Isaías 32:17 - Biblia Dc en Mixe de Quetzaltepec

¹⁷ Ja oypyë ja nänyipaye'eyën nëjkxëp tyajjää'aty ja jotkujk'ajtën, xeemyajtën ets oyajtën xëmëkyëjxmëpë.

Biblia Mixe de Quetzaltepec

¹⁷ Ja oypyë ja nänyipaye'eyën nëjkxëp tyajjää'aty ja jotkujk'ajtën, xeemyajtën ets oyajtën xëmëkyëjxmëpë.

Isaías 32:17 ပူးပေါင်းရင်းမြစ်များ

Ester 9:30

ets tuknikäjxtë ja nimëko'px ja i'px wëxtujkpë ja kajpn mëti'ipë nyitënääpyën ja yajkutujkpë Asuero. Jap nokyjoty mëët ojts kyajpxtë ja oy aaw oy ayuk ets mëët ja näjyiiky'at näymyëku'uk'atë

Salmos 119:165

Tëkokyë jënu'un tkuuytyuntën yë m'ënä'ämën mtëyajtën janty jotkujk yajpaatë ets ni pën wi'ix kyatunëtë.

Salmos 85:10

Yë tsojkën ja'awën ets tëyajtën tu'knax y'ita'antë, itaanp näjyëtu'un ja jotkujk'ajtën ets ja mëtëypyë,

Salmos 85:8

Nmëtoow'itäämpyës yam wi'ix yë Dios y'ënä'änyën; jä'ä ko yë'ë nyikajpxäämpy wi'ix mëpaat yë nyaax kyajpn jotkujk y'ityën, ets ja'ayëty mëti'ipë oy mëtuunëpën, këtiipë t'ëktuunëtëty ka'apë tyuunëtyën.

Proverbios 1:33

E ja ja'ay mëti'ipës xy'ijxkujk xyjyä'äkyujkëpën, akujk jotkujk jyuuky'äty ets ka'ap tsyë'ëkëja'any oy tii tmëtowëty atsë'ëk ajawëpë.

Proverbios 14:26

Ko yë Dios nmëjpëjktakmëty, yäjkpy yë akujk'ajt jotkujk'ajtën, näjyëtu'un ma u'unk ëna'kën.

Isaías 11:10

Jä'ä xëëw yë Jesé mëti'ipë jëtu'un tä kepyjyi'tskën, ijxpäjtën nëjkx wyi'imy ma wiinkëtypë naax kajpnën; nëjkxëp nyiminyë wiinkëtypë naax kajpn, ja it naaxwiinyëtë ma tääpë kajpn yajpaatyën, mëj'äämpy nëjkx y'ity.

Isaías 11:13

Ka'ap nëjkx ja Efraín ja tsyip y'äkë t'ëkmëët'ajnë, ja Judá nëjkxëp ja jyoot'an xyä'ämnë; Efraín ka'ap nëjkx t'ëktukjoot'anpëjknë yë Judá, e yë Judá ka'ap nëjkx t'ëk'ëxëëk'ijxnë yë Efraín.

Isaías 26:3

Wintsën mijts jotkujk xyaj'ity mëti'ipë mëk jyot wyinma'anyën, jä'ä ko mijts mtuk'ijxpäjtëp.

Isaías 28:12

Jä'ä ko ojts tëëyëp yaj'ënëëmëtë: Tyaa ja jotkujk'ajtën, tyaa ja po'kxtakn; wä'än yaa tpo'kxtë mëti'ipë tëë y'ënu'kxëtën, E yë'ëjëty ka'ap ojts jyä'äkyukëtë.

Isaías 30:15

Jëtu'un y'ënä'äny ja Wintsën, Wa'atspë yajpaatyën ma Israel ja'ayëtyën: Jootwinpitë ets mjotkujk'atëty; xeemy ets tu'uwitsy nëjkx mjuuky'atë, yë'ë mtukjotmëk'atëp. Je'eyëp ko miitsëty ka'ap oy ja jëtu'unpë xymyëtowtë,

Isaías 33:6

Ja naax kajpn xëmë tyaj'ita'any jotkujk. Yë ixpëkyajtën ets nija'awën, yë'ë mëk tsoowpatp ets yajnitsokp. Ko yë Wintsën ntsë'këmëty nja'awëmëty, mëj këjää tsyowpaaty.

