Isaías 33:17 - Biblia Dc en Mixe de Quetzaltepec

¹⁷ Nëjkxëp jatëkok ja yajkutujkpë ja myëj'ajtën xy'ijxë; ja naax tsëpa'an jëkämpaat nëjkx nyäxy.

Biblia Mixe de Quetzaltepec

¹⁷ Nëjkxëp jatëkok ja yajkutujkpë ja myëj'ajtën xy'ijxë; ja naax tsëpa'an jëkämpaat nëjkx nyäxy.

Isaías 33:17 ပူးပေါင်းရင်းမြစ်များ

2 Crónicas 32:23

Ënet ja mayjyä'äy tmëja'awëtyë ja Wintsën ets ojts tmënëjkxtë may'äämpy ja näy'nyamo'ojë, näjyëtu'un ja Ezequías may ja ja'ay winë nyamooyë, mëët ko ënety ja Wintsën të pyutëkëty, mëti'ipë jam Judá ënä'ämpën yajkutujkpën. Ko jyëtu'un'ajty yë Ezequías mëj'äämpy yë ja'ay yajnajxë oymyaajëty.

Job 19:27

Kë'ëmës mëët yë nwiin ntimy'ixa'any, ëjts kë'ëm n'ixäämpy ka'ap wyiinkja'ayëty. Ëjts ka'apës tii nmëjaawnë

Salmos 31:8

Ka'apës të xykyë'ëyäky maas ja nmëtsiptëjkën; jamës të xyajnaaxwä'äky maas jotkujk ntänëtyën.

Salmos 45:2

Tu'uk mijts mye'etyëjk'aty janty'oy janty tsujpë ma ja nimaypyë ja ye'etyëjktëjkëtyën. Ko myajtukxoontä'äky ets ko myajtsoky myajjawë, jam yajmëtoy ma m'aaw m'ayukën. Paaty yë Dios kyënu'kxën të mmo'oyë xëmëkyëjxm.

Cantares 5:10

Yë ye'etyëjk, mëti'ipës ntsojkpyën umy yë'ë, tä yë tsajpmoktë'ëtsën, pojën yaj'ixkäpy ma yë myëtsajpmokën.

Isaías 24:23

Ko ënety ja Wintsën mëti'ipë maaytyääyëpën winë yë'ë yajkutuky jam Sión; pi'itsaanp yë xëëw ets po'o ets ja wintsëntëjkëty mëti'ipë jam kukajpnajtëpën y'ixantëp ja Wintsën ja myëj'ajt y'oyajtën.

Isaías 26:15

Mijts Wintsën, mijts ja naax kajpn të xyajyeeky; tëë xyajmëjë ets yë'ë tyajnikëxë'ëkëty ja mmëj'ajt m'oyajtën, tëë xyajkëjääjëtyä'äy nitëkokyë ja naax kajpn ja nyaax tsyëpa'an.

Isaías 33:21

Oy tsuj jam yë Wintsën nyänyikëxë'ëkyë. Oy jam jyänty yaj'ixy yë nëëjot wokjot, mëjjëty ets komëty, ma ka'ap nijënu'un tjëkyepyën wi'ix ja mëtsip tyëkëtyën.

Isaías 33:22

Ja nyitejpxy ka'ap nëjkx myäyë wi'ix tmajts'itëtyën; ja nyinikäm ka'ap nëjkx wyo'onwä'kxy. May nëjkx ja wit meeny yajpëjkëtë ja mëtsip, yë'ëpaat ja tekymya'at ets ja kë'ëma'atpë nëjkx tpaaty ja wit meeny. Jä'ä ko yë Wintsën mëtëy nyipaye'ey, mëti'ipë yajtuumpyën ja ënä'ämën mëti'ipë nkutujkpë'ajtëmën, yë'ë xyajtso'oka'anëmë.

Isaías 37:1

Ko ja yajkutujkpë Ezequías tmëtoowpaty jëtu'unpë ja ayuk, ojts tkë'ëtswä'kxy ja wyit ets nyätyukxojxë ja wit mëti'ipë kuumpën u'kxpën mëët ko ëxëëk nyäjyawëty ets ojts nyijkxy ma ja Wintsën ja tsyajptëjkën.

Isaías 6:5

Ënätës të njootwinmay: Janty mon janty tukës nyajpaaty, yaajës ënät n'o'knëty, ëxëëkës të n'ëy të nkäjpxy ets jamës ntsëënë ma ja ja'ay ëxëëkjaty kyajpxtën myëtya'aktën.

Zacarías 9:17

Janty oy janty tsuj nëjkx yaj'ixy yë naax kajpn. Tam'ataanp may yë tsajpmok ets tsatym nyëë; yë n'u'unk'ajt n'ëna'k'ajtëm ye'etyëjkpë to'oxytyëjkpë, oy tsuj nëjkx yääktë pyätë.

Mateo 17:2

Ma ënety jam jëtu'un yajpaatën ënät ojts ja Jesús tyëkatsy. Ajajp atë'kxp ja wyiin jyëjp ijxtëm ja xëëw y'änyën ets ja wyit ojts pyoopë ijxtëm ja ajajkën.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Juan 14:21

Pën kyupëjkpy ja n'ënä'ämënës ets pyatuumpy, yë'ë yajnikëxë'kpy koos xytsyoky, ets pën xytsyojkpës, tsokanëp ja nTeetyës ets ntsokäämpyës näjyëtu'un ets nnänyikëxë'ëkanëp ëjts ma yë'ëjën.

Juan 17:24

Dios Teety, mijtsës të xymyo'oy, ntsojkpyës ets jam yajpaatëty maas n'ita'anyën ets t'ixtëty ja mëj'ajt oyajtën mëti'ipës mijts të xymye'eyën, jä'ä ko mijtsës të xytsyoky naamka'anëm ënety ja naaxwiinyëtë kyojynyëm.

2 Corintios 4:18

Ka'ap yë'ëjëty n'ixta'ayëm mëti'ipë yaj'ijxpën, yë'ë n'ixta'ayëm mëti'ipë ka'ap yaj'ixyën. Mëti'ipë yaj'ijxpën, këjxp najxp yë'ë; e mëti'ipë ka'ap yaj'ixyën, xëmëkyëjxm yë y'ijtëy.

1 Juan 3:2

Mëku'uktëjkëty ninu'un miits ntsoktën njawëtën, Dios ëëts tyam xy'u'unk'ajtënëp. Oy nkanija'awëmë wi'ix ok nyajpaata'anëmën, tëë nnija'awëm ko ja Jesukristë myina'any jatëkok jëtu'un nëjkx n'awinpijtëmë tä yë'ëjën; jä'ä ko nëjkxëp n'ijxëmë wi'ix y'ixëtyën.