Isaías 31:8 - Biblia Dc en Mixe de Quetzaltepec

⁸ Jää nëjkx ja Asiria ja'ay yajkupujxta'atë, je'eyëp ko ka'ap nyaaxwiinyëtë ja'ayëty jëtu'un tyuna'anëtë. Ja tsip yë'ë yajkä'äkäämpy ja ja'ay ets ja ëna'ktëjk mëti'ipë tsiptuuntëpën mëtuunpë y'awinpita'antë;

Biblia Mixe de Quetzaltepec

⁸ Jää nëjkx ja Asiria ja'ay yajkupujxta'atë, je'eyëp ko ka'ap nyaaxwiinyëtë ja'ayëty jëtu'un tyuna'anëtë. Ja tsip yë'ë yajkä'äkäämpy ja ja'ay ets ja ëna'ktëjk mëti'ipë tsiptuuntëpën mëtuunpë y'awinpita'antë;

Isaías 31:8 ပူးပေါင်းရင်းမြစ်များ

Isaías 14:25

Nyajkutëkoyäämpyës yë Asiria ja'ay maas ja nnaax nkajpnën ets maas yë ntun nkopkën; jëtu'unyës n'atääna'any ntuktääna'any. Yë y'ënä'ämën kyutujkën ka'ap tjëkyepy o'ktëy tunëty yë nnaax nkajpnës, yë myëk'ajtën ka'ap tjëkyepy ëxëëk tmë''ëtë'ëtsëty.

Génesis 49:15

Ko ojts t'ijxy ko ja naax kajpn janty'oy ets oy yajtukmëwin'ijxtëwë ets wya'anëty po'kxtakn. Ënet yë jyëxk ojts tyäky ets ja tsëmy kë'ëy tpa'atwa'këy, nitii ojts tkakäjpxy ets nyäpyëjktakë mëtuunpën.

Oseas 1:7

Yë'ë tëy yë Judá mpa'ëyowäämpyës yë'ë, ëjts Wintsën mëti'ipë Tyios'ajtëpën ëjts kë'ëm nyaj'ëwaatsëpëtsëmäämpyës. Je'eyëp ëjts ka'apës tsipkëjxm nyajtso'oka'antë, ka'apës nyajtuna'any yë ti'pxn, tëypyujxn, kwaay ets pujxnwintëkäämpë.

Isaías 37:7

Ëjts kë'ëm ntuknipëjktaakëjäämpy ets tu'uk ayuk nyija'tëtëty mëti'ipë nëjkx yajwinpityën ma nyaax kyajpnën ets ja'ay jam yaj'ookëtëty.

Isaías 29:5

E ajotkumonë nëjkx yë mmëtsiptëjk o'ktëy jyajta'atë, ja Wintsën mëti'ipë maaytyääyëpën winë yë'ë nëjkx tëytyuny ja mmëtsip mëët ja poj ënääw, nëë tuu ets jëën. Nëjkxëp ja mëtsip naax wayën jyajta'atë, ets tä tu'uk pu'uxm wyimpapojyën, jëtu'un nëjkx kyëxë'knëtë.

Isaías 10:12

Ko ënety ja Wintsën të tyajnaxy ja tsyip y'äkë ma ja Jerusalén ja'ayëtyën, tääts tëytyu'una'any ja Asiria yajkutujkpë, mëët ko ënety amëj akëjxm të jyuuky'äty.

2 Crónicas 32:21

Ënet ja Wintsën tkexy ja kyukäjpxy ets tyaj'o'ktaay ja Asiria ja'ayëty ja wyintsëntëjkëty ets ja ja'ayëty mëti'ipë ënety tsip'ixyëtyën ets ja kopktëjkëty mëti'ipë ja myëku'ukëty tyu'uwinye'eytyëpën. Tä ja Senaquerib ojts wyimpijnë wintsëtyu'un jëjptsëtyu'un ma kyajpnën, jam jyäjty ma ja tsajptëjkën ma jap tmëët'atyën ja tyios, ka'apë Tiosëtyën, e wäänë y'ijty tä jäpyë kyë'ëm u'unk yaj'o'kë.

