Isaías 4:3 - Biblia Dc en Mixe de Quetzaltepec

³ Ja ja'ayëty mëti'ipë ënety juuky të jyaakwë'ëmtën jam Sión, mëti'ipë ka'ap të y'ooktën ma Jerusalén kajpnën, ets mëti'ipë ënety jam jaaktsuxk'ajtëpën, jä'ä nëjkx yajtijtë Wintsën të yajtuknipëjktaakë.

Biblia Mixe de Quetzaltepec

³ Ja ja'ayëty mëti'ipë ënäty juuky të jyaakwë'ëmtën jam Sión, mëti'ipë ka'ap të y'ooktën ma Jerusalén kajpnën, ets mëti'ipë ënäty jam jaaktsuxk'ajtëpën, jä'ä nëjkx yajtijtë Wintsën të yajtuknipëjktaakë.

Isaías 4:3 ပူးပေါင်းရင်းမြစ်များ

Salmos 69:28

Jo'tsëtë yë xyëëwëty mëti'ipë jap këxja'ay ijtpën ma ja nokyën juukyajtën mëëtpë, këtii jap xypyëjkta'akëty ma myinyën ja xyëëwëty ja wa'ats ja'aytyëjk.

Salmos 87:6

Yë Wintsën yë'ë kyëxjaaytyääpy ma nyokyën tëkokyë yë naax kajpn yë xyëëw: Ya'atë naax kajpn ma yë'ëjën.

Isaías 1:27

Mëëtës ja ntëyajtën ets ja oypyë ja ntu'unënës nkajpxënës, nyajtso'okäänpyës jatëkok yë Jerusalén ja'ayëty, ets xynyimintëtyës.

Isaías 28:5

Jä'ä xëëw ja Wintsën mëti'ipë maaytyääyëpën winë, nëjkx jëtu'un nyäxy tä tu'uk yë yajkutujkpë kyujupën janty oypyë, tä tu'uk kumä'tnën mëti'ipë to'oxytyëjk wyääy tyukmajts'ijtëp mëti'ipë nëjkx ja naax kajpn tukmëjnaxtën mëti'ipë ënety të jyaakwë'ëmtën,

Isaías 35:8

Jam ja Wintsën tu'uk ja mëjtu'u tyajnaxa'any mëti'ipë yajtijaanpën, Kënu'kxytyu'u. Mëti'ipë ënety ka'ap wya'ats'atën ka'ap nëjkx jam tyëkëtë, yë tsuuja'aytyëjk ka'ap nëjkx jam nyaxtë, yi'iyë nëjkx jam nyaxtë mëti'ipë mëtëy juuky'ajtëpën.

Isaías 46:3

Mëtoow'itë ya'atë aaw ayuk, miitsëty Jacob yë y'u'unk y'okëty mëti'ipë të wyë'ëmtën ma ja Israel kyajpnën: Tëë miitsëty ntsëëmjëtitë ka'anëm ënety mintënëm naaxwiiny naaxkëjxy; tëë ntsääntë nkontë,

Isaías 52:1

Ëkma'aywyij, ëkma'aywyij, mijts Sión Kajpn, jotmëk näpyëjkta'akët. Jerusalén kajpn, ja wa'ats kajpn, näxyoxët mëët ja oywyit; jä'ä ko ja ëxëëk ja'ayëty ka'ap jam jatëkok tyëkëja'antë ma mijtsën.

Isaías 6:13

Oy ja ja'ay ënety jyaak wë'ëmtë jam kajpntum, nëjkxëp ja kyutëkoytyë näjyëtu'un, nëjkxëp jëtu'un jyäty tä tu'uk ja kepy yajwinpujxta'ayën yë y'ääy xye'enty tääts yi'iyë kepy kyopk jyaak wë'ëmy. E ma tääpë kepykyopkën, jamts ja jyi'tsk ok pyëtsëma'any.

