Isaías 31:2 - Biblia Dc en Mixe de Quetzaltepec

² E yë'ë nän tyukjajtyp wi'ix ja ëyo'on jotmay tpëjkta'akëtyën, ko tii tnikäjpxy ka'ap ok y'ayuk tukxi'iky. Yë'ë ëxëëk tyajjata'any tyajkëpäta'any ja mëti'ipë tuuntëkoopy kajpxtëkoopyën ets mëti'ipë ëxëëk ëtëtsp ënaanpën.

Biblia Mixe de Quetzaltepec

² E yë'ë nän tyukjajtyp wi'ix ja ëyo'on jotmay tpëjkta'akëtyën, ko tii tnikäjpxy ka'ap ok y'ayuk tukxi'iky. Yë'ë ëxëëk tyajjata'any tyajkëpäta'any ja mëti'ipë tuuntëkoopy kajpxtëkoopyën ets mëti'ipë ëxëëk ëtëtsp ënaanpën.

Isaías 31:2 ပူးပေါင်းရင်းမြစ်များ

Job 12:13

Je'eyëp ko Dios ni'ik yë wyijyëty ets maaytyääyëp winë; yë'ë winë tyuknipëjktakëp ets tuny.

Job 12:16

Yë myëk'ajtën yë'ë xëmë yajmëtakëp. Aakjam yajpata'atë yë ja'ayëty mëti'ipë win'ë'ëntëpën ets mëti'ipë yajwin'ë'ëntëpën.

Job 5:13

Kë'ëm yë ëxëëkja'aytyëjk ëxëëk nyätyuktunyë yë y'ëxëëkjot y'ëxëëk winma'any, yë'ë yajma'tääpy yë winma'any mëti'ipë yë ëxëëkja'aytyëjk të tjamay të tjatajtën.

Isaías 1:4

Mëkës njajantyjyawë ko je'eyë nëë poky tuntë tkajpxtë, ja naax kajpn mëti'ipë je'eyë ëxëëkpë myë'ijtypyën, ets ja ja'ay mëti'ipë je'eyë jyot wyinma'any yajtëkooytyëpën; ja u'unk ëna'k ka'apë nijënu'un jyä'äkyukëtën. Tëë ja Wintsën tmëjëkämkäknëtë, tëë tpuwa'ktutnëtë ja Dios mëti'ipë wa'ats yajpatpën jam ma Israel ja'ayëtyën, tëë yajxon t'ëxmajtsnëtë.

Isaías 14:20

Mijts ka'ap nëjkx mnaaxtëkë tä wiinkëtypë yajkutujkpë të nyaaxtëkëtën, jä'ä ko mijts xit ko'ow ojts mnaax mkajpn xytyuny, je'eyë mmëkunaax mmëkukajpn të xyaj'ooky të xyajtëkoy. Ja y'u'unk y'ok ja ja'ay mëti'ipë ëxëëk të y'ëti'itsy të y'ënä'änyën ka'ap nëjkx jeky jyuuky'äty.

Isaías 21:17

Wäänë jam Quedar jyaak wë'ëma'any ja ti'px mëti'ipë tsiptuunpë ja'ay myëtsiptuuntëpën. Yë Wintsën mëti'ipë Israel ja'ay y'ëwtajtëpën yë'ë jëtu'un ënaanp.

Isaías 22:14

Yë Wintsën mëti'ipë maaytyääyëpën winë, tëëjës xy'ënëëmë: Ëjts ka'apës tääpë ja'ayëty npokymyä'kxa'any; miits jëyëjp m'ookantëp ok yë'ëjëty. Jëtu'un y'ënä'äny ja Wintsën mëti'ipë maaytyääyëpën winë.

Isaías 28:21

Jëtu'un nëjkx ja Wintsën winë tuny tä jam Perasim winë tuunyën, ets tä jam Gabaón joyjotmën, nëjkxëp ja myëj'ajtën tyaj'ixyë ka'apë nijëna'a yaj'ixynyëmën, ets tyajwintu'upëka'any mëti'ipë të tuknipëjktaakën.

Isaías 28:29

Näyjyëtu'un të tuknipëjktaakë yë Wintsën mëti'ipë maaytyääyëpën winë. Yë'ë janty oyëty winë të tuknipëjktakëtyä'äy ets tyuunpy mëti'ipë të tuknipëjktaakën.

Isaías 30:3

Je'eyëp ko ja Egiptë yajkutujkpë ka'ap nëjkx oy kyëwent'atëtë, ja tsoktakn mëti'ipë ënety të tjapaatën jap Egiptë, je'eyë nëjkx o'ktëy tmëjatë.

Isaías 30:7

Ka'ap tii myäyë, ka'ap tukjaty wi'ix pyutëkëtëtyën, paatyës të nxëëwmo'oy: Mëj jëyujk mëti'ipë je'eyë ni'tspën ets ka'ap tii tuny.

Isaías 31:3

Yë Egiptë ja'ayëty, ja'ay yë näjyëtu'unëty, ets ka'ap tyios'atë; yë këwaayëty, jëyujk yë'ëjëty ets ka'ap pyoj'atë. Yë Wintsën nipëtë'ëkanëtëp yë'ëjëty ets tyiytyuna'anëtë, tu'ukyë ëxëëk jyata'an kyëpäta'antë, jëtu'un ja mëti'ipë kuwaanpën ets mëti'ipë yajkuwaanpën.

