Isaías 37:38 - Biblia Dc en Mixe de Quetzaltepec

³⁸ Jam ënety kyajpxtä'äky ja Senaquerib ma ja tsyajptëjkën jam Nisroc, mëti'ipë y'ëwtajtypyën, ko jam tyukmiinë nimäjtsk yë myaank, tu'uk jä'ä xyëëwajtyp Adramélec ets tu'uk Sarézer, jä'ä yaj'o'këtë. Ko yaj'o'ktaayë, tääts ojts kyakojnëtë jam Arafat. Yë'ë ojts kyutëkëty ma ja kutujktaknën yë myaank Esarhadón.

Biblia Mixe de Quetzaltepec

³⁸ Jam ënäty kyajpxtä'äky ja Senaquerib ma ja tsyajptëjkën jam Nisroc, mëti'ipë y'ëwtajtypyën, ko jam tyukmiinë nimäjtsk yë myaank, tu'uk jä'ä xyëëwajtyp Adramélec ets tu'uk Sarézer, jä'ä yaj'o'këtë. Ko yaj'o'ktaayë, tääts ojts kyakojnëtë jam Arafat. Yë'ë ojts kyutëkëty ma ja kutujktaknën yë myaank Esarhadón.

Isaías 37:38 ပူးပေါင်းရင်းမြစ်များ

Génesis 8:4

E ko myajkmokxmäjtsk aany ja mëwëxtujkpë ja po'o, ënät ojts ja kepy nëëwinye'epyë ëka'any nyaaxpaaty ma tu'uk ja kopk txëëwatyën Ararat.

Jeremias 51:27

Nikajpxtë ma naax kajpnën ko xynyitëkëja'antë. Tukxu'uxtë yë mxuxnëty ets nipëjktakëtya'atë yë naax kajpn ko xynyitëkëja'antë yë Babilonyë kajpn. Ënëëmëtë yë Ararat wä'än näjyëtu'un tnipëtë'ëktë ets Miní ets Asquenaz. Nikajpxpätë tu'uk yë ja'ay mëti'ipë nyikopk'atëpën yë tsiptuunpëtëjk. Jëtu'un yë tsiptuunpëtëjk najtskäxëtë ma ja tsipën tä mu'ujën tëëpë jyoot'anpëktën.

Esdras 4:2

ënät ojts tninëjkxtë ja Zorobabel, Josué ets ja mëjja'aytyëjk mëti'ipë ja Israel ja'ayëty jyä'äy'ajtëpën ets t'ënëmaaytyë: Ëëtsëty jëtu'unës njamay njatajtë ko miits njaputëkëja'antë ma yaa xykyojtën ja Wintsën ja tsyajpjëën tsyajptëjk, miitsëty wa'ats xynyijawëtë ko ëëtsëty nän yë'ë Wintsën n'ëwtajtëpës mëti'ipë miits m'ëwtajtëpën ets nän nmooytyëp ëëts yë wyintsë'kën maju'unëm jyuuky'ätyën ja Esar-hadon, mëti'ipë yajkutujkën jam ma Asiria ja'ayëtyën, mëti'ipës yaa xywoowmiintën.

Isaías 37:10

Yë Dios, mëti'ipë mtuk'ijxpejtypyën, jëtu'un m'ënë'ëmxëty ko Jerusalén kajpn ka'ap wi'ix ntuna'anyës. Këtii mnätyukwin'ëënëtëty.

Isaías 36:18

Pën Ezequías mnëmaayëtëp ko yë Wintsën yë'ë myajtso'okanëtëp, këtii xymyëpëktëty. Nitu'uk yë tios të tkayajtso'oky yë naax kajpn mëti'ipë yë'ë y'ëwtajtëpën maajaty yë Asiria ja'ay mëët të tsyiptuntën.

Isaías 36:15

Pën Ezequías jëtu'un m'ënë'ëmxëtë ets yi'iyë tu'uk Wintsën xytyuk'ijxpätëty ets pën mnëmaayëtëp: Yë Wintsën yë'ë xyajtso'oka'anëm yë'ë ka'ap nijëna'a t'ëwa'atsëty ets Asiria ja'ayëty o'ktëy tuntëty ya'atë naax kajpn,

Isaías 14:12

Wi'ixën jam tsajpjotm të mkuka'anajxpë, mëj ijty mtë'kxy mjajy jopyëp. Jëtu'unyë naaxkëjxy të myajnajtsjëpipë, mijts mëti'ipë ijty ëxëëk ja naax kajpn mtuunpyën.

Isaías 14:9

Jap naaxpa'tkë'p, ma o'kpë yajpaatën, janty'ëtëtsp janty ënantëp jap o'kpëty, mijts myaj'ëwxijtp. Jëtu'un ja o'kpë jap yaj'ixtë ma'aywyijtëp yowë, ja mëti'ipë të y'ëne'emy të kyutukyën, jä'ä jap mnitso'onëp ets m'ëxajëja'anyë; tëkokyë ja yajkutujkpëtëjk tëë wyä'ätsë'kta'atë ma ja y'ënyääytyaknëtyën.

2 Crónicas 32:21

Ënet ja Wintsën tkexy ja kyukäjpxy ets tyaj'o'ktaay ja Asiria ja'ayëty ja wyintsëntëjkëty ets ja ja'ayëty mëti'ipë ënety tsip'ixyëtyën ets ja kopktëjkëty mëti'ipë ja myëku'ukëty tyu'uwinye'eytyëpën. Tä ja Senaquerib ojts wyimpijnë wintsëtyu'un jëjptsëtyu'un ma kyajpnën, jam jyäjty ma ja tsajptëjkën ma jap tmëët'atyën ja tyios, ka'apë Tiosëtyën, e wäänë y'ijty tä jäpyë kyë'ëm u'unk yaj'o'kë.

2 Crónicas 32:19

Jëtu'un ja Jerusalén ja'ay ja Tyios yajtijtë ets yajpëjkta'aktë tä jeexyë oy nyapën Wintsënëty mëti'ipë ja wiinkëtypë kajpn y'ëwtajtëpën.

2 Crónicas 32:14

¿Pën tëë pyutëkëty yë Wyintsën koos ja nteety n'apëty mëët tsyiptuuntë? ¿Tyam wi'ix ënät jëtu'unpë winma'any xypyatëpë ko yë mTios yë'ë myajtso'okanëtëp?

Isaías 37:7

Ëjts kë'ëm ntuknipëjktaakëjäämpy ets tu'uk ayuk nyija'tëtëty mëti'ipë nëjkx yajwinpityën ma nyaax kyajpnën ets ja'ay jam yaj'ookëtëty.