Isaías 37:24 - Biblia Dc en Mixe de Quetzaltepec

²⁴ Je'eyë mtuunpë të xytyuk'ëne'emy ets të tnëxi'ik të tukxi'iktë yë Wintsën. Jëtu'un ojts m'ëna'any: Ëjts may kepy wintëkäämpë nmëët'atyës, jampaat muum kopkëjxm nja'tyës, jampaatës të nja'ty ma Líbano kyopk kupi'tykyën. Etsës të npujxë'ktaayë ja y'ajë kepy mëjëtypë ets tsiin kepy oyëtypë. Tëës ntukjëtijtëtyääyë tyun kyopk mëjëtypë ets yukjot kepyjyot mëti'ipë jëtu'un këxë'kpën pëjykyamën.

Biblia Mixe de Quetzaltepec

²⁴ Je'eyë mtuunpë të xytyuk'ëne'emy ets të tnëxi'ik të tukxi'iktë yë Wintsën. Jëtu'un ojts m'ëna'any: Ëjts may kepy wintëkäämpë nmëët'atyës, jampaat muum kopkëjxm nja'tyës, jampaatës të nja'ty ma Líbano kyopk kupi'tykyën. Etsës të npujxë'ktaayë ja y'ajë kepy mëjëtypë ets tsiin kepy oyëtypë. Tëës ntukjëtijtëtyääyë tyun kyopk mëjëtypë ets yukjot kepyjyot mëti'ipë jëtu'un këxë'kpën pëjykyamën.

Isaías 37:24 ပူးပေါင်းရင်းမြစ်များ

Isaías 14:8

Yë'ëpaat ja aay kepy, aay ujts jampë yajpaatën Líbano tukxoonta'aktë ko o'ktëy mjajnë mkëpäjnë, ets y'ëna'antë: Maju'unëm mijts mkuka'anaxyën, ni pën ëëts xykyanimintë ets të xypyux të xykya'atstës.

Isaías 10:18

Nëjkxëp tyajkutëkooytyä'äy ja tun kopk, oy ënety oy të jyakëxë'ëky. Jëtu'un tyaj'awinpita'any tä tu'uk pa'amja'ayën mëti'ipë tëë myëjaawkëxyën.

Daniel 4:30

ko y'ënäny: Ixtë, nëkooyë yë Babilonyë kajpn myëj'ajnë. Ëjts të nkojy mëëtës yë nkutujkën ets mëëtës yë n'ënä'ämën ets yaj'ixëty wi'ix nmëj'äämpyëtyës.

Isaías 37:4

Jääpëk jeexyë yë mWintsën të tmëtoy wi'ix të y'ënä'änyën tääpë Asiria ja'ay mëti'ipë tsiptuunpëtëjk nyiwintsën'ajtypyën, ma ëxëëkjaty të tnikäjpxyën yë Dios juukpyë ets tëytyunëty ijxtëm pyaat'atyën, yë'ë Wintsën, Dios mëti'ipë mTios'ajtypyën tëë tmëtoy wi'ix të nyikäjpxyën. Paaty tyam yajnax wäänë ayuk ma Wintsënën ets tputëkëty mëti'ipë juuky jaakwë'ëmtëpën.

Isaías 36:9

Mijts ka'ap mmayëtëty xyajkä'äkëty nitu'ukën yë Asiria ja'ay ¿wi'ixën jap Egiptë xypyaata'any ja mëti'ipë kwaay tyuk'u'unyääytyëpën?

Isaías 29:17

Tsojk yukjotm y'awinpita'any, yuutakn tuuntakn; ets yuutakn tuuntakn, y'awinpita'any yukjot.

Salmos 20:7

Tää mëti'ipë yë'ë tyuk'ijxpäjtëp ko tmëët'atë kepy wintëkäämpë mëti'ipë myëtsiptuuntëpën, ets tä wiinkëtypë mëti'ipë yë'ë tyuk'ijxpäjtëpën ko tmëët'atë kwaay, e ëëtsajtëm yë'ë ntuk'ijxpäjtëm ko yajpaaty yë Wintsën mëët ëëtsajtëm.

Éxodo 15:9

Yë mmëtsip tyaa ënety të myäy të tyäjy: Mpapo'ojäämpyës yam mapaatës najtspaatën, etsës nyajwa'kxtaja'any, mëti'ipës ënety të mpëjkëtyä'äyën, koonëmës yajxon nku'uxëtëty. Etsës nkupujxta'aja'any mëët ja mpujxnës, mëti'ipës nkë'ëkë'ë'ajtypë.

Isaías 10:33

Ixtë ja Wintsën mëti'ipë maaytyääyëpën winë, ixtë wi'ix tyajkëtayën mëjëtypë kepy; awäx tukwäxë yë kepy jyajta'ay ets jëtu'un nyaaxkëtakta'ay.

Isaías 10:34

Mëët ja jatyë të yajpujxkëtaawta'ay ja kepy ets ja yukjot të yajpujxëtijta'ay, tëë pyëtë'kta'atë ja kepy mëti'ipë jamën Líbano.

Jeremias 22:7

Ntuknikäxäämpy yë ja'ay mëti'ipë mniminëtëpën mëët ja tyiypyujxn ets mëët ja kyu'umën ets myaj'atëkoyëtëty. Nëjkxëp tjijtë'kta'atë ja mtëjkxeny mëti'ipë ajë kepyën ets tnino'kta'aja'antë.

Jeremias 46:8

Egiptë jëtu'un yä'kp tä Nilë nëë kyomyën, tä nëëkom nyämyëjënäkyën. Jëtu'un ja Egiptë ja'ayëty y'ëna'antë: Nyajnikoompätantëpës yë naaxwiinyëtë, nyajkutëkoyantëpës yë naax kajpn ets nyija'ay mëti'ipë ja naax kajpn tyuk'ijt tyuktsëna'ayëtëpën.

Jeremias 22:6

Jä'ä ko yë Wintsën tëë tnikäjpxy wi'ix jyata'anyën yë Judá kyutujktakn: Jëtu'un mijts njawë tä yë Galaad kopkën, tä yë Líbano kupi'tykyën, e ëjts yajxonës nikäjpxy ko të'ëts'itjot nyaj'awinpita'anyës ets ni pën jam nëjkx kyatsëënë.

Ezequiel 21:2

Mijts ye'etyëjk, nëjkx jatëkok jam Jerusalén ets xynyikajpx xynyimëtya'akëty ko yë tsajptëjk mëti'ipë jamën o'ktëy jyata'any. Ëjts yë nxëëw mtukajpxpätëp ko ënety xynyimëtyä'äky wi'ix jya'ta'any yë Israel kajpn,