Isaías 33:4 - Biblia Dc en Mixe de Quetzaltepec

⁴ Ja myëtsiptëjk jëtu'un tyukja'tyë tä maymyu'ujën, jëtu'unyë tyukëtä'äkyë ets pyëjkëtyä'äyë winë.

Biblia Mixe de Quetzaltepec

⁴ Ja myëtsiptëjk jëtu'un tyukja'tyë tä maymyu'ujën, jëtu'unyë tyukëtä'äkyë ets pyëjkëtyä'äyë winë.

Isaías 33:4 ပူးပေါင်းရင်းမြစ်များ

2 Crónicas 14:13

E ja Asá ets ja jyä'äy jampaat tpaja'ajtë ja Etiopíë ja'ay Guerar; wa'ats tyaj'o'ktaaytyë, nitu'uk ojts kyawë'ëmy juuky; ëxëëk jyajtë kyëpäjtë ma ja Wintsën ja tyuunpëtëjkën; ko myëtaktë may tpatë winë mëti'ipë ja mëtsip ënety të tmëmintën.

2 Crónicas 20:25

Ënet ja Josafat mëët ja jyä'äy myiintë ets tpëjkmujktaaytyë winë mëti'ipë ënety ja mëtsip të tyajwë'ëmtën, mëti'ipë të tni'o'ktu'utën. Ojts tpaatë may ja jëyujk, tsajpkaa, may ja tsaa, pujxn mëti'ipë myëtsiptuuntëpën, may ja wit tujkxy ets winëjaty mëti'ipë tsowëtyën. May jam winë t'ëxmajtstën ja mëtsip, tëkëëk xëëw pyoxtë ja Josafat mëët ja jyä'äy ets tpëjkmujktaaytyë winë.

Isaías 33:3

Ko ënety mijts nkäjpxy, nëjkxëp kyäkta'atë ja nmëtsipëtyës; ko ënety mijts xytyuktëkë ja tsip, jëtu'unyë ja naax kajpn axit ako'owë jyajtaja'antë.

Isaías 33:5

Yë Wintsën myëët'ajtyp ja mëj'ajtën jä'ä ko jam tsajpkëjxm jyuuky'äty; yë'ë Sión kajpn të tyaj'utsy mëët ja mëtëypyë nipaye'eyën ets ja tëyajtën.

Ezequiel 25:7

Paaty miitsëty nipëtë'ëka'antë ets ntëytyuna'antë, nkë'ëyakantëp ma ja naax kajpnën ets mpëjkëtya'ajëtëty mëti'ipë mëët'ajtëpën. Nyajjëwa'akantëp ma wiinkëtypë naax kajpnën, nyajkutëkoyantëp ets myaj'ijxtëkoytyëty. Ënet nëjkx xy'ixtë ko ëjts Wintsën.

Joel 1:4

Wa'ats yë mu'u të tjë'kxta'ay yë pëjktä'äky, mëti'ipë ojts jyaakwë'ëmyën wiinkpë të myintë ets të yajkëxyë.

Joel 2:25

Ëjts mkëpäjta'ajäämpy yë mpëjktä'äkyëty mëti'ipë të tyëkoyën ma ka'ap winë të y'ity të wyintëyën ko ja mu'u të tyuuntëkoy, tääpë tuuntëkoopyë mëti'ipë ojts ntuknikäxtën.

Joel 2:3

Ja mu'u jëtu'un wyinkony tä jëënën mëti'ipë yajtooytyëkoopyën winë; ka'anëm jyä'ty ko winë tyëtsta'ay ets oy tëë jyanajxnë je'eyëm tyooy'ëti'itsy. Ja itjot mëti'ipë ijty janty'oy këxë'kpën ma ënety ka'ap ja jëën nyäxynyëmën, ko nyäxy anë'ëk tëëtsë'ëk jyaak yaj'ixy. Nitii kyatso'oky ma yë'ëjën.

Joel 2:9

Tëë ja kajpn tnitëkëtë, mëtsip jam najxnëp tëjkënyëp potsykyijxy, tëjkëjxypyaat pyäjtnëtë ets jëtu'un yäjtsnëtë mä'tspën ma ja tëjk nyi'ëwa'atsëtyën.