Isaías 38:20 - Biblia Dc en Mixe de Quetzaltepec

²⁰ Tyaa ja Wintsën tyimyajpaaty etsës xyajtso'oka'any. Tsojk nwinxoontakëmë mëët yë kow ets tsojk n'ë'ëwëm nyaxëmë jap ma Wintsën yë tyëjkën.

Biblia Mixe de Quetzaltepec

²⁰ Tyaa ja Wintsën tyimyajpaaty etsës xyajtso'oka'any. Tsojk nwinxoontakëmë mëët yë kow ets tsojk n'ë'ëwëm nyaxëmë jap ma Wintsën yë tyëjkën.

Isaías 38:20 ပူးပေါင်းရင်းမြစ်များ

Salmos 104:33

Mapaatës njaakjuuky'ätyën ntukwin'ëwäämpyës yë Wintsën yë ëy yä'äxy.

Salmos 116:2

tëë tmëtoow'ity mëti'ipës të nkäjpxyën. Paatyës yë'ë xëmë nmëkajpxa'any mapaatës njuuky'äty.

Salmos 145:1

Nimëtya'akäämpyës yë mmëjajtën, mijts Dios, mëti'ipës nTios'ajtypyën ets mëti'ipës n'ënä'ämpë'ajtypyën. Xëmë yë mxëëw nmëjjawëja'any nkënu'kxyjyawëja'anyës.

Salmos 145:2

Xëmë mijts oy njawëja'any, ets ntukxoonta'akäämpyës yë mxëëw xëmë.

Salmos 146:2

Nmëjpëjkta'akäämpyës yë Wintsën mapaatës njuuky'ätyën, nkuuy'ëwäämpyës yë Dios mëti'ipës nTios'ajtypyën, maas tyam njuuky'ätyën.

Salmos 150:4

Mmëjpëjkta'aktë ets win'ätstë mëët yë xijn. Mmëjpëjkta'aktë yë Dios mëët yë xuxn ets kow.

Salmos 33:1

Tukxoonta'aktë yë Wintsën, miitsëty oyjyä'äytyëjkëty; Ko ja oyjyä'äytyëjk y'ëwtë, janty'oy ja y'iy yajmëtowtë.

Salmos 33:2

Mo'otë yë Wintsën yë jya'awëkyëtakën ets win'ëw winya'axtë mëët yë kepykyow,

Salmos 51:15

Wintsën, mijts myajkutukëp ets tjëkyäpëty wi'ixës nkajpxëtyën, etsës nkuuy'ëw nkuuyya'axëty mijts yë mmëjajtën.

Salmos 68:24

Dios, mëti'ipës nTios'ajtypyën, ets mëti'ipës nkutujkpë'ajtypyën, ma mtsajptëjkën xëmë tajnax y'ity ko mijts myajmëjjawë.

Salmos 68:25

Mëti'ipë ëëwtëpën jëyëjp nyëjkxtë, e mëti'ipë xuxtëpën koowtëpën ix'am ye'eytyë, itkujky yë'ë nëjkxtëp yë to'oxy'ëna'këty mëti'ipë yaj'ënantëpën yë xijtn.

Isaías 12:2

Yë Dios yë'ëjës xyajtsokp, yë'ëjës ntuk'ijxpejtyp, paatyës ka'ap ntsë'ëkë njawë. Yë Wintsën yë'ëjës ntsoktakn'ajtyp ets yë'ëjës xymyëjaawmoopy, yë'ëjës nwäämpy yaj'ëwaatsëpëtsëëmpë ets yajnitsokpë.

Jonás 2:10

Ënet ja Wintsën ojts ja nëë jëyujk tyajnëjkxy jam nëëpë'am ets ja Jonás yaj'ix'ë'tsy.

Habacuc 3:19

Jä'ä ko yë Wintsën yë'ëjës xyjyotmëkmoopy; jëtu'unës yë nteky tyajyu'unkë tä yë jëtyu'ujën mëti'ipë pe'tym ye'epyën ets jam xyajnëjkxyës maas ka'ap tii xyjyatëtyën.