Isaías 48:18

Tëë jeexyë xyjyä'äkyukë mëti'ipë të ntuk'ëne'emyën. Tam jeexyë wyimpäjt'ëtë'ëtsy ja mjuukyajtën, ets ni'ikyë jeexyë jotkujk myajpatnë,

Isaías 55:12

Xoontä'äky jam nëjkx mtsoontë, jotkujk nëjkx mja'të ma mnaax mkajpnëtyën. Ko ënety xynyinaxtë ja tun kopk may nëjkx ja'ay mjëjpaatë'ëkëtë ets nëjkx myajwin'ëw myajwinya'axtë mëët ja jotkujk'ajtën ets tu'kë'ëyë aay kepy nëjkx kyë'ë t'apo'kxmuktë.

Isaías 57:19

Etsës n'ënëëmëja'any nitëkokyë ja'ayëty: Ko wä'än tjotkujk'atë ja'ayëty jëkämpë ets wiinkonpë yajpaatën. Ëjts nyajtso'okäänpyës yë nnaax nkajpnës.

Isaías 66:12

Jä'ä ko ëjts Wintsën, ëjts ënaanp: Nyajminäämpyës yë jotkujk'ajtën tä mëjnëëjën, Ja naax kajpn mëjwiin këjääjës ntuk'ixa'any ja wit meeny. Yë'ë nëjkx myajkay myaj'uukëtë, yë'ë nëjkx mtsäänëtë ets mwinxon mwin'itëtë.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Ezequiel 37:25

Jam nëjkx tsyëënëtë ma ja naax kajpnën mëti'ipës nmooyën yë ntuunpës Jacob, ma ojts näjyëtu'un tsyëënëtën yë y'ap y'okëty. Jam nëjkx tsyëënëtë xëmë ets näjyëtu'un yë y'u'unk y'ëna'këty ets y'u'unk y'okëty; yë ntuunpës David yë'ë nëjkx xëmë yajkutuky.

Ezequiel 39:29

Ka'apës nëjkx njëxk n'ëkja'atyëkooyëtë, jä'ä ko tëëjës yë nmëjajtën nyajnaaxkëtä'äky ma Israel kajpnën. Ëjts Wintsën, ëjts ënaanp.

Romanos 14:17

Ka'ap yë'ëkyëjxmëty jam m'itë ma Dios ja kyutujktaknën ko tii xykyäytyë xy'uuktë, jä'äkyëjxm jam m'itë ko xytyuntë xykyajpxtë mëti'ipë paat'ajtëpën, wi'ix xymyëët'attëty ja jotkujk'ajtën ets ja xoontakën mëët ja Kënukxymyëkajtën.

2 Corintios 1:12

Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Dios yë mëyajtën të tuny etsës oy njuuky'atëty.

Hebreos 12:11

Ko pën tii yajtuk'ojy ëkë yajtuk'ënëëmë ka'ap oy nyäjyawëty, ni'ikyë yajmëkjawë; e ko oy yajja'akyukë, oy ja ja'ay tukjuuky'äty ets mëtëy winë tuny.

Hebreos 6:11

Ntsojktëpës ets miits nitu'ukjaty xyaj'ixëtëty ja mëpëjkënëty mëët ja xoontakën, koonëm ja oyajtën xypyaatëty mëti'ipë mjëjp'ijxtëpën.

1 Juan 4:17

Jëtu'un'äämpy tyunyë jyätyë ja tsojkën ja'awën ma ëëtsajtëmën; ets ko ja näpyaye'eyë y'ity jotkujk jää nyajpatmëty; jä'ä ko jëtu'un ënety ëëtsajtëm yaa naaxwiiny nyajpatëmë tä ja Jesukristë jyuuky'äjtyën.