Isaías 34:3 - Biblia Dc en Mixe de Quetzaltepec

³ Xii yaa muum ja o'kpë jyëpijpnëja'any, aakyë'ë xyuuka'any jyoka'any oymyaajëty, aak ne'pny muum yaj'ixaanp nëë wok käätswok, tunjot kopkjot.

Biblia Mixe de Quetzaltepec

³ Xii yaa muum ja o'kpë jyëpijpnëja'any, aakyë'ë xyuuka'any jyoka'any oymyaajëty, aak ne'pny muum yaj'ixaanp nëë wok käätswok, tunjot kopkjot.

Isaías 34:3 ပူးပေါင်းရင်းမြစ်များ

Isaías 10:4

Oy ënety miitsëty ka'ap të mnëjkxtë tsumy matsy wiink naax wiink kajpn, jam nëjkx mkëxtë ma ja ja'ay y'ooktën. Ja Wintsën ka'ap ja jyoot'an xyääma'any, ni'ikyë ja ëyo'on jotmay tyajmina'any.

Isaías 34:7

Jëtu'un kyëtaawa'antë tä tsajpkaajën, tä tsajpkaa u'unkën ets tä tsajpkaa ayääkën; ne'pnyëtya'ajëjaanp ja nyaax kyam, ets nëjkxëp ja on jyiiywya'kxta'ay ma ja naaxwayën.

Isaías 66:24

Ko myintëty, tääts nëjkx t'ixtë wi'ix ja ja'ay y'ooktën mëti'ipës të xykyäjpxy kyumëtoownaxtën. Nëjkxëp t'ixtë wi'ix ja o'kpë tyënë'kën ets ko ja tënë'k ka'ap y'ooktë; näjyëtu'un ja jëën ma ënety nyitoytyën ja o'kpë, ka'ap nyäkpyi'itsa'any. Ëxëëk nëjkx yaj'ixy naaxwiinyëtë apëtsëmy.

Jeremias 22:19

Tä kruktsën nëjkx nyaaxtëkë, je'eyë nëjkx yajwinpajëtuty ets jam yajnajtsjëtutëty ma Jerusalén kyajpnpa'ajën.

Jeremias 25:33

Jëtu'unyë nëjkx nyaaxmë'o'këtya'atë ja ja'ayëty mëti'ipë ënety ja Wintsën yaj'o'kpyën jä'ä xëëw. Ni pën nëjkx kyaniya'axëtë ets ni pën nëjkx kya'ëna'any ets nyaaxtëkëtëty; jëtu'un tä të'ënyën, jëtu'un nëjkx nyaaxmëpuutsë.

Ezequiel 14:19

E pën nkejxypyës yë yuu pa'am ma tääpë kajpnën ets ntukjoot'anpëkëtyës, nyaj'itëtyës yë o'kën tëko'oyën, nyajkutukëtyës ets y'ooktëty yë ye'etyëjktëjk ets jëyujkëty.

Ezequiel 32:4

Jëtu'unyë nwinpajëtuta'any naaxkëjxy ets mwijts'awëty. Joon jëyujk mëti'ipë tsajpjotm kääkëtijtpën aakjam nëjkx kyëxkäkta'ay ma mijtsën, yë jëyujk je'eyë nëjkx jyotku'kxënë ko ënety mtsu'utyë.

Ezequiel 35:6

E ëjts Wintsën, njuukyajtënës yam ntukajpxpejtyp ko mijts nkë'ëyaka'any jap o'këntujp ets o'kën yë'ë m'ixjëtitan mpajëtitanëp. Mijts mëët yë poky ko të myajja'ay ooky, ja o'kën yë'ë mpajëtitanëp.

Ezequiel 39:11

Ntuknikääkëjäämpyës yë Gog tu'uk yë itjot jam Israel, ma yajtijyën Jëtijtpë ja'ay ja Jyoy jot, mejywyintuuypyë yajpaatyën ets jam nyaaxtëkëty. Ma tääpë itjotmën ka'ap nëjkx jam pën nyäxy, jamts yë Gog nyaaxtëkëty mëët tu'kë'ëyë tsyiptuunpëtëjk ets nëjkx txëëwmo'otë, Gog ets Tsyiptuunpëtëjk Joy jot.

Ezequiel 39:4

E mijts, mëët yë mtsiptuunpëtëjk ets ja naax kajpn mëti'ipë mjämyëët'ajtëpën, ooky nëjkx kya'ata'atë ma Israel kopkën. Jam nkë'ëyaka'antë ets nëjkx mtsu'utsëtë lut majkwejkxy, kaa ets tsa'any.

Joel 2:20

Tyam njëpëka'anyës ma miitsëtyën yë mu'u mëti'ipë tso'ontëpën anëkëxmtsow ets jam të'ëts'itjotm najtskäjxëja'anyës. Jam Ooky Nyëëjotm nyajkiinta'aja'antës mëti'ipë winye'eyëtëpën, mëti'ipë paye'eyëtëpën jam nyajkiinta'aja'anyës ma Mejyën Naax'akujkpyë, jëtu'unyë nëjkx yë jyot nyini'kxëty wyimputskëta'aktë ets xyuuktëty jyoktëty. Mëj këjääjës winë ntuna'any nkajpxa'any.

Amós 4:10

Ojts ntuknikäxtë këtye'epyë jëtu'unpë tä ojts jap Egiptë nkexyënës; ëjts ojts nyajkutukyës ets pi'k ëna'ktëjk jam tsipjotm y'ooktëty ets ojts n'ëwa'atsyës ets mëtsip tjä'ä'ajta'atëty yë kwaay; ojts ntukxuuk'atë yë o'kpë jam ma ënety mtsiptuntën, e miitsëty kä'äpyëm ojts xynyiwinpitës. Jëtu'un yë Wintsën y'ënä'äny.

Nahúm 3:3

Nëkooyë myiinëtë këwaaytyuk'ënyääpyë. Je'eyë y'atë'kx y'ajajnë tyiypyujxnëty ets kyu'umënëty. Yajxon ja'ay may tsyëtyujnëtë ets may y'o'knëtë. Xii yaa aak o'kpë yaj'ijxnëp. Aakyë'ë ja'ay y'anäjpënëp o'kpë.

Apocalipsis 14:20

Jëtu'unts ja tsatsymtsya'am yajwinma'atsy kajpnpë'am ets kom pyëtsiimy ja ne'pyny. Jëtu'un jyä'äjty ja ne'pyny ma ja kwaay ja y'ajäänë'ëkën, jä'ä wyinjëkämëty majk xëëw ye'eyën.