Isaías 33:1 - Biblia Dc en Mixe de Quetzaltepec

¹ Janty mon janty tuk mijts myajpaaty mëti'ipë naax kajpn mye'tsypyën ets mits ka'ap myajmeetsy; mëti'ipë jyiiky myëku'uk kyë'ëyäjkpyën ets mijts ka'ap pën mkë'ëyäkyë. Ko ënety tëë xyajkutëkooytyä'äy ja naax kajpn, tääts nëjkx mijts mkutëkoy, ko ënety tëë ja mmëku'uk xy'ayäky xykyë'ëyäky, tääts nëjkx mijts myajkë'ëyäky.

Biblia Mixe de Quetzaltepec

¹ Janty mon janty tuk mijts myajpaaty mëti'ipë naax kajpn mye'tsypyën ets mits ka'ap myajmeetsy; mëti'ipë jyiiky myëku'uk kyë'ëyäjkpyën ets mijts ka'ap pën mkë'ëyäkyë. Ko ënäty tëë xyajkutëkooytyä'äy ja naax kajpn, tääts nëjkx mijts mkutëkoy, ko ënäty tëë ja mmëku'uk xy'ayäky xykyë'ëyäky, tääts nëjkx mijts myajkë'ëyäky.

Isaías 33:1 ပူးပေါင်းရင်းမြစ်များ

Proverbios 22:23

jä'ä ko Dios yë'ë kuwanëp yë ëyoopëja'ay ets ëxëëk tuna'any ja mëti'ipë ënety ja ëyoopëja'ay ëxëëk tyuunpyën.

Isaías 10:12

Ko ënety ja Wintsën të tyajnaxy ja tsyip y'äkë ma ja Jerusalén ja'ayëtyën, tääts tëytyu'una'any ja Asiria yajkutujkpë, mëët ko ënety amëj akëjxm të jyuuky'äty.

Isaías 14:25

Nyajkutëkoyäämpyës yë Asiria ja'ay maas ja nnaax nkajpnën ets maas yë ntun nkopkën; jëtu'unyës n'atääna'any ntuktääna'any. Yë y'ënä'ämën kyutujkën ka'ap tjëkyepy o'ktëy tunëty yë nnaax nkajpnës, yë myëk'ajtën ka'ap tjëkyepy ëxëëk tmë''ëtë'ëtsëty.

Isaías 17:14

Ko jyopy'äty janty'oy yaj'ixy y'ujts'aty, e ko tsyu'ujënyë tëë nyaxo'tstaaynyë. Jëtu'un jyatë ja ja'ayëty mëti'ipë je'eyë një'kxy'ajtëmë myëkäk myëpujtëpën, jëtu'un jyatë ja ja'ayëty mëti'ipë xit ko'ow të xyajwë'ëmëmën.

Isaías 21:2

Mëk oy yajmëtoy mëti'ipës ja Wintsën të xytyuk'ëwaanën: Mëti'ipë ja myëku'uk kyë'ëyäjkpyën, tëë ja jëtu'un tuny; mëti'ipë yajkutëkoopyën winë, të ja jëtu'un tuny. Pëtë'ëk mijts Elám ets mijts Medë ja'ayëty, nëjkx mtsiptuntë. Ëjts ka'apës n'ëkupëkanë ets pën je'eyë nyikajpx nyimëtya'akëty.

Isaías 24:16

Jam ma naaxwiinyëtë jyëjpkëxyën, jampaat të yajmëtoy ko ja'ay y'ëwtë ya'axtë: Wä'än tyajmëjjaw tyäjkënu'kxyawë ja Mëtëypyë. E ëjts jëtu'unës të n'ëna'any: Janty mon janty tukës nyajpaaty. Pëjkëpës, këxaanpës. Ja ja'ay mëti'ipë ayajk kë'ëyajkpën, tëë ja myëku'uk tkë'ëyäky, tëë jëyëjp tmëmay tmëtajtë wi'ix tuna'anyën.