Isaías 32:6

Jä'ä ko yë ëxëëk ja'ay ëxëëkëty kyäjpxy myëtyä'äky ets aak ëxëëkjaty tii tnimay tnitajë; yajja'ay ookaanp je'eyë ets wiinkjaty tnimëtyä'äky ja Wintsën; ja mëti'ipë ja yuu'o'këpën ka'ap tkääky mye'ey; mëti'ipë tëtsëpën, ka'ap tyajnëë'uuky.

Isaías 45:7

Ëjts nyajtë'kxyp nyajjäjpy ets ëjts nyajkoots'ajtyp, nyaj'oy'ijtypyës winë ets nyaj'ëyo'onpatypyës tii. Ëjts, maas nWintsën'atyën, ntuuntääpyës oy tyimtiijëty.

Isaías 9:17

Paatykyëjxm ja Wintsën ka'ap të tpa'ëyoy ja ëna'ktëjk, ja ku'ooky u'unktëjk ets ja ku'ookytyo'oxy. Jä'ä ko aak ëxëëk ja ja'ay ja jyot wyinma'anyëty, aakyë'ë myääytyëp tyajtëp ka'apë mëpaat tuntën, ko kyajpxpëtsëmtë tsaatsy ma'atëty yajmëtoy. Paatykyëjxm ka'ap ja Wintsën ja jyoot'an xyeemy ets ka'ap tyajjëwä'äky ja tsyip y'äkë.

Jeremias 10:12

Yë Wintsën jä'ä ojts tyajkojy yë naaxwiinyëtë mëët yë myëk'ajtën, mëët yë wyijy'ajtën tyajta'tspëjky, mëët yë kyëpetyajtën twijtstëëy yë tsajp.

Jeremias 10:7

¿Pën mka'ëktsë'ëkëtëp, mijts yajkutujkpë ma tëkokyë naax kajpnën? Mijts mpatëp myajtsë'ëkëty. Ma tëkokyë yë ijxpëkyjyä'äytyëjkën ets ma tëkokëty yë yajkutujkpëtëjkën naaxwiinypë yajpaatën, kamaa jëtu'unpë tä mijtsën.

Jeremias 36:32

Ënet ja Jeremías t'ijxy tu'uk yë noky ets tmooy ja Baruc, mëti'ipë yajjääpyën ets ja Baruc jatëkok tjaaytyääy wi'ix ja Jeremías y'ënä'änyën, yë'ë ja aaw ayuk mëti'ipë ënety jap të t'ëkjääpyën ma ja mëjëyëjpën mëti'ipë Joaquim yajkutujkpë nyino'kën. Ojts yë Jeremías tjaakyajkëxja'ayë wiinkpë aaw ayuk jëtu'unpë kyäjpxyën.

Ezequiel 29:6

Tëkokyë yë Egiptë ja'ayëty nëjkxëp tnijawëtë ko ëjts Wintsën. Ojts yë Israel kajpn jam yë näypyutëkë tja'ixta'ay ma mijtsën, mijts tsajpkäpnyën mnäpyëjktakë:

Amós 3:6

ko yajtukxu'uxy yë tsajpkaawaj, ënätyë ja'ay tsyë'ëkëtë; ko tii ëyo'on kyëtä'äky ma naax kajpnën Wintsënën të tnipëjktaakë.

Sofonías 3:8

Paaty miitsëty ëwxitë, pyatyp ja xëëw maas nikajpxanën yë pyokyëty. Ëjts Wintsën, ëjts ënaanp: Tëës ntuknipëjktaakë koos nyajtu'ukmujkta'aja'any yë naax kajpn ets yajkutujkpëtëjk etsës nyajnaxa'any yë ntsip n'äkë ets njoot'anës. Tu'kë'ëyë yë naax kajpn kyutëkooytya'aja'any mëët yë ntsip n'äkës mëti'ipë jëënmëët minaanpën.

Zacarías 1:6

E yë n'ayukës ets n'ënä'ämënës, mëti'ipës ënety të ntuknipëktën ja nkäjpxynyajxpëtëjkës, ojts pyaatëtë yë m'ap m'okëty. Yë'ëjëty ojtsës xynyiwinpitë ets ojts tja'akyukëtë ko paatyës ënety o'ktëy të nyajjat të nyajkëpätë jä'ä ko jëtu'unëtën ënety nyitëkëtë ja y'ëxëëktu'un y'ëxëëkkajpxënëty, ko ka'ap ënety tii oy të tuntë.

Mateo 24:35

Këxaanp naxaanp yë tsajp ets naaxwiinyëtë, e yë n'aaw n'ayukës nijëna'a kyakëxa'any kyanaxa'any.

Romanos 16:27

Ja Dios, tu'ukyëpë wyijy'äty kyejy'ätyën, wä'än yë'ë tyajmëjjaw tyajjaantyjyawë xëmëkyëjxm mëët ja Jesukristë. Jëtu'un y'itëty.

Josue 23:15

E jëtu'un tä yë'ë oy winë të tuunta'ayën, tä të tnikäjpxyën; näjyëtu'un ja ëyo'on jotmay tyajkëta'aka'any ma miitsëtyën.

1 Samuel 2:3

Ka'ap tjëkyepy pën amëj akëjxm kyajpxëty myëtya'akëty, e ka'ap tjëkyepy pën nyämyëjawëtëty. Jä'ä ko yë Dios yi'iyë tu'uk winë nyija'ap, ets yë'ë y'ijxyp tyuunpy wi'ixjaty pën tii tunyën.