Isaías 36:16 - Biblia Dc en Mixe de Quetzaltepec

¹⁶ këtii xymyëpëktëty. Yë yajkutujkpë, Asiria ja'ay, jëtu'un m'ënë'ëmxëtë ets mëët ja tsip xykyajpx'oyëtëty ets tu'k'utëyë je'eyë mtimnyäkyë'ëyakëtëty, jëtu'unts xyjyë'kxtëty xypyëktëty ja mkë'ëmtsatym mëti'ipë të xynyiyu'ujëtën ets ja xe'enky tsya'am xyjyë'kxtëty mëti'ipë mkamjotm myaj'itëpën ets akujk jotkujk xy'uuktëty xypyëktëty ja nëë mëti'ipë të xynyipotsëtën.

Biblia Mixe de Quetzaltepec

¹⁶ këtii xymyëpëktëty. Yë yajkutujkpë, Asiria ja'ay, jëtu'un m'ënë'ëmxëtë ets mëët ja tsip xykyajpx'oyëtëty ets tu'k'utëyë je'eyë mtimnyäkyë'ëyakëtëty, jëtu'unts xyjyë'kxtëty xypyëktëty ja mkë'ëmtsatym mëti'ipë të xynyiyu'ujëtën ets ja xe'enky tsya'am xyjyë'kxtëty mëti'ipë mkamjotm myaj'itëpën ets akujk jotkujk xy'uuktëty xypyëktëty ja nëë mëti'ipë të xynyipotsëtën.

Isaías 36:16 ပူးပေါင်းရင်းမြစ်များ

Génesis 32:20

Ënëëmëtë näjyëtu'un: yë Jacob tää näjyëtu'un myiny ix'ok. Jëtu'un ënety ja Jacob myäy tyäjy: Wä'än jëtu'un yë tsyip y'äkë nyanaxëty yë n'ajtyës Esaú, oknëmës kë'ëm ntim'ixëty wä'änxyëp jëtu'un'äämpy xynya'ëxaj xynyakupëkëtyës.

Génesis 33:11

Mëyajtënës mpëjktsoopy ets ya'atë xy'ëxajëty mëti'ipë yam ntuknimiimpyën, mëti'ipë yam namo'ojäämpyën. Ëjts tëëjës yë Dios xypyutëk xypyupety, tëës xyajjotkujktä'äky ets nitiijës tyam xykyatëkoy'ajtxë. Yë Jacob ni'ikyë tjanty'ënëmaay'ëti'itsy ja y'äjty Esaú, koonëm tukkupëjky ja mëti'ipë nyamo'ojäämpyën.

2 Samuel 8:6

Ojts yë David jam tyajwë'ëmy yë tsyiptuunpëtëjk ma ja Damaskë ja y'itjotmën, jëtu'un'äämpy ja sirië ja'ayëty ojts ja David tmëmëtowtë ets ojts yajtuknipëktë nyäkyuyakëtëty. Tä yaj'ixy ko ja Wintsën pyutëjkëp ja David oy maa tyimnëjkxy.

1 Reyes 4:20

Judá ets Israel, aak mëj aak këjääjëty ënety tmëët'atë ja nyaax kyajpnëty, ka'ap tjëkyepy nmëtsyo'owmëty; jëtu'un ja jyä'äyëty nyimay'ajtë tä nëë ajinën. Ma tääpë kajpnëtyën jë'kxy pëky ka'ap ënety y'ëmaaytyä'äky, aak akujk jotkujk ja ja'ay yajpaatë.

1 Reyes 4:25

Mapaat ja Salomón jyuuky'äjtyën, yë Israel ja'ayëty ets Judá ja'ayëty jampë Dan yajpaatën ets tyimja'ty jam Beerseba aak jotkujk y'ijtë; nitu'ukjaty aak kyë'ëmtuunk tyuunk'ajtëp; nyiyu'ujëtëp ja higo kepy ets ja parrë.

