Isaías 33:5 - Biblia Dc en Mixe de Quetzaltepec

⁵ Yë Wintsën myëët'ajtyp ja mëj'ajtën jä'ä ko jam tsajpkëjxm jyuuky'äty; yë'ë Sión kajpn të tyaj'utsy mëët ja mëtëypyë nipaye'eyën ets ja tëyajtën.

Biblia Mixe de Quetzaltepec

⁵ Yë Wintsën myëët'ajtyp ja mëj'ajtën jä'ä ko jam tsajpkëjxm jyuuky'äty; yë'ë Sión kajpn të tyaj'utsy mëët ja mëtëypyë nipaye'eyën ets ja tëyajtën.

Isaías 33:5 ပူးပေါင်းရင်းမြစ်များ

Isaías 2:17

Ja ja'ayëty mëti'ipë nämyëjja'aw näjyääntyja'awëtëpën ets mëti'ipë amëj akëjxm ja'ay'ajtëpën je'eyë nëjkx yaj'atään yajtuktääntë. Yi'iyë yë Wintsën yë myëj'ajtën nëjkx yaj'ixy jä'ä xëëw,

Romanos 11:26

Ko ya'atë tyunëtëty jyatëtëty, ni'ëmukë ja jutiis ja'ay tpaata'antë ja nitsokën. Ijxtëm ja Dios ja y'aaw y'ayuk këxja'ay myinyën: Jerusalén myina'any tu'uk ja jutiis ja'ay yajnitsokpë ets tyajnitso'oka'any ja pokyjä'äytyëjk mëti'ipë ja Jacob tyëëmp'ajtyp y'aats'ajtypyën.

Daniel 4:37

E tyamts ënät, ëjts Nabucodonosor, nmëjja'aw njaantyjya'apës ets ntukxoontäkpyës yë yajkutujkpë tsajpjotmëpë, jä'ä ko tëkokyë mëti'ipë tyuunpyën aak mëtëy yë'ë ets wa'ats ets yë'ë yajnaaxkëtäkpy yë ja'ay mëti'ipë mëj këjxm näyajnaxanëpën.

Romanos 3:26

jä'ä ko yë'ë mä'kxtujkp yajpaaty. Yë'ë, jëtu'un ënety tyajknikëxë'ëka'any ko pyaye'ey ijxtëm pyaat'atyën ets oy wyi'im mëët ja Dios mëti'ipë myëpëjktëpën ja Jesús.

Isaías 66:1

Jëtu'un yë Wintsën y'ënä'äny: Ëjts jamës nkutujktakn tsajpjotm, e naaxkëjxy ntekyës jää nyaj'ijtyp. ¿Maas yë njëën ntëjk xynyakojtëty? ¿Maas xynyayajpo'kxa'antë?

Isaías 61:11

Jä'ä ko jëtu'un tä yë aay ujts yoontä'äkyën naaxwiiny ets ënät jyiitsy jam kamjotm, jëtu'un yë Wintsën tyaj'ita'any yë jyä'äy ets myëta'aktëty xëmë, ets y'ëwtëty ya'axtëty mëët ja jotkujk'ajtën.

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

Isaías 60:21

Tëkokyë ja ja'ay mëti'ipë kukajpnajtëpën ma mnaax mkajpnën, aak oyjyä'äy y'awinpita'antë, kunaax kukajpn xëmë y'ita'antë ma kyë'ëmkajpnëtyën, ets yontëty jyiitstëty tä aay ujtsën mëti'ipës të nkojyën, mëti'ipës të nitunën, ets jëtu'un nyaj'ixa'anyës ja nmëj'ajt n'oyajtënës.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Isaías 37:20

E tyam, yajtsoktëk ëëtsëty ma yë'ëjëtyën, Wintsën, mëti'ipës nTios'ajtëpën ets tëkokyë ja naax kajpn nijawëtëty ko mijts tu'ukyë mWintsën'ajtp ets mTios'ajtp.

Isaías 33:10

Ënet ja Wintsën y'ënä'äny: Ëjts yam ntuktëkëjäämpy tääpë jotmay, tyamës nyaj'ixa'anyë ja nmëk'ajtën n'oyajtën.

Isaías 32:1

Ma y'ita'anyën ja mëtëypyë ja nänyipaye'eyën, tu'uk ja yajkutujkpë jam yajpaata'any mëti'ipë oy nipaye'eyaanpën ets aakjëtu'un ja ënä'ämpëtëjk y'ita'antë mëti'ipë jam tunantëpën.

Isaías 28:6

Yë'ë nëjkx twinma'anymyo'oy ja yajkutujkpëtëjk ets oy ja nipaye'eyën tuntëty, nëjkxëp tjotmëkmo'oy ja mëti'ipë tëjk këwent'ajtëpën ma ja naax kajpnën.

Isaías 12:4

nëjkxëp m'ëna'antë: Kukajpxëtë ja'awëkyëta'aktë yë Wintsën ets mëkajpxtë, nikajpx nimëtya'aktë ma ja naax kajpnën mëti'ipë yë'ë të tuny të tkäjpxyën, tuk'ëwaanëtë ko yë'ë maaytyääyëp winë ets ko ni pën kyajëtu'unëty tä yë'ëjën.

