Isaías 34:6 - Biblia Dc en Mixe de Quetzaltepec

⁶ Nëjkxëp ja Wintsën ja tyiypyujxn nye'pynyëtyä'äy ets y'onku'tsta'ay jëtu'un ijxtëm ko ja'ay tyaj'ookyën yë kupixyny ayääkë ets tsajppax ayääkë ma y'o'ktaknën. Mëj këjää ja Wintsën ja o'kën tëko'oyën tyaj'ita'any jam Bosrá ets jam Edom.

Biblia Mixe de Quetzaltepec

⁶ Nëjkxëp ja Wintsën ja tyiypyujxn nye'pynyëtyä'äy ets y'onku'tsta'ay jëtu'un ijxtëm ko ja'ay tyaj'ookyën yë kupixyny ayääkë ets tsajppax ayääkë ma y'o'ktaknën. Mëj këjää ja Wintsën ja o'kën tëko'oyën tyaj'ita'any jam Bosrá ets jam Edom.

Isaías 34:6 ပူးပေါင်းရင်းမြစ်များ

2 Samuel 1:22

Yë Saúl ets Jonatán ko ijty tsyoontë, ets nyëjkxtë muum tsiptuunpë, nijëna'a yë kyu'umën jëtu'unyë tkamëwinpitë, koonëm ijty ja myëtsip tyaj'ooktë mëti'ipë ja näjya'awëtëpën jotmëkëty.

1 Crónicas 1:44

Ko yë Belá ojts y'o'knë, yë'ë kutëjkëyë Jobab ets yë'ë yajkutukëty, ja myaank ja Zérah, jam kyukajpnëty Posrá.

Salmos 137:7

Wintsën, ja'amyäts wi'ix ojts tëkok yë Edom ja'ay y'ëtë'ëtstën, ko yë Jerusalén kajpn ojts ëxëëk jyäty kyëpety, ënät y'ënantë: Yajkutëkooytya'atë tu'kë'ëyë, jijtë'ktaayëtë yë pyotsyëty.

Isaías 29:2

jä'ä ko ntukpaatäämpyës yë amay jotmay yë Ariel kajpn, itaanp jam ja jë'ëyën yaxën. Ënätnëm nëjkx n'ixyës pën xyëëwajtypyën Ariel.

Isaías 34:5

Jëtu'un jam tsyoona'any ja amay jotmay tsajpkëjxm tä ja'ay tëypyujxn tjëpijpminy tjëpijxëpyën, jam kyëta'aka'any Edom, mëti'ipë tëë yajtuknipëjktaakën ets kyutëkoyëty.

Isaías 63:1

¿Pën ja'ay yë'ë, tampë myinyën Posrá, mëti'ipë Edom myëjkajpn'ajtypyën, tsapts yë wyit, jëtu'un yaj'ixy ne'pnymyëëtën yowë? ¿Pën yë tääpë oypyë të nyäxyoxyën ets amëjaaw myiny?

Isaías 63:3

Jëtu'un, nätyu'ukës të nwinteeny yë tsatsymtsya'am, ni pën të xykyaputëkës; ëts yë nmëtsip të n'ateeny të ntukteenyës; tääts yë nye'pyny të xynyipijkëtyä'äyës ets të y'ëxë'këtyä'äy yë nwitës.

Isaías 65:12

Miitsëty tëkatsy mkumeeny'ata'antë: Kupuxy nyaj'ooka'antë. Jä'ä ko tëë njamëkajpxtë ets ka'ap të m'ëtsowtë; ojts njamëëtmëtya'aktë e miitsëty ka'ap të mja'akyukëtë; jä'ä të xytyuntë mëti'ipës ka'ap nkumayën ets mëti'ipës n'ëxëëk'ijxypyën.

Jeremias 12:12

Ma ja tun kopkën mëti'ipë yajpatëpën jam të'ëts'itjotmën tëë jam myintë ja ja'ayëty mëti'ipë ëxëëk të y'ëtë'ëtstë y'ëna'antën, jä'ä ko ëjts Wintsën, nmëëtës yë ntëypyujxn mëti'ipë yë naax kajpn yajkutëkoyäämpyën wä'än timmyaajëty ets ka'ap ja jotkujk'ajtën y'ita'any.

Jeremias 25:34

Ya'axtë kupixyny këwent'ajtpë, ya'axtë joktë mëët ja pëjkën ijxën. Jä'ä ko tëë tpaaty ja nyixëëw ma ja o'kën tëko'oyën y'ita'anyën ets miitsëty jëtu'un mmëtsip myaj'ooka'anëtë tä ja'ay tyaj'ookyën yë kupixyny.

