Isaías 37:17 - Biblia Dc en Mixe de Quetzaltepec

¹⁷ Wintsën, tun mëyajtën, mëtoow'it ya'atë aaw ayuk, ja'akyukë mëti'ipës yam nikajpxäämpyën. Yaj'ëwa'ats yë mwiin ets xy'ixëty. Mëtoow'it wi'ix ja Senaquerib mnikäjpxy mnimëtyä'äkyën, tsaatsy ma'at ja aaw ayuk të mtuknipëtsëmyë, mijts Dios mëti'ipë juukyën.

Biblia Mixe de Quetzaltepec

¹⁷ Wintsën, tun mëyajtën, mëtoow'it ya'atë aaw ayuk, ja'akyukë mëti'ipës yam nikajpxäämpyën. Yaj'ëwa'ats yë mwiin ets xy'ixëty. Mëtoow'it wi'ix ja Senaquerib mnikäjpxy mnimëtyä'äkyën, tsaatsy ma'at ja aaw ayuk të mtuknipëtsëmyë, mijts Tios mëti'ipë juukyën.

Isaías 37:17 ပူးပေါင်းရင်းမြစ်များ

2 Samuel 16:12

Pën xypya'ëyoopës jëna'a Wintsën ets pën jam tkëwentëtuny maas yam ëxëëk njaty nkëpetyën, wä'änxyëp ja ni'ikyë nëjkx xy'ëkënu'kxnës ets nëjkx jëëmpit winë y'ëktuun y'ëkjajtënë oyës ënety të njayajpoky jëtu'un tääjës tyam nmëtoyën.

2 Reyes 19:16

Mëtoow'it, Wintsën ets ja'akyukë ya'atë ja nnu'kxtakënës, ni''ijxwa'kxkës ets ni''ijxkëtakës. Mëtoow'it mëti'ipë ja Senaquerib të tkäjpxyën, mëti'ipë të tukmëkäxën ja tyuunpë ma ëjtsën ets mijts myajni'oj myajniyaaxë, mijts Dios mëti'ipë juukyën.

2 Crónicas 6:40

E mijts Wintsën, mëti'ipës n'ëwtajtëpën, mëtoow'itëp ja n'aaw n'ayukëtyës mëti'ipë yaa yajyajkpën ma mjëën mtëjkën.

2 Crónicas 7:15

Tyam nmëtowanëpës ja ëëwtak kajpxtakën mëti'ipë ënety yaa yajtuunpën ma ya'atë itën,

Job 36:7

xëmë tkuwa'any yë ja'ay mëti'ipë mëtëy juuky'ajtëpën; yë'ë pyëjktäkpy yë yajkutujkpë jam ma kutujktaknën ets yë'ë jeky yaj'ëne'empy.

Salmos 116:1

Ntsojkpy nja'apës yë Wintsën, jä'ä ko tëë tmëtoow'ity mëti'ipës të n'amëtoy të npëjktsoyën,

Salmos 17:6

Dios, mijts yam npa'tmëkäjpxyp; jä'ä ko mijts xy'ëtsoopës; ja'akyujkëkës, mëtoow'ijtkës yë n'aaw n'ayuk.

Salmos 71:2

Yaj'ëwaatsëpëtsëëmkës ets yajtsokës; jä'ä ko mijts wa'ats mTios'aty. Tun yë mëyajtën, mëtoowkës yë n'aaw n'ayuk ets yajnitsokës.

Salmos 74:10

Mijts Dios, ¿Jëna'a jëtää ëëts yë nmëtsip ka'ap xy'ëkyajjoot'anpëjknëtëty? ¿Jëna'a jëtää ka'ap ëxëëk m'ëk tijënëty?

Salmos 74:22

Pëtë'ëk mijts, Dios, näkyukajpxët. Ja'amyäts ko yë ja'ayëty mëti'ipë winma'anytyukëtyën ka'ap pyo'kxtë ets wiinkjaty mtijyë.

Salmos 79:12

Mijts Wintsën, wëxtujk ok näjyëtu'un ëxëëk xytyunëty yë nmëjëën nmëtëjkëtyës ko mëj të myajjoot'anpëkyë;

Isaías 37:4

Jääpëk jeexyë yë mWintsën të tmëtoy wi'ix të y'ënä'änyën tääpë Asiria ja'ay mëti'ipë tsiptuunpëtëjk nyiwintsën'ajtypyën, ma ëxëëkjaty të tnikäjpxyën yë Dios juukpyë ets tëytyunëty ijxtëm pyaat'atyën, yë'ë Wintsën, Dios mëti'ipë mTios'ajtypyën tëë tmëtoy wi'ix të nyikäjpxyën. Paaty tyam yajnax wäänë ayuk ma Wintsënën ets tputëkëty mëti'ipë juuky jaakwë'ëmtëpën.

1 Pedro 3:12

Jä'ä ko yë Wintsën yë'ë kyëwent'ajtyp mëti'ipë oy juuky'ajtëpën ets y'amëtoow'ijtyp ko nyu'kxta'aktë; e yë ëxëëk ja'ay ëxëëk t'ixy.