Isaías 30:7 - Biblia Dc en Mixe de Quetzaltepec

⁷ Ka'ap tii myäyë, ka'ap tukjaty wi'ix pyutëkëtëtyën, paatyës të nxëëwmo'oy: Mëj jëyujk mëti'ipë je'eyë ni'tspën ets ka'ap tii tuny.

Biblia Mixe de Quetzaltepec

⁷ Ka'ap tii myäyë, ka'ap tukjaty wi'ix pyutëkëtëtyën, paatyës të nxëëwmo'oy: Mëj jëyujk mëti'ipë je'eyë ni'tspën ets ka'ap tii tuny.

Isaías 30:7 ပူးပေါင်းရင်းမြစ်များ

Isaías 2:22

Këtii yë naaxwiinyëtë ja'ay xytyuk'ijxpätëty, nitii tkakëjxmëty, wäänë jyuuky'ajtkojy.

Oseas 5:13

Ko yë Efraín nye'ixëtëty pëjkëp ijxëp ets Judá t'ijxpaatëty yë tsyëtyut, ënät nëjkx yë Efraín nyijkxy jam Asiria ets putëjkën t'amëtowëty ja Asiria yajkutujkpë, e yë'ë ka'ap nëjkx myäyë wi'ix yajtsokxëtëty ja pyu'uts ets ja tsyëtyut.

Lamentaciones 3:26

Oy ko yë Wintsën n'a'ijx njëjp'ijxmëty yë näypyutëkë, yë'ë nyija'ap jëna'a xypyutëkëja'anëmë.

Isaías 7:4

ets xy'ënëëmëty: Mnäkyëwent'atëtëp, je'eyëp ko këtii mtsë'ëkëty ets këtii xyajtëkatsëty yë mwinma'any ko xy'ixëty yë tu'ts nyitoy.

Éxodo 14:13

Tä ja Moisés ojts y'ëtsowëtë: Këtii mtsë'ëkëtë, yajpaatë amëk jotmëk, yë Dios jëtu'un të tuknipëjktaakë ets tyam xy'ixtëty wi'ix myajtso'oka'anëtë; yë Egiptë ja'ayëty nijëna'a nëjkx jëtu'un tka'ëk'ijxnëtë, tä tyam t'ixa'antën.

Jeremias 37:7

ja ja'ayëty mëti'ipë të nyiminyëtën: Ënëëmëtë yë Judá yajkutujkpë mëti'ipë të mkäxëtën etsës winë xyajtëwtëty, ko ja yajkutujkpë mëti'ipë jap Egiptë ënä'ämpën tëë ja tsyiptuunpëtëjk wyimpijta'atë mëti'ipë të y'ëna'antën ko mputëkëja'anyë.

Isaías 51:9

Pëtë'ëk, ëkma'aypyëtë'ëk, yajpëtë'ëk ja mkë'ë m'aaw Wintsën, ëkpëjkta'ak ja mmëjaaw; ma'aywyij jëtu'un tä ojts mma'aywyijyën tëëyëp. Ko xyajkutëkooy ja Rahab, mëti'ipë ënety jëtu'unën tä tu'uk mëj jëyujkën nëëjotypë.

Isaías 30:15

Jëtu'un y'ënä'äny ja Wintsën, Wa'atspë yajpaatyën ma Israel ja'ayëtyën: Jootwinpitë ets mjotkujk'atëty; xeemy ets tu'uwitsy nëjkx mjuuky'atë, yë'ë mtukjotmëk'atëp. Je'eyëp ko miitsëty ka'ap oy ja jëtu'unpë xymyëtowtë,

Isaías 28:12

Jä'ä ko ojts tëëyëp yaj'ënëëmëtë: Tyaa ja jotkujk'ajtën, tyaa ja po'kxtakn; wä'än yaa tpo'kxtë mëti'ipë tëë y'ënu'kxëtën, E yë'ëjëty ka'ap ojts jyä'äkyukëtë.

Job 9:13

Ko yë Dios jyoot'anpëky, tsip ets jyoot'an xyäämëty; ko yë Rahab yë jyä'äy tii tjatuna'any jam ma Tiosën, jëtu'unyë nyaaxkëtakta'atë.

Salmos 87:4

Ja kajpn mëti'ipës xy'ixy'ajtëpën, jyëkyejpyës nikajpxëty Egiptë ets Babilonyë, Filistejë, Tirë ets Etiopíë; tëkokyë yë'ëjëty jam ojts myintë jya'të ma mijtsën.

Salmos 89:10

ojts xykyutä'änë'ëky yë jëyujk mëjëtypë nëëjotypë y'itën, tä o'kpën, ojts xy'awojpwa'kxta'ay yë mëtsiptëjk mëët yë mmëjajtën.

Isaías 10:3

¿Tii mtuunta'akantëp ko ënety pën myajtëwëtë mëti'ipë mtuuntëkooytyëpën, ets ko ënety mtukmin mtukja'tëtë ja tëytyuunpë? ¿Pën ja näypyutëkë m'amëtowantëp? ¿Maa ja maywyit maymyeeny xypyëjkta'aka'antë?

Isaías 20:6

Tääts nëjkx y'ëna'antë ja'ayëty mëti'ipë mejy winkon tsënaaytyëpën: Ix ja jyajnë ja kajpn mëti'ipës të ntuk'ijxpäjtëmën, mëti'ipë ënety xëmë nmëye'eyëmën ets xynyiwaantutmëty ma ja Asiria ja'ayëtyën. ¿Tyam wi'ix ënät nnäkyuwa'anëmëty ets nnäyajtsokëmëty?

Isaías 30:5

je'eyë nëjkx o'ktëy tmëjatë tääpë naax kajpn, ka'ap nëjkx nitiiputëjkën ets nitii jotkëtakën myo'ojëtë; je'eyë nëjkx yajmon yajtukëtë ets yaj'ëyo'onpaatëtë.

Isaías 36:9

Mijts ka'ap mmayëtëty xyajkä'äkëty nitu'ukën yë Asiria ja'ay ¿wi'ixën jap Egiptë xypyaata'any ja mëti'ipë kwaay tyuk'u'unyääytyëpën?

Proverbios 25:19

Ko ja ja'ay ntuk'ijxpäjtmëty mëti'ipë ka'ap wyintëy wyinkujkëtyën jää jotmayjoty, jëtu'un tpaaty tä jeexyë tekytyu'uk pën ye'eyën jä'ä ko tekytyëj, ëkë tä jeexyë tyëts tukkayën mëti'ipë të kyutëjtu'utyën.