Jeremias 46:10

Ya'atë xëëw jëtu'un xyëëwajtyp, Wintsën mëti'ipë maaytyääyëpën winë, ya'atë xëëw tuunwinpita'any ijxtëm yë myëtsip të tyunyën. May yë ja'ay kupuxy y'ooka'any koonëm kyu'uxëtëty, koonëm myu'ukëtëty. Yë Wintsën mëti'ipë maaytyääyëpën winë, yaj'ookäämpy yë ja'ay.

Jeremias 49:13

Ëjts, mëti'ipë Wintsën'ajtpën, nxëëwës ntukajpxpejtyp: Yë Bosrá kajpn aanë'ëk tëëtsë'ëk ets xit ko'ow wyë'ëma'any, yë'ë nëjkx y'ijxpäjtën'aty ko ënety o'ktëy jyäty kyëpety ets ko ënety të yajpoky, e ja wiinkëtypë ja naax kajpn xit ko'ow nëjkx jyajta'atë.

Jeremias 49:7

Ma ja Wintsën tnikäjpxyën wi'ix ja Edom jyata'anyën: ¿Tii këtii jam Temán pën kyuwijyëtyë? ¿Ti këtii tnijawëtë yë ijxpëkyjyä'äytyëjkëty tii tyuntëpënë? ¿Tëë tyëkooytyä'äy mëti'ipë jyajtëp nyija'awëtyëpënë?

Jeremias 50:27

Yaj'o'ktaayëtë yë tsyiptuunpëtëjkëty, jam käjxta'atë ma o'ktaknën. Janty mon janty tuk yë'ëjëty yajpaatë, tëë nyija'tëtë ja xëëw po'o ma yajtëytyuntëtyën.

Jeremias 51:40

Etsës ok nmënëkxa'any ma o'ktaknën, ijxtëm yë kupixyny ayääkë ets tsajppax ayääkë yajmënëjkxtën ma y'o'ktaknën.

Ezequiel 21:10

Tëë yajjëjpme'ey ets yaja'ay y'ooka'any, tëë yajëjpwitsy ets y'atë'kxëty ko ënety yaj'ajëpipy;

Ezequiel 35:15

Mijts ojts mxoontä'äky ko kyutëkooy ja it naaxwiinyëtë mëti'ipë yë Israel ja'ayëty yajmooytyën ets tjä'ä'atëty, je'eyëp ko mijts nän timjëtu'un mjata'any: Mijts Seir kopk aanë'ëk tëëtsë'ëk mkawinpita'any, mëti'ipë Edom jyä'ä'ajtypyën. Ënätnëm xynyijawëtëty ko ëjts Wintsën.

Ezequiel 35:8

Ëjts nyajkutukäämpy ets y'ujtsta'ajëty yë mtun mkopk, yë mjoyjyot ets mnëëjot mëët yë o'kpëty mëti'ipë tsipjoty o'ktëpën.

Amós 1:11

Jëtu'un yë Wintsën y'ënä'äny: Yë Edom ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty mëët yë tëypyujxn tpajëtijtë yë jyiiky myëku'ukëty, yë Israel ja'ayëty ets ninu'un tkapa'ëyoowtë. Ka'ap ojts kyu'uxëtë mëët ja jyoot'an, ka'ap kyijxy ja tsyip y'äkëty.

Sofonías 1:7

Amonyë m'itëty Wintsën wyintum, jä'ä ko tää ja Wintsën ja xyëëw wyinkony. Yë Wintsën tëë tuknipëjktaakë tu'uk yë wintsë'kën ets tëë tkënu'kxta'ay mëti'ipë të twoy të twitsyën.

Deuteronomio 32:14

Ma tsyajpkaato'oxyëtyën jam ja y'on tpatë ets quesë; ojts tsu'utstë yë tsajppax ets kupixyny oyëtypë ni'kxëtypë aakyë'ë jëtu'unpë tä mëti'ipë jamën Basán; aakyë'ë kyääytyë y'uktë oyëtypë tsajpmok ets yë'ë tyukpa'uktëp tsatym nyëë, jëtu'unpë ja nyëë y'akëxë'ëkën tä ne'pynyën.

Deuteronomio 32:41

Koos ënety tëë ntuknipëjktaakë, etsës ja ëyo'on nyaj'ita'any, ets jëtu'un ja nëë poky nipaye'eyëtyës, ëxëëkës nëjkx ntuny ja nmëtsiptëjkës, ets ntukumëtowa'antës, mëët wi'ixës të xytyimtuntën. Ja mëti'ipës ënety xy'ëxëëk'ijxypyën, ëxëëkës nëjkx nyajjaty nyajkëpety.