Isaías 38:19 - Biblia Dc en Mixe de Quetzaltepec

¹⁹ Yi'iyë tëy mëti'ipë juuky'ajtëpën jyëkyäjptëp wi'ix mwin'ëw mwinya'axëtëty, jëtu'un tääjës ëjts tyam ntunyën.

Biblia Mixe de Quetzaltepec

¹⁹ Yi'iyë tëy mëti'ipë juuky'ajtëpën jyëkyäjptëp wi'ix mwin'ëw mwinya'axëtëty, jëtu'un tääjës ëjts tyam ntunyën.

Isaías 38:19 ပူးပေါင်းရင်းမြစ်များ

Génesis 18:19

Yë'ëjës të nwin'ixy ets yë'ë t'ënä'ämëty yë y'u'unk y'ëna'k, y'u'unk y'ok, ko tpatuntëty yë n'ijxpëjkënës ets tu'kë'ëyë mëti'ipë oyën ets tëyajtënën. Jëtu'un tjëkyäpëty näjyëtu'un ntunëtyës tu'kë'ëyë, winë mëti'ipës të n'ëwaanën ets tëëpës nikäjpxyën.

Salmos 118:17

Ëjts ka'apës tsojk n'ooka'any, jekyës njuuky'ata'any etsës nikajpxa'any nimëtya'aka'any mëti'ipë Wintsën të tunyën.

Salmos 119:175

Ëjts ntsojkpyës ja juukyajtën jä'ä ko mijts nyajmëjnaxäämpy, yë mëtëypyë mnipaye'eyën yë'ëjës xypyutëkëp.

Salmos 145:4

Yë naaxwiinyëtë ja'ayëty xëmë nëjkx tmëjpëjkta'aktë mëti'ipë të xyajkojyën, yajnimëtya'akaanp mëti'ipë të xytyuny të xykyäjpxyën.

Salmos 146:2

Nmëjpëjkta'akäämpyës yë Wintsën mapaatës njuuky'ätyën, nkuuy'ëwäämpyës yë Dios mëti'ipës nTios'ajtypyën, maas tyam njuuky'ätyën.

Éxodo 10:2

Ets nëjkx jëna'a xytyukmëmëtyä'äky yë m'u'unk m'ok ets m'ok'u'unk m'ok'ëna'k, wi'ixës ënety të ntukxi'iky të ntuk'ëwë'ëkyën yë Egiptë ja'ayëty ets näjyëtu'un wi'ixës mëj këjää të nyaj'ixyën ja nmëj'ajtënës ma yë'ëjëtyën, jëtu'un'äämpy xynyijawëtëty, ko ëjts Wintsën.

Eclesiastés 9:10

Mëti'ipë jyëkyejpyën mëpaat xytyunyën tun ets winë aaw winëjot xytyunëty; jä'ä ko jap o'kpëjutjoty ma mnëjkxa'anyën ka'ap jap tii yajtuny yajkäjpxy, ka'ap jap tii yajmëmay yajmëtajy ets ni ijxpëjkën ets ni wijyajtën jap kyä'ty.

Joel 1:3

Tukmëmëtya'aktë m'u'unk m'ëna'këty ets yë'ëjëty tukmëmëtya'aktëty yë y'u'unk y'ëna'këty ets y'u'unk y'ëna'këty tukmëmëtya'aktëty yë jyä'äyëty.

Juan 9:4

Ma tyam jyaakxënyëmëty, kopkpëky ko ntu'unmëty ja tyuunk mëti'ipës të xykexyën. Miimp ja kootsajtën ma ka'ap t'ëkjëkyäpnëtyën ets pën tyunëty.

Deuteronomio 11:19

Yë m'u'unk m'ëna'këty nëjkxëp xytyuk'ëwaanëtë ets xytyukni''ixëtë ya'atë aaw ayuk, wä'än tjamëty ma mjëën mtëjkëtyën, ma në'ë tu'ujën, ëkë ma ënety ma'ajan mpo'kxanëtën; näjyëtu'un ko ënety ma'aypyëtë'ëktë.

Deuteronomio 4:10

Jä'ä xëëw ma ojts myajpaatën ma ja Wintsën mëti'ipë mTiosajtëpën, jam ma ja Horeb kopkën, tyaajës ojts yë Wintsën xy'ënëëmë: Yajtu'ukmuk yë naax kajpn ets tmëtoow'itëty yë n'aaw n'ayukës ets tjat tnijawëtëty wi'ix mëj xyjyëkyäptëtyës mapaat jyuuky'atën ets jëtu'un ja y'u'unk y'ëna'k tukni''ixëtëty.

Deuteronomio 4:9

E paaty yam miits n'ënëëmëtë, ko yë'ë xëmë mja'amyätstëp, mëti'ipë yam të xy'ixtën. Nijëna'a xykyaja'atyëkoytyëty. Ni'ikyë nëjkx ja m'u'unk m'ëna'k xytyuk'ëwaanëtë ets m'ok'u'unk m'ok'ëna'këty.

Deuteronomio 6:7

ets xytyukni''ixëty xëmë ja m'u'unk m'ëna'k, mtukmëmëtya'akëp oy jyapëty tëkoty, në'ë'am tu'u'am; ko ma'ajan mpo'kxanëty ets ko ma'aypyëtë'ëkëty.