Isaías 37:22 - Biblia Dc en Mixe de Quetzaltepec

²² Ya'atë jëtu'un aaw'ajtp ayuk'ajtp ma ojts ja Wintsën tnikäjpxy nimëtyä'äkyën wi'ix ja Asiria yajkutujkpë jyata'any kyëpäta'anyën: Yë Sión kajpn, jëtu'un yë'ë tä tu'uk yë to'oxy ëna'kën, je'eyë mtukxi'ikyë mijts Senaquerib. Je'eyë kyëpajk tyajyu'kxy tä jeexyë wyinma'any tyajjëtityën ko mijts mtso'onë ma jam të mjaja'tyën.

Biblia Mixe de Quetzaltepec

²² Ya'atë jëtu'un aaw'ajtp ayuk'ajtp ma ojts ja Wintsën tnikäjpxy nimëtyä'äkyën wi'ix ja Asiria yajkutujkpë jyata'any kyëpäta'anyën: Yë Sión kajpn, jëtu'un yë'ë tä tu'uk yë to'oxy ëna'kën, je'eyë mtukxi'ikyë mijts Senaquerib. Je'eyë kyëpajk tyajyu'kxy tä jeexyë wyinma'any tyajjëtityën ko mijts mtso'onë ma jam të mjaja'tyën.

Isaías 37:22 ပူးပေါင်းရင်းမြစ်များ

Job 16:4

Ko jeexyë miits jëtu'un m'ëk jat m'ëk këpätë tääjës yamën, näjyëtu'unës jeexyë nkäjpxy tä mkajpxtën; je'eyës jeexyë nkëpajk njëpipy etsës jeexyë n'axiktu'uty, nëkooyës jeexyë n'ëëwnë nkajpxnë,

Zacarías 2:10

Jëtu'un yë Wintsën y'ënä'äny: Ëwtë ya'axtë akujk jotkujk, miitsëty Jerusalén ja'ayëty, jä'ä ko tëëjës nminy ets ntsëënëja'anyës ma miitsëtyën.

Sofonías 3:14

Mijts Sión kajpn xoontä'äky yajpaat. Mijts Jerusalén kajpn ëw ya'ax akujk jotkujk. Xoontä'äky yajpaat, akujk jotkujk näjyawët.

Lamentaciones 2:13

¿Pën mëët nëk ijxkijpxëty wi'ix mjaty mkëpetyën mijts Sión kajpn, oypyë mkëxë'ëkyën? Mëjwiin këjää të m'ëyo'onpaaty; ¿pën m'ëk yajjotkujk'atëtëp?

Jeremias 14:17

Jëtu'un xy'ënëëmëty ja naax kajpn: Wä'än tka'ay yë nwiinnëëjës xëëny koots janaam jatsojk, mëët ko ja ëyo'on jotmay ja nnaax nkajpnës tyukminyë, ko tsyëtyuta'any mëjwiin këjää.

Isaías 1:8

Yi'iyë yë Sión të jyaak wë'ëmy jëtu'un tä tu'uk kamtëjkën, nätyu'uk jyaak yajpaaty ma tsatym kyamën. Tä tu'uk këtseytyëjkën ma melón kamën, Tä tu'uk kajpnën tëëpë myëtsip yajnatukyën.

Salmos 9:14

etsës jam Jerusalén nikajpx nimëtya'akëty ko mijts mnitëjkëyëp myajmëjpëjkta'akëty, ets ko janty jotkujkës nyajpaaty koos të xyajtso'oky.

Mateo 27:39

Ko ja ja'ay nyaxtë je'eyë nyëxi'ik tyukxi'ikëtë ets kyujëpiptë,

Mateo 21:5

Ënëëmëtë yë Jerusalén ja'ayëty: Tää myajkutujkpë mniminëtë yujypyë naxymyëpë, kruktskëjxy y'u'unyë, tu'uk yë jëyujk u'unk mëti'ipë tsëmy pyatsëëmpyën.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Amós 5:2

Ja Israel kajpn mëti'ipë ënety oy tsujën ets wa'ats yajpatpën, o'ktëy të jyäty. Tëë jyëpijpkëtä'äky kyë'ëm naaxjoty ets ka'ap pën wyijtsë'ëkyë.