Isaías 60:21

Tëkokyë ja ja'ay mëti'ipë kukajpnajtëpën ma mnaax mkajpnën, aak oyjyä'äy y'awinpita'antë, kunaax kukajpn xëmë y'ita'antë ma kyë'ëmkajpnëtyën, ets yontëty jyiitstëty tä aay ujtsën mëti'ipës të nkojyën, mëti'ipës të nitunën, ets jëtu'un nyaj'ixa'anyës ja nmëj'ajt n'oyajtënës.

Isaías 62:12

Ets Israel ja'ayëty yajtijanëtë Ja wa'atspë ja naax kajpn. Mëti'ipë yë Wintsën të yaj'ëwaatsëpëtsëmëtën, ets näjyëtu'un ja Jerusalén kajpn mëkpë yajtsokyën. Ja naax kajpn ka'apë yaj'ëxmatsyën nätyu'uk.

Ezequiel 13:9

Nkoxäämpyës yë käjpxynyajxpëtëjkëty mëti'ipë ka'ap tii mëtëy twinkëma'atën ets mëti'ipë win'ë'ëntëpën. Ka'ap tjëkyepy jam yajpaatëty ma tyu'ukmuktën yë Israel ja'ayëty; ka'ap nëjkx yë xyëëw yajkëxja'atë ma myintën këxja'ay yë Israel ja'ay yë xyëëwëty ets ka'ap nëjkx tyëkëtë ma Israel ja'ay nyaaxjotëtyën. Ënet nëjkx xy'ijxpaatës ko ëjts Wintsënajtp.

Ezequiel 43:12

Ya'atë ënä'ämën jap tunaanp ma tsajptëjkën: Ja naax mëti'ipë nya'ëwtijtypyën ja tsajptëjk wa'ats nëjkx y'ity.

Joel 3:17

Ënet nëjkx miits xynyijawëtë ko jamës ntsëënë Sión, ma ja kopkën kënu'kxypyë. Yë Jerusalén kënu'kxykyajpn y'ita'any: Ka'ap nëjkx nijëna'a yë myëtsip y'ëkmëmëtakënë.

Abdías 1:17

E yë Sión kopk kënu'kxy y'ita'any ma ja'ay kyäktso'oka'antën. Ja Jacob ja y'u'unk y'ok nëjkxëp ja nyaax kyajpn jatëkok tpaatë,

Zacarías 14:2

Jä'ä xëëw yë Wintsën tyajmuka'any may yë naax kajpn ets tnipëtë'ëktëty yë Jerusalén kajpn. Ets nëjkx ja Jerusalén kajpn tyajtëkoytyë ets tpëjkëtya'atëty tiijaty myëët'ajtypyën, nëjkxëp ëxëëk tuntë ja to'oxytyëjkëtëjk ets kujkwä'kxynyäxy nëjkx tyajnëjkxtë tsumy matsy ja ja'ay. Niwäänë nëjkx jyaak wë'ëmtë ja'ayëty kajpnjoty.

Malaquías 3:16

Ja ja'ayëty mëti'ipë myëtuuntëpën yë Dios ojts oy myäytyë tyajtë ets ja Wintsën ojts tmëtoy mëti'ipë ënety pyëjktsoowtëpën. E jam ma ja Wintsënën jam tu'uk noky yajjaay, mëti'ipë yajtukja'amyätstëpën ko yë Dios twintsë'ëkëtëty.

Lucas 10:20

Je'eyëp ko këtii yi'iyë xytyukxoonta'aktëty ko ja ku'oypyë mmëmëtowëtëty, yë'ë mtukxoonta'aktëp ko ja Dios të tuny ja mëyajtën ko mxëëw jap kuja'ay y'ijnëtë tsajpjotm.

Hechos 13:48

Tääts ko jëtu'un tmëtoowtë mëti'ipë ka'ap jyutiis'atën, ënät xyoontaktë ets y'ënantë ko Dios ja y'aaw y'ayuk y'oyëty ets ni'ëmukë tmëpëjktë mëti'ipë ënety ja Dios të tyuknipëjktaakëtën tpaatëty ja juukyajtën xëmëkyëjxmëpë.

