Isaías 32:11 - Biblia Dc en Mixe de Quetzaltepec

¹¹ Mëti'ipë tyam ka'ap tii xymyëmay xymyëtajtën, je'eyë nëjkx mtsëyuytyë; miitsëty mëti'ipë tyam akujk jotkujk mnäjya'awëtëpën, mëët'atë ja amay jotmay, ijxpëktë ja mjemywyitëty, yë'ë këëtspë tuktëkëtë mëti'ipë kuumpën u'kxpën, mmontë tuktë jë'ëtë ya'axtë.

Biblia Mixe de Quetzaltepec

¹¹ Mëti'ipë tyam ka'ap tii xymyëmay xymyëtajtën, je'eyë nëjkx mtsëyuytyë; miitsëty mëti'ipë tyam akujk jotkujk mnäjya'awëtëpën, mëët'atë ja amay jotmay, ijxpëktë ja mjemywyitëty, yë'ë këëtspë tuktëkëtë mëti'ipë kuumpën u'kxpën, mmontë tuktë jë'ëtë ya'axtë.

Isaías 32:11 ပူးပေါင်းရင်းမြစ်များ

Salmos 123:4

Tëës jeky ëxëëk njatë nkëpätë ko je'eyë xynyëxi'ik xytyukxi'iktës ja kumeenyjyä'äytyëjkëty, mëti'ipë amëj akëjxm ja'ay'ajtëpën ets ixtijy ëxwa'anyës xyaj'itë.

Éxodo 33:4

Ko ja ja'ayëty jëtu'un ja aaw ayuk tmëtoowtë, mëk ojts tjawëtë ets ojts myontë tyuktë. Ka'ap ojts ja nyantsëmëty, tyatsktëyëty, ëkë kyë'ëjiitsëty tpëjkta'aktë.

Isaías 15:3

Në'ëjoty tu'ujoty aakyë'ë ja'ay wit yajtuunpy mëti'ipë kuumpën u'kxpën; jam tëjknëkëjxm aak jëëy aak yaxtëp ja'ayëty. Kajpnjoty aak moon aak tujktëp ja'ayëty, aak yuun aak këtaawtëp mëët ja jotmay.

Isaías 2:19

Ko ënety ja Wintsën tnipëtë'ëky ja naax kajpn ets jyää'aty ja tsë'ëkë jawë naaxwiiny naaxkëjxy, nëjkxëp ja ja'ay tsyaatëkëtë jyutëkëtë ets jap nyäyu'utsëtëty, këtiipë ja Wintsën y'ixëtëty ko ënety ja myëj'ajt y'oyajtën tyaj'ixyë.

Isaías 2:21

Jap muum tsaajutjoty, tsajpkëkjoty nëjkxëp ja ja'ay nyäy'atijëtë, jap nyäyu'utsëtëty ko ënety ja Wintsën ja ëyo'on tyajminy tyajkëtä'äky naaxwiiny naaxkëjxy.

Isaías 20:4

Näyjyëtu'un yë yajkutujkpë mëti'ipë Asiria ja'ayën myënëjkxäämpy tsumy matsy ja ëna'ktëjk Egiptë ja'ayëty ets Etiope ja'ayëty, wä'än tmëjëty tmutskëty niwa'ats tekywya'ats.

Isaías 22:12

Jä'ä xëëw yë Wintsën mëti'ipë maaytyääyëpën winë, m'ënëmaayëtë ets mjë'ëtëty mya'axtëty, ets mwaay xykyääptëty ets xytyuktëkëtëty ja wit mëti'ipë kuumpën u'kxpën.

Isaías 3:24

Je'eyë nëjkx tyokxu'knëtë ijxtëm jeexyë pya'akxuuktën, tejpxy nëjkx yajtukyo'ktsumtë tä jeexyë pyo'owëën yajkëxpëktën, ni'ikyë nëjkx wyääy yajnëkä'pta'atë ijxtëm jeexyë yenyjyäty tmëët'atën; tä jeexyë oywyit tuktëkëtën, këëts wit nëjkx tyajtuntë, tä jeexyë yaj'oytyuntën, anpujxn nëjkx yajtuktsa'atë.

Isaías 33:14

Jam Sión, janty tsëtyuuytyëp ja pokyjyä'äytyëjkëty ets ja ëxëëkja'aytyëjk janty tsë'këtyëp ets y'ëna'antë: ¿Pën jëtää y'ëkmëmëta'akëp ya'atë mëj jëën mëti'ipë no'ktëkoopyën mëti'ipë jam toopyën jäämpën ma o'ktaknën?

