Isaías 36:13 - Biblia Dc en Mixe de Quetzaltepec

¹³ Ënet ja Asiria ja'ay mëti'ipë ja tsiptuunpëtëjk nyiwintsën'ajtypyën, mëk jyänty yujk'ënany, hebreo kyäjpxyp: Mëtowtë yajxon wi'ix m'ënë'ëmxëtën ja yajkutujkpë jampë y'ëne'emyën Asiria:

Biblia Mixe de Quetzaltepec

¹³ Ënät ja Asiria ja'ay mëti'ipë ja tsiptuunpëtëjk nyiwintsën'ajtypyën, mëk jyänty yujk'ënany, hebreo kyäjpxyp: Mëtowtë yajxon wi'ix m'ënë'ëmxëtën ja yajkutujkpë jampë y'ëne'emyën Asiria:

Isaías 36:13 ပူးပေါင်းရင်းမြစ်များ

2 Crónicas 32:18

Ja Senaquerib ja jyä'äyëty nëkooyë janty mëk y'ënaankëtaktë ets nyätyijyë ja ja'ay t'ëtsë'ëkëja'antë mëti'ipë jam këwent'ajtëpën potsykyëpajkm, hebreo ayuk ojts tukmëkajpxtë ets jeexyë ja ja'ay tsyë'ëkëtë.

Daniel 4:37

E tyamts ënät, ëjts Nabucodonosor, nmëjja'aw njaantyjya'apës ets ntukxoontäkpyës yë yajkutujkpë tsajpjotmëpë, jä'ä ko tëkokyë mëti'ipë tyuunpyën aak mëtëy yë'ë ets wa'ats ets yë'ë yajnaaxkëtäkpy yë ja'ay mëti'ipë mëj këjxm näyajnaxanëpën.

Isaías 36:4

Ënet ja Asiria ja'ay mëti'ipë ja tsiptuunpë ja'ayëty nyiwintsën'ajtypyën, y'ënëmaayëtë: Mijts, ¿wi'ixën ko ka'ap mony mtuky, tiitën ko janty jotkujk mtimyaj'ijtëp?

Isaías 8:7

Yajnikoompätäämpy yë Wintsën tääpë kajpn mëët yë komnëë mëti'ipë jam tso'onpën Éufrates. Yë'ë y'antijpy yë Asiria yajkutujkpë mëët tu'kë'ëyë myëk'ajtën. Nyijä'tstëkoyäämpy ja nëëtu'u ets jëtu'unyë ja nëë ye'eywya'kxa'any.

Isaías 36:11

Ënet ja Eliaquim, Sebná ets Joah t'ëtsoowtë ja Asiria ja'ay mëti'ipë tsiptuunpë nyiwintsën'ajtypyën: Tun mëyajtën, arameë ayukës tukmëkajpxtëk ka'apës nwinjawëtë hebreo ayuk, jä'ä ko tam ja'ay potsykyëjxm jyatëtë wa'ats jam tmëtowtë.

Isaías 36:12

E ja Asiria ja'ay, ja tsyiptuunpë wintsën, tyaa y'ëtsooy: Ëjts ka'apës myiitsëty të nnimintë ets ka'apës yë'ëjëty të nniminy yë mwintsënëty ets ya'atë ayuk ntukmëtowëtyës mëti'ipës yë yajkutujkpë të xytyukmëkäxënës. Ëjts yë'ëjës të nyajtuknikexy yë tampë ja'ayëty potsykyëjxmëpë kyu'ijxnaxtën ets nijawëtëty ko kyë'ëmtë'ëny jyë'kxantëp ets kyë'ëmta'aty y'uukantëp.

Isaías 37:4

Jääpëk jeexyë yë mWintsën të tmëtoy wi'ix të y'ënä'änyën tääpë Asiria ja'ay mëti'ipë tsiptuunpëtëjk nyiwintsën'ajtypyën, ma ëxëëkjaty të tnikäjpxyën yë Dios juukpyë ets tëytyunëty ijxtëm pyaat'atyën, yë'ë Wintsën, Dios mëti'ipë mTios'ajtypyën tëë tmëtoy wi'ix të nyikäjpxyën. Paaty tyam yajnax wäänë ayuk ma Wintsënën ets tputëkëty mëti'ipë juuky jaakwë'ëmtëpën.