2 Reyes 18:31

këtii xymyëpëktëty. Yë Asiria yajkutujkpë paatyës të xykyexy ets miits n'ënëëmëtëty ets xytyuntëty tu'uk yë näykyajpx'oyë mëët yë'ë ets m'ëna'antëty ko ka'ap ntsiptuna'antë ets tu'k'ëtëyë je'eyë jam mtimnyäykyuwanëtëty ma Asiria ja'ayëtyën; jëtu'un ja mkam mtu'ujëty je'eyëm xymyëët'atëty ets xyjyë'kxtëty xypyëktëty ja mëti'ipë të xypyän të xykyojtën.

2 Reyes 5:15

Ënet ja Naamán ets ja jyä'äy ojts ninëjkxtë ja Elisejë. Ko jam jyä'äjty ma ja Elisejë yajpaatyën, ënät ja Naamán t'ënëmaay: Ëjts tëëjës ënät yajxon nijawë ko ka'ap maa wiinkpë Wintsën jaakmëjpë jëtu'unpë tä mëti'ipë yajpatpën ma Israel nyaax kyajpnën. E tyam mijts npëjktsoy ets xytyunëty yë mëyajtën xykyupëkëty ya'atë näynyamo'ojë mëti'ipë të ntukniminyën.

Proverbios 27:18

Mëti'ipë kyëwent'ajtypyën, yë y'ääytyëëm y'ujtstëëm kë'ëm tjë'kxy tpëky; pën kyëwent'ajtyp yë wyintsën, kumay nyäxy.

Proverbios 5:15

Yajmon yë mtëëtsë mëët yë nëë mëti'ipë pëtsëëmpën ma mkë'ëm nëëjutën.

Isaías 36:17

Ok nëjkx myajnëjkxëtë ma tu'uk ja kajpnën jëtu'unpë kyëxë'ëkyën tä mkajpnëtyën, ma y'ity wyintëyën yë tsajpmok ets tsatym. Jotkujk yë mtsajpkääky xyajkojtëty ets mkaytyëty m'uuktëty.

Miqueas 4:4

Oy nëjkx jyuuky'atë yë ja'ayëty ets ka'ap nëjkx tsyë'ëkëtë jyawëtë; nëjkxëp yë ja'ayëty pyo'kxtë pyëktë kepypya'tkë'ëy ma higos pa'tkën ëkë ma tsatym kyepy nyinikën. Yë Wintsën, yë'ë kë'ëm të y'ënä'äny, mëti'ipë maaytyääyëpën winë.

Zacarías 3:10

Ko ënety jëtu'un ja xëëw po'o tukja'ty, jotkujk nëjkx mjuuky'atë nixim niyam, ka'ap tiitsip y'ita'any ets nëjkx xytyukxoonta'aktë ja mtsatymkyamëty ets m'higuerë kamëty. Ëjts Wintsën, mëti'ipë maaytyääyëpën winë, ëjts ënaanp.

2 Corintios 9:5

Paatykyëjxmës të n'amëtoy yë mëyajtën yë nmëku'uk'ajtëmë ets nëjkx jëwyiin mni''ixëtë ets mputëkëtëty xyajka'pxtëty ja putëjkën mëti'ipë të xywyaanta'aktën. Jëtu'unts yajnijawëty ko miits xyaktë ja putëjkën tsojkënkyëjxm ko ka'ap pën m'akwanë'atëtë.

1 Samuel 11:3

Tä ja mëjja'aytyëjk y'ëtsoowtë jampë tsyëënëtën Jabés: Mooytyëk ëëts wëxtujk xëëw ets ntuk'ëwaanëtëtyës yë Israel ja'ayëty, e pën kajts pën myiny mëti'ipës mëpaat xypyutëkën, ënät ëëtsëty näkyë'ëyakëtëty ma miitsëtyën.

1 Samuel 25:27

E tyamtsës n'amëtoy npëjktsoy ma mijtsën ets wya'kxëty ma mtuunpëtëjkën mëti'ipë mjämyëët'ajtëpën, ya'atë näynyamo'ojë mëti'ipë ya ntuknimiimpyën,