Isaías 4:6 - Biblia Dc en Mixe de Quetzaltepec

⁶ mëti'ipë këwent'atëpën ets kuwa'anëpën; oy tyu'ujëty pyojëty ets oy y'anëty.

Biblia Mixe de Quetzaltepec

⁶ mëti'ipë këwent'atëpën ets kuwa'anëpën; oy tyu'ujëty pyojëty ets oy y'anëty.

Isaías 4:6 ပူးပေါင်းရင်းမြစ်များ

Isaías 25:4

Jä'ä ko mijts jëtu'un të mnaxy tä tu'uk tsoktaknën ma y'amin y'a'ookën yë ëyoopëja'ay, ma y'amin y'a'ookën yë ja'ay mëti'ipë winë yajmëyäjtypyën ets mëti'ipë mon tuk yajpatpën, ma ka'ap nitu'umëtyën ets ka'ap ni'a'anmëtyën. Ko xyäjtë yë ëxëëkja'aytyëjk jëtu'un tä jeexyë tyitykpyojyën, ko pyotm'aty.

Salmos 27:5

Ko ënety jëna'a yë xëëw jëmëjt wyinkony ëxëëkpë, yë Wintsën yë'ëjës xypyitaanp xymyu'uxaanp ma tsyajptëjkën; mëët yë y'a'äpk xykyuwa'ana'anyës. Ëwaatsëtum xypyëjkta'aka'anyës ma tu'uk yë mëjtsaakopkën.

Isaías 32:2

Nitu'ukjaty jëtu'un të yajpëjkta'aktë tä tu'uk tsoktaknën, oy mëkpoj myinëty, oy mëk tuu myinëty; jëtu'un nëjkx nyaxtë tä yë nëë ntuk'yajxo'kmëtyën aay ujts, tä muum të'ëts'itum nyinikën yë mëjtsaa.

Isaías 8:14

Tä tu'uk ja o'ktaknën yu'utsypë jëtu'un nëjkx yajpaaty; tä tu'uk tsaajën mëti'ipë yajkunäjpëpën, jëtu'un nëjkx ja Israel ja'ayëty nyaxtë, jam nëjkx kya'atë ets y'ooktë yë Judá ja'ayëty.

Proverbios 18:10

Yë Dios yë xyëëw, jëtu'un yë'ë tä tu'uk yë mëjpotsyën mëti'ipë mëk tënääpyën ma kyäktso'oktën ja'ayëty mëti'ipë juuky'ajtëp mëët yë tëyajtën.

Apocalipsis 7:16

Ka'ap ja yuu tëëtsë t'ëkmëët'atanëtë, ka'ap nyi'ana'antë ets ka'ap y'an'ooka'antë,

Hebreos 11:7

Noé ojts myëpëky, paaty ojts ja kepy nëëwinye'epyë tyajkojy ko ja Dios y'ënëmaayë ko ja ëyo'on y'ita'any ets jëtu'un ja y'u'unk y'ëna'k, y'u'unk tyo'oxytyëjk tyajtsoky. Ya'atë jëtu'unpë mëpëjkën yë'ë ojts ja Noé tuk'ixy ja naax kajpn paaty ojts yajtukumay ja tëyajtën mëti'ipë yajpatpën mëët ja mëpëjkën.

Hebreos 6:18

Ya'atë mäjtskpëkpyë mëti'ipë ka'ap tyëkatsyën ets ka'ap tjëkyepyën yë Dios wyin'ëënëty, paaty të n'ëxajëm ja jotkujk'ajtën, ko të n'ixta'ayëm ja Dios myajts'ijtën ets të ntukjotkujk'ajtëm ja ëwxijt mä'kxtujkën mëti'ipë të xymyo'oyëmën.

Salmos 91:1

Pën juukyajtpën ma Dios ja kyë'ëpa'tkën, ma nyikë'ëy nyixajyën ja Ni'ik Këjxmëpë ets mëti'ipë maaytyääyëpën winë,

Ezequiel 11:16

Paaty ënëëmëtë: Ko jëtu'un yë Dios y'ënä'äny: Ëjts ojts miitsëty nyajnëjkxtë wiink naax wiink kajpn tsumy matsy, ma ja kajpnën mëti'ipë ka'ap xy'ixy'atën, je'eyëp ko wäänë. E nän ëjts jatëkok jam xy'ëwtatëp ma të nyëjkxtën.

Salmos 55:8

Pojënës jeexyë nkuke'ek yë mëk tuu mëkpoj.

Isaías 14:32

¿Wi'ix tääpë naax kajpn y'ëkyaj'ëtsoowinpitëty? Yë Wintsën tëë ja nyaax kyajpn ja jotkujk'ajtën tmo'oy jam Sión, aakjam ja ja'ay nyëjkxta'aja'antë mëti'ipë jëëytyëp yaxtëpën ets jam tsyo'oktëty.

Isaías 32:1

Ma y'ita'anyën ja mëtëypyë ja nänyipaye'eyën, tu'uk ja yajkutujkpë jam yajpaata'any mëti'ipë oy nipaye'eyaanpën ets aakjëtu'un ja ënä'ämpëtëjk y'ita'antë mëti'ipë jam tunantëpën.

Isaías 30:30

Yë Wintsën yajmëtowanëp ja y'aaw y'ayuk mëët ja mëj'ajtën kuttujkën ets tyaj'ixa'anyë ja myëk'ajtën, atsë'ëk ajawë winë tuna'any; yë'ë yajtunäämpy jëën, ënääw, tuu ets tëtsn tuu.