Isaías 47:8

Paaty tyam n'ënëëmë ets xymyëtoow'itëty yajxon mëti'ipë yam ntuk'ënëëmëjäämpyën, mijts to'oxytyëjk mëti'ipë wit meeny y'atsojkpyën ets ka'ap nijënu'un mkumay mkutajë jam ma mkutujktaknën, ets mnämyä'äy mnätyajxëty: Ëjts, ëjts nätyu'uk; ka'apës nijëna'a nku'ookëtëty ets ka'apës nijëna'a u'unktuk nwë'ëmëty.

Jeremias 4:8

Paaty miitsëty, tuktëkëtë ja mwit mëti'ipë kuumpën u'kxpën ets jë'ëtë ya'axtë tä jeexyë mpëkëtën, jä'ä ko yë Wintsën yë y'äkë ka'ap tu'ukyë të xytyim'ëxmajtsëmë.

Jeremias 49:3

Jë'ë ya'ax mijts Hesbón kajpn, ko tëë ja Aí kajpn kyutëkoy. Nasyaaxëtë miitsëty to'oxytyëjkëty mëti'ipë jam Rabá kukajpnajtëpën. Tuktëkëtë ja mwit mtujkxyëty mëti'ipë kuump u'kxpën ets mnäkyätykyupëtëty. Jëtu'un mpëyë'knax mpëyë'ktëkëtëty tä jeexyë mpojëtën, yajtsëtyutë mjot mnini'kxëty. Jä'ä ko ja Milcom mëti'ipë m'ëwtajtëpën, wiink naax wiink kajpn të yajmënëjkxy tsumy matsy mëët ja teetytyëjkëty ets ja ja'ayëty mëj'äämpyë y'itën.

Jeremias 6:26

Yë nkajpnës yë nyëëx, pëjkta'ak ja mwit mëti'ipë kuump u'kxpën ets kyëxë'ëkëty ko jë'ë ya'ax myajpaaty; ja'amyäts naaxyäts, mon tuk yajpaat tä jeexyë pën të y'ookyën; jä'ä ko ja mëtsip mëti'ipë xynyimina'anëmën, tää ja tyimwinkony.

Oseas 2:3

Pën je'eyëm tuun'ëtë'ëtsy ëxëëkpë, niwa'ats ëxwa'atsës nyajwë'ëma'any: Jëtu'unës mpëjkta'aka'any niwa'ats ëxwa'ats tä myiinyën naaxwiiny, aanë'ëk tëëtsë'ëkës nyaj'awinpita'any, ets nyajnëëtëëtsë'ooka'anyës.

Joel 1:8

Tä tu'uk yë to'oxy'ëna'k jyi'iy yä'äxyën mëti'ipë pëkaanpën ko tëë y'ooky ja naaxwiinyëtë ja'ay mëti'ipë ënety mëët të jyapëka'anyën,

Amós 4:12

Paaty mijts Israel, nän jëtu'un yam ntuna'any; tëëjës ntuknipëjktaakë. Näjyëjp'ixëty ets mnäpyaatëtëty mëët yë mTios.

Sofonías 2:15

Jëtu'un jyata'any ja naax kajpn amëj akëjxmëpë ets jotkujkpë, mëti'ipë ja nyija'ay të y'ëna'antën ko ka'ap maa wiinkpë kajpn tä yë'ëjëtyën. O'ktëy ja naax kajpn të jyäty, aayjëyujk ujtsjëyujk jam ëtëtsp ënaanp. Ko ënety jam pën nyäxy je'eyë nëjkx myëkxejy y'o'kxejy ets ka'ap tsojkën'atëty jëtu'unpë ja kajpn.

Deuteronomio 28:48

Yë mmëtsiptëjk yë'ë nëjkx xymyëtuny mëti'ipë ja Wintsën të mtuknikexyën ets ëxëëk mtunëtëty. Nëjkxëp m'ayuu'aty m'axëëw'aty, nëjkxëp ja nëëtëëtsë xymyënaxy xyajnaxy, ni mwit ni mtujkxy nëjkx kyaka'ty, o'ktëy mjat mkëpätëty. Yë Wintsën nëjkx jëtu'un myaj'ëyoyë, koonëm m'ookëty mtëkoyëty.

Santiago 5:5

Akujk jotkujk miits yaa naaxwiiny të myajpaatë, tä tsajpkaajën të mni'kxëtë, tëë timpyääty jëna'a ja tsajpkaani'kx y'ooka'antën.