Isaías 14:2

May nëjkx ja ja'ay tpatsoontë ja Israel ja'ayëty ets nëjkx najtswowëtë ma nyaax kyajpnëtyën; ja Israel ja'ayëty wyoownëjkxantëp ja ja'ay mëti'ipë mëtuunëtëpën jam ma ja Wintsën ja it nyaaxwiinyëtë të myo'ojëtën. Ja Israel ja'ayëty tsumy matsy nëjkx tyajnëjkxtë ja ja'ay mëti'ipë ënety të tsyum të myatsëtën, nëjkxëp ëxëëk tuntë mëti'ipë ënety ëxëëk të tyunëtën.

Isaías 21:15

Jä'ä ko yë'ëjëty yë'ë kyukäk kyupujtëp ko pën kyupuxëtëty mëët ja tëypyujxn jëjpme'epyë, ko pën kyuti'pxëtëty ets ko jam tsipjotm myëtsip yajtëkoyëtëty.

Isaías 27:7

Yë Wintsën ka'ap jëtu'un të tëytyuny yë Israel ja'ay tä yë myëtsip të tëytyunyën, ka'ap jëtu'un të tyaj'ooky ijxtëm yë myëtsip të tyaj'ookyën.

Isaías 33:1

Janty mon janty tuk mijts myajpaaty mëti'ipë naax kajpn mye'tsypyën ets mits ka'ap myajmeetsy; mëti'ipë jyiiky myëku'uk kyë'ëyäjkpyën ets mijts ka'ap pën mkë'ëyäkyë. Ko ënety tëë xyajkutëkooytyä'äy ja naax kajpn, tääts nëjkx mijts mkutëkoy, ko ënety tëë ja mmëku'uk xy'ayäky xykyë'ëyäky, tääts nëjkx mijts myajkë'ëyäky.

Isaías 66:16

Yë Wintsën, jëën yajtunäämpy ko ënety tuny ja nipaye'eyën ets tukwinmëtoowa'any ja naax kajpn ja nyëë pyoky, tëypyujxn nëjkx tyajtuny ets tkupujxa'any may ja ja'ay.

Jeremias 46:10

Ya'atë xëëw jëtu'un xyëëwajtyp, Wintsën mëti'ipë maaytyääyëpën winë, ya'atë xëëw tuunwinpita'any ijxtëm yë myëtsip të tyunyën. May yë ja'ay kupuxy y'ooka'any koonëm kyu'uxëtëty, koonëm myu'ukëtëty. Yë Wintsën mëti'ipë maaytyääyëpën winë, yaj'ookäämpy yë ja'ay.

Ezequiel 21:28

Jëtu'un yë Dios y'ënä'äny: Mijts ye'etyëjk, nikajpx nimëtya'ak yë n'aaw n'ayukës ets xy'ënëëmëty yë Amón ja'ayëty mëti'ipë nyëxik tyukxiktëpën yë Israel kajpn, ko ja tëypyujxn jëjp'ixy yajpatnë ma yë'ëjëtyën: tëë yajxon yajme'ey, atë'kxp awëtsujkp yaj'ijxnë, je'eyë yaja'ay ookanë.

Isaías 10:25

Jä'ä ko wiinkoonp ja xëëw jëmëjt ma ja ëyo'on jotmay t'ixa'antën yë ntsip n'äkës yë'ë yajkutëkoyanëtëp.

Isaías 17:13

Ko ja Wintsën y'ojëtë, ënätyë kyääkjoktë ets jëkäm nyëjkxtë, jëtu'un tä pu'uxm wyimpapojyën tunkëjxm, jëtu'un tä äpnytyë'ëts pyojë'ëkyën ko mëktuupoj myiny.