Isaías 37:29 - Biblia Dc en Mixe de Quetzaltepec

²⁹ Tëës nijawë ja mjoot'an ets mmëj'ajt mkëjxm'ajtën, jëtu'un yam npëjkta'aka'anyës mjëjp tunkëjxm tä jeexyë pujxn jam nkëxjëëpyënës, tä jeexyë pujxn ntuk'atijën ets yë'ë ntukwo'onwinpita'anyë ma të mtsoonyën.

Biblia Mixe de Quetzaltepec

²⁹ Tëës nijawë ja mjoot'an ets mmëj'ajt mkëjxm'ajtën, jëtu'un yam npëjkta'aka'anyës mjëjp tunkëjxm tä jeexyë pujxn jam nkëxjëëpyënës, tä jeexyë pujxn ntuk'atijën ets yë'ë ntukwo'onwinpita'anyë ma të mtsoonyën.

Isaías 37:29 ပူးပေါင်းရင်းမြစ်များ

Ezequiel 38:4

Tyam nyajwinpita'any, xu'unyës yam mpëjkta'akäämpy ma m'aawën, mijts yam nyajpëtsëmäämpy mëët yë mtsiptuunpëtëjk mëti'ipë këwaaytyuk'ënyääytyëpën, mëët yë maykyëwaay ets tsiptuunpëtëjkëty mëët yë wyit tyujkxyëty mëti'ipë myëtsiptuuntëpën, tääpë maytsyiptuunpëtëjkëty mëët yë tyiypyujxnëty ets y'akëëytyukëty ets tu'kë'ëyë mëti'ipë myëtsiptuuntëpën.

Isaías 37:34

Ja në'ë tu'u mëti'ipë të tpaminyën, jä'ä jatëkok y'awinpitëjäämpy; ka'ap tyëkëja'any ma tääpë naax kajpnën. Ëjts mëti'ipë Wintsën'ajtpën, ëjts ënaanp.

Isaías 30:28

Ko xyejy jëtu'un yajmëtoy nëëkomën; tä nëëkomën mëti'ipë yo'kntuuy ku'utpën. Yë'ë nyimiinp yë naax kajpn ets tyajnëjkxa'any ëyo'ontum tä ja'ay tsajpkaa tkepymyëtsumën mëti'ipë tyukyuupyën, Yë'ë nyimiinp ja naax kajpn ets tyaj'ëmona'any jëtu'un tä ja'ay yë jëyujk t'ajäänë'ëkyën ets twoowtëkoy.

Isaías 10:12

Ko ënety ja Wintsën të tyajnaxy ja tsyip y'äkë ma ja Jerusalén ja'ayëtyën, tääts tëytyu'una'any ja Asiria yajkutujkpë, mëët ko ënety amëj akëjxm të jyuuky'äty.

Ezequiel 29:4

Ntukjëjp jëëpëjäämpy yë xu'uny ets jam nyäkyëx'o'tsta'ajëtëty yë nëë jëyujk ma mnimeenyën. Jap mnëëjoty njuuta'any mëët yë maynyëëjëyujk këx'ootsy ma mnimeenyën.

Hechos 22:22

Ko ja Pablo kyajpxtaay, ënät ja ja'ay tyëjkëtyë yaxpë jojkpë: Tääpë ja'ay ka'ap nyitëkëty jyuuky'atëty. Jo'tsë xyëëw yaa naaxwiiny.

Hechos 9:4

Tääts kyëtääy ets tmëtooy tu'uk ja ja'ay kyäjpxy ets y'ënä'äny: Saulo, Saulo, ¿tii koos xy'ixjëtity xypyajëtiy?

Mateo 27:24

Ënet ja Pilato t'ijxy ko niwi'ix'äämpy ja ja'ay kyaja'akyukëtë, wäänëni'ik y'o'ktëwtë, ënät ni'ënä'ämëy ets ja nëë tyajmintëty ets ojts kyë'ëpujy ets y'ënäny: Ëjts nitii pokyës nkamëëtëty ko ya'atë ja'ay y'ookëty, miits mnija'awëtyëp tii mtuuntëp.

