Isaías 34:11 - Biblia Dc en Mixe de Quetzaltepec

¹¹ Yë'ë jam ju'k ets wääk'oo tsënaaytyaknpëkaanp, yë wëëky ets lut jam näpyä'änanëtëp. Jä'ä yë Wintsën tyaj'awinpita'any tääpë naaxwiinyëtë anë'ëk tëëtsë'ëk ets ni pën nëjkx jam kyatsëënë.

Biblia Mixe de Quetzaltepec

¹¹ Yë'ë jam ju'k ets wääk'oo tsënaaytyaknpëkaanp, yë wëëky ets lut jam näpyä'änanëtëp. Jä'ä yë Wintsën tyaj'awinpita'any tääpë naaxwiinyëtë anë'ëk tëëtsë'ëk ets ni pën nëjkx jam kyatsëënë.

Isaías 34:11 ပူးပေါင်းရင်းမြစ်များ

Lamentaciones 2:8

Yë Wintsën të tuknipëjktaakë ets jyijta'ajëty yë Sión kajpn. Tëë tnimay tnitajë wi'ix tyajkutëkoyä'änyën ets ka'ap të tmëpo'kxy, koonëm të tuny ijxtëm ënety të tnimay të tnitajën. Tëë tjijta'ay mëti'ipë ja naax kajpn nyapots'ajtypyën ets ja ja'ayëty je'eyë tnimon tnutuktë jëtu'un tä jeexyë pën të y'ookyën, tu'kë'ëyë të nyaaxmëjijtëtyä'äy.

2 Reyes 21:13

Tin jëtu'unës ja Jerusalén kajpn ntuna'any o'ktëy tä ja Samaria kajpn të ntunyësën, maas të nyajkëjxta'ayën ja Ahab ja y'u'unk y'ëna'k ets ja jyä'äy; jëtu'unës nyajwë'ëma'any ja naax kajpn pe'ety jaaxy, tä ja'ay yë texy tukpo'otyën wa'ats ets tjupy.

Sofonías 2:14

Yë kyepytyëjkëty wa'ats nëjkx pyëtë'kta'ay ets nëjkx jam yaj'awopë yë kupixynyëty ets aayjëyujk ujtsjëyujk mëti'ipë ëwa'anëtyën. Ju'k ets wääk'oo nëjkx jam xenykyëjxm mya'atë, e yë jooky nëjkx jam y'iy ma tyëjk'aawën ets ma tëjkwiinën.

Apocalipsis 18:2

Mëk yyä'äxy jyoky: Tëë kyuka'anaxy, të kyuka'anaxy ja mëj Babilonyë kajpn. Tëë y'awinpity ku'oypyë tsënaaytyakn ets jëyujk tsënaaytyakn; ja jëyujk mëti'ipë ka'ap wya'atsëtyën, ja ëxëëkpë yaj'ixyën.

Isaías 14:23

Nëë mo'ontsjot nyaj'awinpita'anyës, ju'k, wääk'oo, nëjkx jam tsyëënëtë. Jëtu'unës nyajkutëkoyä'äny tä ja'ay pyätë'ëkyën. Yë Wintsën mëti'ipë maaytyääyëpën winë, yë'ë kë'ëm jëtu'un ënaanp.

2 Samuel 8:2

Ojts näjyëtu'un tyajkutëkoy ja Moab ja'ayëty: Ka'ap tyaj'oky ni'ëmukë, je'eyë ojts tkijpxy mëët tu'uk yë tejpxy; mëti'ipë wyinnajxypyën ja tejpxy jä'ä yaj'o'k e mëti'ipë naje'eyë patëpën ja tejpxy jä'ä juuky yajwë'ëm. Jëtu'un'äämpy ja Moab ja'ayëty ja David ka'ap yajmëta'akëtë ets ojts tyuk ënä'ämëtë nyäkyukëpätëtëty.

Isaías 24:10

Ja naax kajpn ma ijty ka'ap jyotkujk'atyën, axit ako'owë tyam yajpatnë, ka'ap ma ja tëjknë ma ja'ay tsyëënëtyën.

Salmos 102:6

Jëtu'unës ëjts tyamnë tä ju'kën të'ëts'itum, tä ju'kën muum tsaajoty ëkë ma muum xit ko'ow yajpaatyën.

Isaías 34:17

Nitu'ukjaty tëë tmooytyä'äy y'ijtakn ets tëë tukni''ijxëtyä'äy maajaty y'itëtyën, ets jam yajpaata'antë winë xëëw winë kyëjxm.

Amós 7:8

Etsës të xyajtëy: ¿Tii m'ijxyp Amós? Yë'ëjës n'ijxyp mëti'ipë potsy yajtukkijpxpën. Jëtu'unës të n'ëtsoy. Ënätës të xy'ënëëmë: Jëtu'un tä xy'ixyën yajkijpxy yë potsy jëtu'unës näjyëtu'un nkijpxa'any yë jyuukyajtën yë Israel ja'ayëty, mëti'ipës nkajpn'ajtypyën. Ëjts ka'apës yam ja tëkok n'ëkpoky'myä'kxanë.