Isaías 34:2 - Biblia Dc en Mixe de Quetzaltepec

² Jä'ä ko yë Wintsën tëë tukjoot'anpëjkta'ay ja naax kajpn ets tëkokyë ja ja'ay, jëtu'un të y'ënä'äny ko tyajkutëkootya'aja'any ets tyaj'o'kta'aja'any wä'än timpyënëty.

Biblia Mixe de Quetzaltepec

² Jä'ä ko yë Wintsën tëë tukjoot'anpëjkta'ay ja naax kajpn ets tëkokyë ja ja'ay, jëtu'un të y'ënä'äny ko tyajkutëkootya'aja'any ets tyaj'o'kta'aja'any wä'än timpyënëty.

Isaías 34:2 ပူးပေါင်းရင်းမြစ်များ

Sofonías 3:8

Paaty miitsëty ëwxitë, pyatyp ja xëëw maas nikajpxanën yë pyokyëty. Ëjts Wintsën, ëjts ënaanp: Tëës ntuknipëjktaakë koos nyajtu'ukmujkta'aja'any yë naax kajpn ets yajkutujkpëtëjk etsës nyajnaxa'any yë ntsip n'äkë ets njoot'anës. Tu'kë'ëyë yë naax kajpn kyutëkooytya'aja'any mëët yë ntsip n'äkës mëti'ipë jëënmëët minaanpën.

Zacarías 14:3

Ok yë Wintsën tsyiptuna'any mëët tääpë ja naax kajpnëty mëti'ipë ënety ëxëëk të y'ëtë'ëtstën, jëtu'un ijxtëm pën tsyiptunyën ko tsip y'ity.

Isaías 30:25

Ko ënety jyää'aty ja o'kën tëko'oyën ets kyutëkooytya'atë ja naax kajpn mëti'ipë mëkëtyën ets ta'tspëkyëtyën, Jää'ataanp ja nëë mëti'ipë nëjkx yaj'uukyën, jampaat tunkëjxm kopkëjxm ka'ap ja nëë y'ëmaaytya'aka'any.

Isaías 13:5

Jëkäm tsyoontë, nëë awinaxy. Yë'ë Wintsën mëët yë tyuunpäjn, mëti'ipë yajkutëkooyäämpyën tëkokyë ja naaxwiinyëtë.

Apocalipsis 20:15

Jap yajkujëpijpëtyääytyë mëti'ipë ja xyëëw ka'ap y'akëxë'ëkën nokyjoty mëti'ipë juukyajtënmëëtën.

Apocalipsis 20:9

Ënet t'aye'eytyääytyë mapaat ja naaxwiinyëtë y'ëwëtityën ets tyajnatujktaaytyë maajaty yajpaatën mëti'ipë ja Dios kajpn'ajtëtëpën, ja kajpn mëti'ipë Dios tsyojkpyën. E Dios yajkëtak ja jëën tsajpjotmëpë mëti'ipë yaj'o'ktaayëtën.

Romanos 1:18

Dios yajnikëxë'kpy ja tsyip y'äkë ko tyajtsoony jam tsajpjotm ja ëyo'on ets tëytyuny ja ëxëëkja'aytyëjk ko ka'ap oy tii tnipaye'eytyë, mëti'ipë tsumy matsy yaj'ijtëpën ja oyajtën ets ja tëyajtën ets këtiipë ja ja'ay tnijawëtëty.

Isaías 10:5

Yë Asiria kajpn yë'ëjës nyajtunäämpy tä jeexyë tu'uk kepy nkajpë'ëkyënës mëti'ipës ntukwopantëpën koos të xyajjoot'anpëktë.

Isaías 13:6

Jë'ëtë ya'axtë, jä'ä ko miimp wiinkoonp ja ëyo'on jotmay, jëtu'un myiny tä kyoxy tsyiikyën ja Wintsën mëti'ipë maaytyääyëpën winë.

Isaías 26:20

Paaty myaj'ënëëmëtë miitsëty naax kajpnëty, tëkëtë ma mjëën mtëjkëtyën ets ko ënety jap tëkoty myajpaatë tääts xyaj'ëtuktëty ja mtëjk. Jap wäänë mnäyu'utsëtëty koonëm ja Wintsën ja tsyip y'äkë nyaxëty.

