy. Ëjts nätyu'ukës të ntsiptuny, nkë'ëjës të ntukmëtä'äky ets yë'ëjës të nätyukmajts'ityë ntsip n'äkë koos të nmëtä'äky.

Génesis 15:1

Ënet yë Dios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

Jeremias 31:16

E ja Wintsën jëtu'un y'ënë'ëmxëty: Raquel, këtii nëkoo mjë'ëy myä'äxy; këtii nëkoo mwiinnëë xytyemy xyjye'etsy, mijts tëë m'ëyo'onpaaty, mpatäämpy jatëkok ja jotkujk'ajtën: yë m'u'unk m'ëna'k tsoonantëp jam ma ja mëtsip ja nyaax kyajpnën. Ëjts Wintsën, ëjts ënaanp.