Amós 4:2

Yë Wintsën ojts yë xyëëw tukajpxpety mëët ko wa'ats nyäyaj'ityë ets y'ënäny: Miimp ja xëëw po'o ma miitsëty myajmënëjkxa'antën tsumy matsy wiink naax wiink kajpn ets mëët yë jo'kn myajtsuumë'ëka'antë ets m'u'unk m'ëna'këty jëtu'un yaxuya'antë tä ja'ay nyëë jëyujk xuyën.

Isaías 37:10

Yë Dios, mëti'ipë mtuk'ijxpejtypyën, jëtu'un m'ënë'ëmxëty ko Jerusalén kajpn ka'ap wi'ix ntuna'anyës. Këtii mnätyukwin'ëënëtëty.

Isaías 36:10

Ets näjyëtu'un, ¿jä'ä mmay mtajyën ko ka'apës yë Wintsën xypyutëkë etsës yë mnaax mkajpn nyajkutëkoyëtyë? ¿Yë Wintsënës të xykyexy etsës ya'atë naax kajpn nyajkutëkoyëty.

Isaías 36:4

Ënet ja Asiria ja'ay mëti'ipë ja tsiptuunpë ja'ayëty nyiwintsën'ajtypyën, y'ënëmaayëtë: Mijts, ¿wi'ixën ko ka'ap mony mtuky, tiitën ko janty jotkujk mtimyaj'ijtëp?

Salmos 83:2

Ëk'ix yë mmëtsiptëjk, mëti'ipë m'ëxëëk'ijxëpën: janaam jatsojk tyu'ukmuktë ets myajnimëtyä'äky tëkatsyjyäty.

Salmos 74:23

Këtii xyjyä'äytyëkoyëty ko ya'axtë jyoktë mmëtsip, ets ka'ap mëpaat ni'ikyë y'o'ktëwtë ja'ayëty mëti'ipë käjpxy kyumëtoownajxtëpën.

Salmos 74:4

Yë mmëtsiptëjk janty jotkujk nyäyjyawëtë ma mtsajptëjkën ko myëta'aka'antë, ets jap të tpëjkta'aktë kajpn wintëy mëti'ipë wiink naax wiink kajpn yë ja'ay kyajpn wintëy'ajtëpën,

Salmos 46:6

Yë mëjëtypë naax kajpn jëtu'un jyänty y'ëtë'ëts jyänty y'ëna'antë, tëkokyë mëti'ipë kutujkën'ajtëpën janty tsë'këtyëp, ets naaxwiinyëtë ka'ap jotkujk yajpaaty ko y'aaw y'ayuk tyajmëtoyë.

Salmos 32:9

Këtii jëtu'un mja'ay'atëty ijxtëm yë mëkjëyujkën ëkë kwaayën, ka'apë jyä'äkyukëtën. Koonëm yë tejpxy yajtuk'ajäänë'ëky täänëm wya'ak'oyë, ko jeexyë tii kyayajtuk'apëkë ka'ap jeexyë niwi'ixtsow wya'ak'oyë.

Job 41:2

¿Jyëkyejpy jap jyëjpjoty xytyijnaxëty yë tejpxy ëkë jap xytyijnaxëty yë xu'uny mëti'ipë ajo'knën ma y'äjkyënë?

Isaías 37:7

Ëjts kë'ëm ntuknipëjktaakëjäämpy ets tu'uk ayuk nyija'tëtëty mëti'ipë nëjkx yajwinpityën ma nyaax kyajpnën ets ja'ay jam yaj'ookëtëty.

Ezequiel 35:13

Mijts nëkooyë ojts m'aaw xyajwä'kxy koos ojts xytsyipwinkajpxë ets wi'ix kawi'ixëty ojts xynyikäjpxy xynyimëtyä'äkyës. Ojtsës nmëtoowta'ay.