Isaías 61:2

ets nikajpxa'any nimëtya'aka'anyës ja xëëw jëmëjt ma ja ja'ay jotkujk y'itëtyën, ja xëëw po'o ma ja nWintsën'ajtëm tyajkutëkoyä'änyën ja nmëtsip'ajtëmë mëti'ipë ëxëëk të xytyu'un të xy'ënëma'ayëmën. Të xykyexyës etsës nyajjotkujkëtya'aja'any tëkokyë ja'ayëty mëti'ipë moontëp tujktëpën.

Isaías 63:6

Ajoot'an ojts yë naax kajpn nyajkutëkooytyä'äyës, atsip a'äkë ojts njo'tsta'ayës, tëë ne'pny ntemy nje'etsyës naaxkëjxy.

Isaías 65:12

Miitsëty tëkatsy mkumeeny'ata'antë: Kupuxy nyaj'ooka'antë. Jä'ä ko tëë njamëkajpxtë ets ka'ap të m'ëtsowtë; ojts njamëëtmëtya'aktë e miitsëty ka'ap të mja'akyukëtë; jä'ä të xytyuntë mëti'ipës ka'ap nkumayën ets mëti'ipës n'ëxëëk'ijxypyën.

Isaías 66:14

Ko ënety jëtu'un xy'ixtë, oy nëjkx xyjyawëtë; jempyën nëjkx ja mni'kx mkopk xyjyawëtë. Yë Wintsën yë'ë nëjkx yë myëj'ajtën tyaj'ixyë ma tyuunpëtëjkën, ets tsyip y'äkë ma myëtsiptëjkën.

Jeremias 25:32

Yë Wintsën mëti'ipë maaytyääyëpën winë, jëtu'un y'ënä'äny: Yë ëyo'on jotmay mëti'ipë miimp këtakpën, jëjpkë'ëy tyu'utëkëja'any kajpn kajpn; jëtu'un tä tuupoj jam tsyoonyën ma naaxwiinyëtë jyëjpkëxyën.

Jeremias 25:33

Jëtu'unyë nëjkx nyaaxmë'o'këtya'atë ja ja'ayëty mëti'ipë ënety ja Wintsën yaj'o'kpyën jä'ä xëëw. Ni pën nëjkx kyaniya'axëtë ets ni pën nëjkx kya'ëna'any ets nyaaxtëkëtëty; jëtu'un tä të'ënyën, jëtu'un nëjkx nyaaxmëpuutsë.

Éxodo 8:14

Tä ojts ja ja'ayëty tyajmujkta'atë ja nooty'ooky ets tëkokyë tpätmujktaaytyë, oymyaajëty aakyë'ë ënety ja nooty ooky xu'knëp jojknëp.

Josue 11:20

Wintsën ojts kë'ëm tuknipëjktaakë ets tääpë ja'ayëty kujuun nyäpyëjkta'akëtëty ets tmëmayëtëty ja Israel kajpn, tääts yë'ë yajkutëkooyëtë ets yajkëjxtaayëtë. Nimaa ja pa'ëyo'owën tkamëët'ajtë mëët yë'ëjëty, jëtu'un tä ja Wintsën ënety të tuk'ëne'emyën ja Moisés.

Salmos 2:5

Ko jyoot'anpëky, nëkooyë jyänty tsyë'ëkëtë, ets ajoot'an y'ënë'ëmxëtë:

Isaías 66:16

Yë Wintsën, jëën yajtunäämpy ko ënety tuny ja nipaye'eyën ets tukwinmëtoowa'any ja naax kajpn ja nyëë pyoky, tëypyujxn nëjkx tyajtuny ets tkupujxa'any may ja ja'ay.

Jeremias 25:31

Koos nkajpxëty, jëtu'un yajmëtowa'any tä ënääwën mëti'ipë naaxwiinyëtë apëtsëmy yajmëtoopën, jä'ä ko yë Wintsën pyaye'eyäämpy ja nëë poky mëti'ipë të tuntën ja naax kajpn, wa'ats tmëkajpxta'aja'any ja naaxwiinyëtë ja'ay ets tyajkutuka'any wä'än t'o'kta'atë ja ëxëëkja'aytyëjk. Yë Wintsën jëtu'un ënaanp.

Ezequiel 36:5

Jëtu'un yë Wintsën y'ënä'äny: Yë n'aaw n'ayukës jëën mëëtpënës yam nkäjpxy mëët yë äkë ma ja wiinkpë ja naax kajpnën, ni'ik yë Edom kajpn, jä'ä ko yë'ëjëty mëët ja xoontakën ojts niwa'aktë ja nnaax nkajpnës ets mëët ja tsip äkë tyajpëtsëëmtaaytyë jap winë.