Isaías 36:1 - Biblia Dc en Mixe de Quetzaltepec

¹ Majkmajkts jëmëjt ënety y'apety ma ja Ezequías tyëjkëyën yajkutujkpë, jää jëmëjt ojts yë Senaquerib, mëti'ipë jam Sirië yajkutujkpën tnitëkë tëkokyë ja naax kajpn mëti'ipëjaty ja Judá nyitënääpyën ets jä'ä tkajpnniwaantaay.

Biblia Mixe de Quetzaltepec

¹ Majkmajkts jëmëjt ënäty y'apety ma ja Ezequías tyëjkëyën yajkutujkpë, jää jëmëjt ojts yë Senaquerib, mëti'ipë jam Sirië yajkutujkpën tnitëkë tëkokyë ja naax kajpn mëti'ipëjaty ja Judá nyitënääpyën ets jä'ä tkajpnniwaantaay.

Isaías 36:1 ပူးပေါင်းရင်းမြစ်များ

2 Crónicas 32:1

Ko jëtu'un nyäjxy ma ja Ezequías tyajnikëxë'kyën wi'ix ja Wintsën oy tmëmëtoyën ets wi'ix tmëjpëjktä'äkyën, ënät ja Senaquerib, Asiria ja'ay yajnatujkë ets tyajnatujktaay ja naax kajpn mëti'ipë nyiwa'anäämpyën.

2 Reyes 18:13

Ma ënety majkmajkts jëmëjt yajkutukyën yë Ezequías, jää ojts yë Senaquerib, Asiria yajkutujkpë, tukja'ty yë Judá nyaax kyajpn mëti'ipë yaj'ijtëpën ta'tspëky ets këwent'aty ets tjä'äpëjktaay.

2 Reyes 18:17

Ok ojts yë Asiria yajkutujkpë tkexy yë tsyiptuunpë wintsën mëj'äämpyë ets myëkutuunk ets tu'uk mëj wintsën jam ma ja Ezequías yajpaatyën ets jam tsyo'ontë Laquis jyajtë Jerusalén ets tnitëkëja'antë. Ko tmëwinkoontë ja Jerusalén kajpn, jam jyajtaktë ma ja nëë nyipetyën kajpnëkëjxm, ma ja tu'ujën mëti'ipë nëjkxpën ma witpujtaknën.

Isaías 7:17

Yë Wintsën yajminäämpy ja xëëw jëmëjt mëti'ipë ka'ap nijëna'a yaj'ixynyëmën maju'unëm yë Efraín nyäpyuwa'ktu'utyën mëët yë Judá.

2 Crónicas 12:4

Ojts tnitsiptuny ja ta'tspëkyëtypë ja kajpn mëti'ipë ënety jam yajpatëpën ma Judá y'itjotmën ets jëtu'un tyimja'ajty jam Jerusalén, aak jyä'äniwaantaay ja naax kajpn mëti'ipë ënety të tmëmëtä'äkyën.

Isaías 7:20

Nëjkxëp ja Wintsën tyajtuunkpaaty ja Sirië yajkutujkpë, jëtu'un tyajtuna'any tä tu'uk yë tsujknën mëti'ipë jëkäm tso'onpën, jamtsow y'ëwtita'any Éufrates ets yajnijäpa'antë yë Israel ja'ayëty, yajjäjpta'ajaanp yë kyëpajkëty, y'awaayëty ets o'ktëy yajpëjkta'aka'antë.

Miqueas 1:9

Jä'ä ko yë Samaria tsyëtyut ka'ap tsyo'oka'any: Jampaat të jyä'ty Judá ets Samaria, ma yajpaatyën yë nkajpnës.