Isaías 31:8

Jää nëjkx ja Asiria ja'ay yajkupujxta'atë, je'eyëp ko ka'ap nyaaxwiinyëtë ja'ayëty jëtu'un tyuna'anëtë. Ja tsip yë'ë yajkä'äkäämpy ja ja'ay ets ja ëna'ktëjk mëti'ipë tsiptuuntëpën mëtuunpë y'awinpita'antë;

Isaías 48:8

Mijts ka'ap ënety ni ma jëtu'unpë xymyëtoynyëm ets ka'ap ënety xynyijawë, jä'ä ko mijts nat xëmë të mnäypyëjktä'äkyë. Ëjts wa'atsës të nijawë ko mijts ka'ap oy të mjuuky'äty, Nija'apës ko je'eyë të mkäjpxykyumëtoownaxy, jä'ä xëmë të myajtijy ko ka'ap mja'akyukë.

Ezequiel 39:10

Ka'ap nëjkx kopkpëky kamjoty jya'axtë ets yukjoty jyä'äxypyuxtë, jä'ä ko tu'kë'ëyë tääpë mëtsiptu'unën yë'ë nëjkx tja'axy'atë. Jëtu'un nëjkx tyajpëtsëëmta'atë winë ma ja kajpnën mëti'ipë winë të yajpëtsë'ëmxëtën ets nëjkx tpëjkëtya'atë winë ja naax kajpn mëti'ipë ënety winë të pyëjkxëtën. Ëjts Wintsën, ëjts ënaanp.

Sofonías 3:19

Jä'ä xëëw nëjkxëpës jää winë ntuny ko ënety pën mtëytyuna'anyës. Jëtu'unës ja n'u'unk n'ëna'k mputëkëja'any tä yajputëkën yë kupixyny mëti'ipë të tyekytyijyën ets mëti'ipë tëkoy'ijtpën; mëj'äämpy ets akäjpxy nëjkx miitsëty nyajnaxtë ma ënety o'ktëy të mjat të mkëpätën.

Mateo 7:2

Jä'ä ko yë Dios näjyëtu'un yë mpoky mtukwinmëtowa'anëtë tä ja mmëku'uk ënety ja pyoky të wytyukwinmëtowtën; jëtu'un tä ja mmëku'uk xytsyoktën jyä'äy'atëty näjyëtu'un miitsëty ja'ay'atë.

Apocalipsis 13:10

Mëti'ipë nitëjkëyëpën yajtsumëty, nëjkxëp ja yajtsumy; pën nitëjkëyëp yajkupuxëty, nëjkxëp ja yajkupuxy. Yaa yaj'ixa'any pën jotmëkën ets pën mëpëjkpën ma ja Dios ja nyaax kyajpnën.

Apocalipsis 16:6

Jä'ä ko tëë tyajtsun tyajtaxtë ja mmëpëjkpëtëjk ets ja mkäjpxynyajxpëtëjk; paaty mijts ja nëë të xyajwinpity ne'pynyën ets yë'ë t'uuktëty, jëtu'un ijxtëm pyaat'atëtën.

Apocalipsis 17:17

Dios të wyinma'anymo'ojëtë ets tuntëty mëti'ipë tsyojkpyën ko ënety tu'ukyë ja winma'any tmëët'atë. Ënet ja kyutujkën tmo'otëty ja mëj jëyujk koonëm tpaatëty ijxtëm ja Dios të tuknipëjktaakën.

Jueces 1:7

Tääts y'ënäny: Ëjts tëkë'px majkës ojts näjyëtu'un yë kyë'ëkaa tyekykyaa njëjptsujkë yë yajkutujkpëtëjkëty. Ets yë'ëjës ojts ntukjë'kxtë mëti'ipës nkaaypyäjnpa'tkë'p ka'apën. E tyam näjyëtu'unës yë Dios të xytyuny tääjës yë'ë ntuuntën. Tää ojts jam tyajnëjkxtë ma Jerusalén kajpnën ets jam tyaj'o'ktë.

Jueces 9:23

e yë Dios yë'ë ojts tkexy yë ëxëëk poj ka'oypyoj ma Siquem ja'ayëtyën ets ma Abimelekën ets Siquem ja'ayëty tmëëtsiptsoontëty yë Abimélec.