Isaías 37:26 - Biblia Dc en Mixe de Quetzaltepec

²⁶ ¿E mijts ka'ap të xynyijawë ko ëjts Wintsënajtp, ëjts winë ntuknipëjktakëp ko tii tyunyë jyätyë? Ëjts tëëyëpës jëtu'un ntuknipëjktaakë ijxtëm tyam winë tyunyë jyätyën; paatykyëjxm mijts may ja naax kajpn të xyajkutëkoy ets je'eyë xit ko'ow të xytyuunta'ay.

Biblia Mixe de Quetzaltepec

²⁶ ¿E mijts ka'ap të xynyijawë ko ëjts Wintsënajtp, ëjts winë ntuknipëjktakëp ko tii tyunyë jyätyë? Ëjts tëëyëpës jëtu'un ntuknipëjktaakë ijxtëm tyam winë tyunyë jyätyën; paatykyëjxm mijts may ja naax kajpn të xyajkutëkoy ets je'eyë xit ko'ow të xytyuunta'ay.

Isaías 37:26 ပူးပေါင်းရင်းမြစ်များ

Hechos 2:23

Tääpë ye'etyëjk, ojts miits myajtukë'ëtëkëtë, ijxtëm ja Dios ënety të tuknimay të tuknitajën, miits ojts xyaj'ooktë, ko ja ëxëëkja'aytyëjk xytyukyajkruutspäjtë.

1 Pedro 2:8

Ets näjyëtu'un jatu'kpëky y'ënä'äny: Jëtu'un yë'ë ijxtëm tu'uk ja tsaajën ma ja ja'ay kyunäpëtën. Jam ja ja'ay kyunäpëtë mëti'ipë ka'ap tkupëktën ja Dios ja y'aaw y'ayuk; ets jëtu'un ëxëëk jyatë kyëpätë.

Isaías 10:15

¿E yaats ënät nnäyajtë'ëwëmëty: Wä'än jëtää kë'ëm yë jatyë kyepypyuxëtyë ets ka'ap tyajmëyatëty mëti'ipë yajyu'kxëtëpën, ëkë ja jë'tn mëj'äämpy nyäyajnaxëtëty oy kyajam'atëty ja mëti'ipë yajtuunëpën? Ijxtëm tu'uk yë tajkën, kepy yë je'eyë, pën ka'ap pën yajtunyë wi'ixën txëëwatëty tajk.

Judas 1:4

Jä'ä ko tëë ja ja'ay jya'të mëët ja näwyin'ë'ënën mëti'ipë ja Dios ojts tëëyëp tnikäjpxyën ko nyëjkxa'antë ëyo'ontum. Ëxëëk ja'ay yë'ëjëty, je'eyë nëkoo ja Dios ja y'aaw y'ayuk tyajnaxtë kajpxpäjn ma ëxëëkajtën tuntën. Ka'ap tmëjpëjkta'aktë ja Dios ja y'oyajtën, ni'ikyënëm t'ixtijtë ja Dios ja myëj'ajtën ets ja Jesukristë ja kyutujkën.

Amós 3:6

ko yajtukxu'uxy yë tsajpkaawaj, ënätyë ja'ay tsyë'ëkëtë; ko tii ëyo'on kyëtä'äky ma naax kajpnën Wintsënën të tnipëjktaakë.

Isaías 45:7

Ëjts nyajtë'kxyp nyajjäjpy ets ëjts nyajkoots'ajtyp, nyaj'oy'ijtypyës winë ets nyaj'ëyo'onpatypyës tii. Ëjts, maas nWintsën'atyën, ntuuntääpyës oy tyimtiijëty.

Salmos 76:10

Ko yë naaxwiinyëtë ja'ay jyoot'anpëky, mijts ni'ikyë mxoontä'äky, oyxyëp janty tu'k nu'unën jyoot'anpëky, mijts jëtu'un xyjyawë tä jeexyë tu'uk yë kujän myajtukujenyën.

Salmos 17:13

Pëtë'ëk, Wintsën, mijts mëët näwyinkuwa'akët. Yajtëj yaj'ojtsë yë kyë'ëkox tyekykyox. Tukuwaankës yë mtëypyujxn ma ëxëëk ja'ayën.

Génesis 50:20

Miitsëty jëtu'un ojts mjamay mjatajtë ets nyätyijyë ëxëëk xytyuna'antës e yë Dios yë'ë të tyajtëkatsy yë ëxëëkpë mëët yë oypyë ets ntunëtyës mëti'ipë tyam m'ijxtëpën mkoowtëpën: ets jëtu'un tsyo'okëty may yë ja'ay yë jyuukyajtën.

Isaías 17:1

Jëtu'un ja Wintsën y'ënä'äny: Nëjkxëp ja Damaskë kajpn jëna'a kyutëkoy; xit ko'ow jyata'any.

Isaías 40:21

¿Këtiitën ijty jëtu'unpë xynyijawëtë? ¿Këtiitën nijëna'a jëtu'unpë xymyëtowtënëmë? ¿Këtii ni pën ojts mtuk'ixëtë? ¿Këtiitën nijëna'a jëtu'unpë xyjyä'äkyukëtë?

Isaías 40:28

¿Tii këtii ënety xynyijawë? ¿Këtii të xymyëtoyë? Yë Wintsën, yë'ë Dios xëmëpë y'ijtëyën, mëti'ipë yajkojën yë naaxwiinyëtë, ka'ap nijëna'a y'ënu'kxë ets myëjaawkëxy; yë wyijy'ajtën xëmëkyëjxm yë y'ity.

Isaías 22:11

Poty itkujky ojts xypyotstë ja nëë apëjkën ma xyajnipäta'antën ja nëë, je'eyëp ko ka'ap ojts xynyijawëtë pën ënety jëtu'un tëëyëp të tuknipëjktaakë.