Lamentaciones 1:15

Jëkäm yë Wintsën të tnajtswojpëtyä'äy yë jotmëkja'aytyëjk mëti'ipës ijty xynyiwaantutëpën. Tëë tkexy yë tsyiptuunpëtëjk mëti'ipë të tyajkëjxta'atën yë njotmëkja'aytyëjkës. Jëtu'un yë Wintsën të tä'änäkë yë Judá tä ja'ay tä'änye'eyën yë tsatsymtsya'am ets tyaj'uukyojy.

Isaías 62:11

Tëë ja Wintsën tuk'ëwa'anëtyä'äy ja naax kajpn naaxwiinyëtë apëtsëmy: jëtu'un të t'ënëëmë Ënëëmëtë yë Sión kajpn ko tëë jyä'ty ja Yaj'ëwaatsëpëtsëëmpë. Yë Wintsën tëë ja nyaax kyajpn tyaj'ëwaatsëpëtsëmy, yë'ë yajmiimpy.

Isaías 10:32

Ya'atë xëëw jam ja mëtsip të wya'akwë'ëmy Nob; tëë y'ënä'äny ko yajnitëkëty ja Sión kajpn, jam tunkëjxm ma ja Jerusalén kajpn yajpaatyën.

Salmos 31:18

Wä'än amonyë t'itë mëti'ipë antaktëpën, mëti'ipë je'eyë nëxik tukxiktëpën ets tëkatsy tnimëtya'aktë ja'ay mëti'ipë oy juukyajtpën.

1 Samuel 17:36

E wä'än tmëti'ipë jëyujkëty, tä yë kaajën ëkë osë ëjts poj'amës ijty nyaj'ooky. E nän tim jëtu'untsën ënät jyatëty kyëpätëty tääpë yë filistejë ja'ay mëti'ipë ka'ap nijawën pën y'ëwtatëpën mëti'ipë nëkoo yajoot'anpëjkpyën, ja Wintsën ja tsyiptuunpëtëjk.

Isaías 23:12

Ets të t'ënëëmë ja Sidónja'ayëty: Ixmats ja äjtsk pujtk mijts to'oxy ëna'k mëti'ipë të yajwitsy të yajjëtutyën. Mijts oy jap mjanëjkxëty Chipre, ka'ap jotkujk'ajtën xypyaata'any.

2 Reyes 19:21

Jëtu'un ja Wintsën kyajpxwinpity, ma tnikäjpxyën ja Senaquerib mëti'ipë jam yajkutujkpën Asiria: Ja naax kajpn mëti'ipë yajtijpën Sión, jëtu'un npëjktakmëty tä ja to'oxy'ëna'kën, mëti'ipë je'eyë mnëxikpy mtukxikpyën mijts Senaquerib. Yë Jerusalén je'eyë kyëpajk timjyëpipy mëët ja mmëj'ajt mkëjxm'ajtën ko mkäknë.

Isaías 47:1

Mijts to'oxy'ëna'k, Babilonyë ja'ay, jënak jam ma myajpaatyën, ma mjaaknätyu'uk'atyën ets naaxwayjoty m'u'unyëty, mijts Caldeo to'oxy'ëna'k nëwääts jam m'ënyääytyaknkëjxy ma myajkutukyën; naaxkëjxy u'unyë, jä'ä ko ka'ap m'ëk yajtijjanë yu'unk ets ëmaay.

Jeremias 18:16

ets anë'ëk tëëtsë'ëk ja nyaax kyajpn të tyaj'awinpity, je'eyë yajnimony yajnituky. Ko ja'ay jam nyaxtë, je'eyë kyëpajk tjëpiptë jä'ä ko ka'ap tja'akyukëtë tii ko o'ktëy ja naax kajpn jyajnë.

Lamentaciones 2:15

Ko m'ixyë mëti'ipë jam najxtëpën tu'u'am je'eyë kyë'ë t'apo'kxmuktë ets mtukxi'ikyë; je'eyë kyëpajk tjëpiptë ets wyiin y'aaw tuntë ets y'ëna'antë, tää ënät, ixtë wi'ix yë Jerusalén kajpn jyätyën mëti'ipë ijty janty'oy näyajnajxëpën, mëti'ipë ijty ja'ay tyijtëpën y'oyëty tyujëty.