Isaías 30:8 - Biblia Dc en Mixe de Quetzaltepec

⁸ Min ets xykyëxja'ajëty kepykyijxy, jëtu'un jam xykyëxja'ajëty tä ja'ay muum tii tkëxtsa'ayën yë'ë ijxpäjn wa'anëp xëmëkyëjxm.

Biblia Mixe de Quetzaltepec

⁸ Min ets xykyëxja'ajëty kepykyijxy, jëtu'un jam xykyëxja'ajëty tä ja'ay muum tii tkëxtsa'ayën yë'ë ijxpäjn wa'anëp xëmëkyëjxm.

Isaías 30:8 ပူးပေါင်းရင်းမြစ်များ

Isaías 2:2

Tsojk yajnijawëja'any jëna'a jotkujk yajpaata'anyën ja Sión kopk, ma ja Wintsën ja tsyajptëjk yajpaatyën. Jää nëjkx myintë may ja ja'ayëty.

Isaías 34:16

Jap pa'ixtë ma ja Wintsën ja nyokyën ma winë jaaypyety myiinta'ayën, nitu'uk ya'atë jëyujk kyatëkoy'ata'any, tu'kyä'äy tu'kto'oxy jap myina'antë kuja'ay jä'ä ko jëtu'un yë Wintsën të tuknipëjktaakë ets tëë tyajtu'ukmujkta'ay tu'k nasxäjë.

Isaías 8:1

Jëtu'unës ja Wintsën të xy'ënëëmë: Jam tu'uk yë kepy xy'ixta'ajëty, tu'kpuxyën ets jam xykyëxja'ajëty Maher-salal-hasbaz. Mëjjatyëty xyjya'ajëty ets yaj'ixkapëty.

Jeremias 23:20

Jäänëm yë Wintsën yë tsyip y'äkë nyaxa'any ko ënety tuny tkäjpxy mëti'ipë të tuknipëjktaakën. Yë'ënëm nëjkx tpaaty nyixëëw nyipo'o täänëm ya'atë xyjyä'äkyukëtëty.

Jeremias 30:2

Yë Wintsën mëti'ipë Israel ja'ayëty Tyios'ajtëpën, jëtu'unës të xy'ënëëmë: Jam këxjaaytya'a ma tu'uk yë nokyën tu'kë'ëyë mëti'ipë të ntukmëmëtyä'äkyën,

Jeremias 36:2

Ix tu'uk yë noky apity ma xykyëxjaaytya'ajëtyën tëkokyë mëti'ipë të ntuk'ëwaanën mëëtpë yë Israel ja'ayëty, Judá ja'ayëty ets wiinkëtypë naax kajpn, wa'ats xykyëxjaaytya'ajëty maju'unëm nikajpxtsoonyënës ets tyampaat.

Jeremias 36:4

Ënet yë Jeremías tuknipëjky yë Baruc, yë Nerías yë myaank ets tnajtskajpxëy jëtu'un tä ënety ja Wintsën të y'ënë'ëmxëtyën. Yë Baruc wa'ats tkëxjaaytyääy.

Jeremias 48:47

Je'eyëp ko nëjkxëpës ok jatëkok nyaj'oyë yë mjuukyajtën, mijts Moab; ëjts Wintsën, ëjts ënaanp. Ya'atë ëyo'on jotmay, yë'ë ojts yajtuk'ëwaanëtë yë Moab ja'ayëty.

Jeremias 51:60

Yë Jeremías tëë ënety tjaaypyäjta'ay nokykyijxy ja ëyo'on jotmay mëti'ipëjaty ja Babilonyë kajpn tukja'tanëpën,

Ezequiel 38:16

Jëtu'un nëjkx xynyitëkë yë Israel kajpn, mëti'ipës nkajpn'ajtypyën. Mijts Gog, jëtu'un nëjkx xyajwintuky yë naax kajpn tä yë yëk yootsën. Nëjkxëp ntuknitëkë yë nnaax nkajpnës, jëtu'unts nëjkx mijts xymyëtunyës ets jëtu'un wiinkëtypë naax kajpn nëjkx tnijawëtë ko ëjts Wintsën, koos nyajnikëxë'ëky ko ëjts wa'atsës.

Oseas 3:5

Ok jatëkok yë Israel ja'ayëty tniwinpita'antë yë Dios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënety tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënety jotkujk yajjuuky'atëtë.

Habacuc 2:2

Tëës yë Wintsën xy'ëtsoy ets të xy'ënëëmës: Jam këxjaaytya'a mëti'ipë yam ntuk'ënëëmëjäämpyën ma naaxmajën tëëpë tyëkäjkë'ëkyën ets jyëkyäpëp yajwinpakajpxëty.

Deuteronomio 31:19

E paaty yam mijts ntuk'ëne'emy ets xyjyääypyätëty ya'atë ëy ets xytyukni''ixëty yë Israel ja'ayëty, wä'än t'ëwtë ets nëjkx yë'ë yajtukja'amyetsy, ko tëëjës ntukjoot'anpëktë.

Deuteronomio 31:22

Moisés ojts jëtu'unpë ja ëy tja'ay, jä'ä xëëw ma ënety ja Dios të tyuk'ëne'emyën. Ko tjaaytyääy, tääts ojts tukni''ixë ja naax kajpn ets tjajtë.

Deuteronomio 31:29

Jä'ä ko wa'atsës nijawë, koos ënät n'o'knëty yajtëkoytyëp ënät ja jyot wyinma'anyëty ets t'ëxmajtsnëtëty ja n'aaw n'ayukës, mëti'ipë të ntuk'ënä'ämtënës tpanëjkxtëty. Ets nän ntimnyija'apës wa'ats, ko ënät jëtu'unpë ja winma'any tpaatëty, ëxëëk nëjkx tmëjat tmëkëpätë, mëët ko ja Wintsën ënety tkamëmëtowtë ets tkamëjpëjkta'aktë ets jëtu'un të tyajjoot'anpëktë.

Deuteronomio 4:30

Ma ënety miits xymyënax xyajnaxtën ja ëyo'on jotmay ets ja monyëtukyë ets mjootwinpitëty jatëkok xymyëmëtowtëty ja mWintsën Tiosëty.

1 Timoteo 4:1

Wa'ats ja Kënu'kxymyëkajtën tnikäjpxy ko ja ja'ay t'ëxmatsa'antë ja mëpëjkën ko ënety ja tiempo kyëxanë, yë'ë pyatunantëp ja ijxpëjkën ka'apë myëtëyëtyën mëti'ipë ku'oypyë jyä'ä'ajtypyën.

2 Pedro 3:3

Kopkpëky ko xynyijawëtëty, ma ënety ja naaxwiinyëtë kyëxanën, jää'atantëp ja ja'ayëty mëti'ipë ja Dios nyëxi'ikan tyukxi'ikantëpën, mëti'ipë ja y'ëxëëk winma'any yajtunantëpën,

Judas 1:18

Ko y'ënantë: Ma ja xëëw ënety kyëxanën, tää'atantëp ja ja'ay mëti'ipë je'eyë ja Dios ja jyä'ä nyëxi'ikan tyukxi'ikantëpën, jëtu'un winë tuna'antë tä ja y'ëxëëk winma'anyëtyën, ijxtëm ënety kë'ëm timtsyoktën.