Isaías 2:11

Ja mëti'ipë ënety amëj akëjxm të nyäjyawëtën, winta'ak naaxkow yajpaata'antë; mëti'ipë mëj'äämpy të y'itën je'eyë nëjkx yaj'atään yajtuktääntë. Yë'ënëm ja Wintsën nëjkx ja myëj'ajtën tyaj'ixyë,

Salmos 123:1

Ma mijtsën Wintsën jamës nkëx'ixy mëët tu'uk yë nnu'kxtakën ma mijtsën mëti'ipë ënä'ämpën jam tsajpjotm.

Salmos 118:16

Yë Wintsën yë myëk'ajtën ni'ik myëj kyëjääjëty. Yë Wintsën yë myëk'ajtën yë'ë të myëtä'äky.

Éxodo 18:11

ma ënety o'ktëy mjatën mkëpätën. Tyamës ënät yajxon njanty nyijawë ko yë Dios mëj yë ni'ik, këtiinëm jyëtu'unëty yë wiinkëtypë tiosëty tääpë myäjyatëtën.

Éxodo 15:6

Wintsën yë mmëkajtën mkutujkën yë'ë winë të tuny, mëti'ipë mëkën ets maaytyääyëp winë, mëti'ipë ojts tjaamteeny tnaaxteenyën ja mëtsip.

Éxodo 15:1

Ënet yë Moisés mëët nitëkokyë yë Israel ja'ayëty ojts t'ëwtë ya'atë ëy ets ojts yë'ë mëët tmëjjawëtë ets tukxoonta'aktë ja Wintsën: Ëwtë ya'axtë ets mëjjawëtë kënu'kxyjyawëtë yë Wintsën, jä'ä ko yë'ë të myëtä'äky ko të tyajkiinta'ay yë këwaayëty mëët yë nyija'ay mëti'ipë ënety tuk'ënyääyëpën.

Isaías 52:1

Ëkma'aywyij, ëkma'aywyij, mijts Sión Kajpn, jotmëk näpyëjkta'akët. Jerusalén kajpn, ja wa'ats kajpn, näxyoxët mëët ja oywyit; jä'ä ko ja ëxëëk ja'ayëty ka'ap jam jatëkok tyëkëja'antë ma mijtsën.

Isaías 5:16

Ja Wintsën mëti'ipë maaytyääyëpën winë, nëjkxëp ja myëj'ajtën tyaj'ixyë ko ënety winë tnipaye'ey; jëtu'un nëjkx ja Wintsën tyaj'ixyë ja wya'atsajtën ko ënety mëtëy winë tuny.

Isaías 26:1

Jä'ä xëëw nëjkxëp yaj'ëy yajyä'äxy ya'atë ëy jam Judá: Ëëtsajtëmë ta'tspëky yë nnaax'ajt nkajpn'ajtëmë, tëë yë Wintsën tkojy mëj yë potsy ets tëë ja naax kajpn tyaj'oyë mëti'ipë ta'tspëkyën.

Isaías 30:18

E yë Wintsën jëjp'ixy jam yajpaaty ets jatëkok mwinpitëty; yë'ë mëk mjatsokëtë, jä'ä ko yë Wintsën nipaye'epy yë mëtëy. Akujk jotkujk ja'ay yajpaatë mëti'ipë y'ëwxijtëpën yë Dios.

Isaías 33:4

Ja myëtsiptëjk jëtu'un tyukja'tyë tä maymyu'ujën, jëtu'unyë tyukëtä'äkyë ets pyëjkëtyä'äyë winë.

Isaías 56:1

Jëtu'un ja Wintsën y'ënä'äny: Tuntë ja mëtëypyë ja nipaye'eyën, ja mëti'ipë tëy jaantyën, jä'ä ko tsojkës nyaj'ëwaatsëpëtsëma'any ja naaxwiinyëtë ja'ay; yë'ëjës nyaj'ixanëp koos xymyääpyës wi'ixës ja'ay nyaj'ëwaatsëpëtsëmëtyën.

Jeremias 23:5

Jëtu'un yë Wintsën y'ënä'äny: Ëjts nyajkutukäämpyës ets tu'uk ja'ay jyää'atëty mëti'ipë yë David y'u'unk'ajtyp y'ok'ajtypyën, mëti'ipë ënä'ämëpën yajkutukëpën mëët ja wijyajtën, mëti'ipë mëtëy winë nyipaye'eyëpyën ets tëy tyu'uye'eyëty ma naax kajpnën.

Jeremias 23:6

Ko ënety yë'ë y'ëne'emy, yë Judá ja'ayëty jotkujk nëjkx yajpaatë ets Jerusalén ja'ayëty ka'ap nëjkx tii jotmay tpaatë. Jä'ä nëjkx tijtë ja Wintsën: Yë Wintsën yë'ë xyajmëtakëm.

Jeremias 31:23

Yë Wintsën mëti'ipë maaytyääyëpën winë, yë Israel ja'ay yë Tyiosëty, yë'ë ënaanp: Ko ënety nyajtëkajtsës yë Judá ja'ay yë jyuuky'ajtënëty ets ko ënety jam jatëkok yajpaatë ma nyaax kyajpnëtyën, jëtu'un nëjkx y'ëna'antë: Yë Wintsën kyënu'kxëp ya'atë tun kopk wa'atspë ma jyää'atyën mëtëypyë nipaye'eyën.