Romanos 11:4

Ënet ja Dios y'ëtsoowinpijtë: Tëës ja ja'ay ëpëky npëjktä'äky niwëxtujk mil mëti'ipë ka'ap të twinkoxtänëtën ja Baal ja y'awinax.

Romanos 11:5

Näyjyëtu'un tyam jyäty, niwäänë të wyë'ëmtë mëti'ipë ja Dios të wyinwitsëtën myëyajtënkyëjxm.

Efesios 1:4

Dios të xywyin'ijxëmë ko ja Kristë të nmëpëjkëmë naamka'anëm ënety ja naaxwiinyëtë tsyo'ontä'äkynyëm ets jëtu'un wa'ats n'ijtmëty wyintuuy mëët ja tsyojkën jya'awën.

Filipenses 4:3

Ets mijts mëku'uk, mëti'ipës oy të xypyutëkën ma ja Kristë yamëtunyën, n'amëtoopyës ja mëyajtën ets xypyutëkëty ya'atë to'oxytyëjkëty. Yë'ë mëk ojts tyuntë mëët ëjts ma yajkajpxwä'kxyën ja oy aaw oy ayuk, näjyëtu'un ja Clemente ets wiinkëtypë mëti'ipës mëët të ntuunmuktën. Kuja'ay ja xyëëw y'ijnëtë nokyjoty ma ja ja'ay xyëëwëtyën mëti'ipë juuky'ajtëpën xëmëkyëjxm.

Colosenses 3:12

Mëk miits yë Dios mtsokëtë ets tëë mwin'ixëtë ets jam myajpaatëty ma ja kënu'kxypyë nyaax kyajpnën. Tuk'itëtë ja pa'ëyo'owën, oyjä'äyajtën, yujyajtën, tëtä'äkyajtën, nätsyokë ets ja mä'kxtujkën.

Hebreos 12:14

Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Dios nëjkx t'ixy.

1 Pedro 2:9

E miitsëty Dios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Dios jä'äniwanëpën. Ets jëtu'un tkajpxwa'kxtëty ja Dios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.

Apocalipsis 17:8

Yë mëj jëyujk mëti'ipë të xy'ixyën, yë'ë ja mëti'ipë të jyuuky'ätyën, ka'ap ja tyam maanë. Jäänëm ja pyëtsëma'any ëyoowtaknjoty ka'anëm ënety nyijkx ma kyutëkoyä'änyën; ja ja'ayëty mëti'ipë ja xyëëw ka'ap kyuja'ayëtyën jap nokyjoty ma ja ja'ay ja xyëëw myintën mëti'ipë xëmëkyëjxm juuky'ajtëpën, yë'ë nëjkx mëk tjawëtë ko t'ixtëty jatëkok ja mëj jëyujk mëti'ipë të jyuuky'ätyën ets ka'ap tyam maanë, je'eyëp ko minaanp jatëkok.

Apocalipsis 20:15

Jap yajkujëpijpëtyääytyë mëti'ipë ja xyëëw ka'ap y'akëxë'ëkën nokyjoty mëti'ipë juukyajtënmëëtën.

Apocalipsis 21:27

Nijëna'a jam kyatëkëty ja ëxëëkpë ku'oypyë ets ni ja ja'ay jam kyawin'ëëntëty ets tii ëxëëk tuntëty. Yi'iyë jam tëkëjaanp mëti'ipë ja xyëëw miintëpën kuja'ay ma ja nokyën juukyajtën mëëtpë mëti'ipë myëët'ajtypyën ja Kupixyny U'unk.

Apocalipsis 3:5

Pën mëtaktëp, näjyëtu'un poop witxë y'ita'antë ets ka'apës ja xyëëw nyajtëkoyanëtë jap nokyjoty mëti'ipë ja juukyajtën myë'ijtypyën, ni'ikyës nkajpxkëxë'ëka'antë maajës yë nTeetyën ets ma ja anklëstëjkëtyën.