Isaías 33:11 - Biblia Dc en Mixe de Quetzaltepec

¹¹ Mëti'ipë mwinma'ny'ajtëpën ets mëti'ipë mtuuntëpën jëtu'un tä pu'uxmën, tä aaykyëta'akën; jëtu'un nwinpiixëja'any tä ja'ay jëën twinpiixën ets patoyë kye'eky.

Biblia Mixe de Quetzaltepec

¹¹ Mëti'ipë mwinma'ny'ajtëpën ets mëti'ipë mtuuntëpën jëtu'un tä pu'uxmën, tä aaykyëta'akën; jëtu'un nwinpiixëja'any tä ja'ay jëën twinpiixën ets patoyë kye'eky.

Isaías 33:11 ပူးပေါင်းရင်းမြစ်များ

Isaías 59:4

Ni pën mëtëy kyani'ëënë ets ka'ap nitii oy yajnipaye'ey. Jä'ä ni'ik myëjpëjktaktëp mëti'ipë win'ë'ënpën ets mëti'ipë ka'ap tii mëtëy tnikäjpxyën; ujts ja myoxëty mëët ja ëxëëkpë, koonëm ja jyiiky myëku'uk tyaj'ooktë.

Salmos 7:14

Ixtë ja ëxëëk ja'ay, jëtu'un ja pëjkën ijxën tmëëtëty tä to'oxytyëjkën mëti'ipë u'unk yajminäämpyën naaxwiiny. Je'eyëp ko ja ëxëëk ja'ay yë'ë myoxjoty myëët'ajtyp ja ëxëëkajtën ets yë'ë yajminäämpy naaxwiiny yë win'ë'ënën antakën.

Santiago 1:15

Ets ko ja ëxëëk atsojkën nyätyukmëmëtä'äkyë, ënät pyokytyuny; ets ko pyokytyuny, ënät ja o'kën tyukpaatyë.

Hechos 5:4

¿Tii këtii mijts xyjyä'äjëty ja naaxë? ets ko të xytyooky, ¿këtii myijtsëty xyjyä'äjëty ja nyimeenyë? ¿Tii ko jëtu'un të mwinma'anypyääty? ka'ap nyaaxwiinyëtë ja'ayëty xywyin'ëëny, Dios jëtu'un të xywyin'ëëny.

Isaías 26:18

Ojts ëëtsëty ëxëëk njatë nkëpätë, ojts ja pëjkën ato'onën nmënax nyajnaxtës; jëtu'un ojts ëëts njatë tä tu'uk to'oxytyëjk y'u'unk'ixyën; e nëkoopë jëtu'un ojts n'ëyowtës jä'ä ko ka'ap nitii mpatës n'ijxtës. Ka'ap ëëts ja nnaax nkajpn të nyajnitso'oktë ets ka'ap pën ma tsyona'any mëti'ipë jeexyë ja naax kajpn tyuktsëna'ayëpën.

Isaías 17:13

Ko ja Wintsën y'ojëtë, ënätyë kyääkjoktë ets jëkäm nyëjkxtë, jëtu'un tä pu'uxm wyimpapojyën tunkëjxm, jëtu'un tä äpnytyë'ëts pyojë'ëkyën ko mëktuupoj myiny.

Isaías 5:24

Paaty miitsëty, jëtu'un nëjkx mjatë mkëpätë tä aay pu'uxm nyitoyën ets tä aaykyëta'ak jaam jok jyätyën, tä yë kepypyu'utë'ëkyën ets tä yë pyijy tyëtsta'ayën ets naax y'awinpity. Mëët ko ja Wintsën mëti'ipë maaytyääyëpën winë ja y'ijxpëjkën ets ja y'ënä'ämën ka'ap të xypyatuunëtë.

Isaías 1:31

Ja ja'ay mëti'ipë mëk näjya'awëyëpën, aaykyëta'akën y'awinpita'any; ja tyuunk jëënpixkën jyata'any; nimäjtsk tyoya'antë tu'knax ets ni pën nëjkx kyayajkupi'itsëty.

Salmos 2:1

¿Wi'ix ko myuktë xyu'umtë ja ja'ayëty mëti'ipë ka'ap ja Dios t'ëwtatën? ¿Wi'ix ko t'ëëwmuk tkajpxmuktë ka'apë tyuunëtyën?

Job 15:35

Ujts yajpaatë mëët yë ëxëëk jot ëxëëk winma'any tä tu'uk yë to'oxytyëjk yaj'ixyën mëti'ipë u'unk maay tyimy'äjtypyën ets tyajmina'any naaxwiiny yë ëyo'on jotmay; mëëtkyëjxm ko yi'iyë të tuunk'atë win'ë'ën winxajën.

Salmos 7:15

Tëë tu'uk ja o'kpë jut tajy këkpë, ets jap kyë'ëm jutjoty kyënaxa'any.

Isaías 9:17

Paatykyëjxm ja Wintsën ka'ap të tpa'ëyoy ja ëna'ktëjk, ja ku'ooky u'unktëjk ets ja ku'ookytyo'oxy. Jä'ä ko aak ëxëëk ja ja'ay ja jyot wyinma'anyëty, aakyë'ë myääytyëp tyajtëp ka'apë mëpaat tuntën, ko kyajpxpëtsëmtë tsaatsy ma'atëty yajmëtoy. Paatykyëjxm ka'ap ja Wintsën ja jyoot'an xyeemy ets ka'ap tyajjëwä'äky ja tsyip y'äkë.