Isaías 36:18 - Biblia Dc en Mixe de Quetzaltepec

¹⁸ Pën Ezequías mnëmaayëtëp ko yë Wintsën yë'ë myajtso'okanëtëp, këtii xymyëpëktëty. Nitu'uk yë tios të tkayajtso'oky yë naax kajpn mëti'ipë yë'ë y'ëwtajtëpën maajaty yë Asiria ja'ay mëët të tsyiptuntën.

Biblia Mixe de Quetzaltepec

¹⁸ Pën Ezequías mnëmaayëtëp ko yë Wintsën yë'ë myajtso'okanëtëp, këtii xymyëpëktëty. Nitu'uk yë tios të tkayajtso'oky yë naax kajpn mëti'ipë yë'ë y'ëwtajtëpën maajaty yë Asiria ja'ay mëët të tsyiptuntën.

Isaías 36:18 ပူးပေါင်းရင်းမြစ်များ

Isaías 36:15

Pën Ezequías jëtu'un m'ënë'ëmxëtë ets yi'iyë tu'uk Wintsën xytyuk'ijxpätëty ets pën mnëmaayëtëp: Yë Wintsën yë'ë xyajtso'oka'anëm yë'ë ka'ap nijëna'a t'ëwa'atsëty ets Asiria ja'ayëty o'ktëy tuntëty ya'atë naax kajpn,

Daniel 3:15

¿Wi'i m'ëwtatantëp ets mwinkoxtänëjantëp yë awinax mëti'ipës të ni'ënä'ämën ets kyojëtyë ko ënety ja xuxpë wojpë tyëkëtë xuxpë? Jä'ä ko pën miitsëty ka'ap xy'ëwtatë ya'atë awinax, jap ënät jëëntooytyaknjoty myaj'ajëpipëtëty mëti'ipë jap tyam aanpëjkpën; e ko ënät jap myajpëjkta'aktëty ¿pën tios ënät mnäyajtso'okëtëp?

Isaías 37:10

Yë Dios, mëti'ipë mtuk'ijxpejtypyën, jëtu'un m'ënë'ëmxëty ko Jerusalén kajpn ka'ap wi'ix ntuna'anyës. Këtii mnätyukwin'ëënëtëty.

Isaías 36:10

Ets näjyëtu'un, ¿jä'ä mmay mtajyën ko ka'apës yë Wintsën xypyutëkë etsës yë mnaax mkajpn nyajkutëkoyëtyë? ¿Yë Wintsënës të xykyexy etsës ya'atë naax kajpn nyajkutëkoyëty.

Isaías 36:7

Pën mijts xynyëmääpyës: Ëëtsëty yë'ëjës yë Wintsën ntuk'ijxpäjtëp, mëti'ipës nTios'ajtëpën. ¿Këtii yë Ezequías ojts tjijtë'kta'ay ja Wintsën ja tsyajptëjk ets ja wintsë'këntyakn ets t'ënëmaay ja naax kajpn ko jämyë mëpaat yë Wintsën yaj'ëwtaty ma ja wintsë'këntyaknën jam Jerusalén?

Salmos 12:4

mëti'ipë maaytyëp tajtëpën: Yi'iyë ko wiin aaw yajmëëtëty, yë'ë yajtukmëtakp, yë yä'än yë'ë kuwaanp. ¿Pën xy'ëk'ënä'ämëp?

Isaías 36:17

Ok nëjkx myajnëjkxëtë ma tu'uk ja kajpnën jëtu'unpë kyëxë'ëkyën tä mkajpnëtyën, ma y'ity wyintëyën yë tsajpmok ets tsatym. Jotkujk yë mtsajpkääky xyajkojtëty ets mkaytyëty m'uuktëty.

Isaías 37:4

Jääpëk jeexyë yë mWintsën të tmëtoy wi'ix të y'ënä'änyën tääpë Asiria ja'ay mëti'ipë tsiptuunpëtëjk nyiwintsën'ajtypyën, ma ëxëëkjaty të tnikäjpxyën yë Dios juukpyë ets tëytyunëty ijxtëm pyaat'atyën, yë'ë Wintsën, Dios mëti'ipë mTios'ajtypyën tëë tmëtoy wi'ix të nyikäjpxyën. Paaty tyam yajnax wäänë ayuk ma Wintsënën ets tputëkëty mëti'ipë juuky jaakwë'ëmtëpën.

Isaías 37:11

Mijts wa'ats xynyijawë wi'ix yë Asiria ja'ayëty të tuntën ja naax kajpn mëti'ipëjaty të tnitëkëtën. ¿Ets ënät mijts mtsokpëtyë?

Isaías 10:7

E yë Asiria yajkutujkpë ka'ap jëtu'un myäy tyäjy ets ka'ap jyëtu'unëty tuknipëjktaakë. Yë'ë jä'ä myäy tyäjy ko tyimyajkutëkooyäämpy ja naax kajpn.

Isaías 10:11

Jëtu'un ijxtëm ojts ëxëëk ntunyës ja Samaria kajpn jëtu'unës ntuna'any ja Jerusalén kajpn, mëët kanaak ja y'awinax mëti'ipë y'ëwtajtëpën.

Ezequiel 31:5

Jä'ä ko kom yë nëë tmëëtëty, paaty nëkooyë këjxm ya'knë këtiinëm jyëtu'unëty yë myëku'uktëjk mëti'ipë jam yukjotm; yë xye'enty këjääpaat të yoonë ets të yoonwä'kxy jëkämpaat.