Isaías 30:6 - Biblia Dc en Mixe de Quetzaltepec

⁶ Ma yaj'akäjpxyën wi'ix jyata'antën ja jëyujkëty jam Négueb: Ma ja it naaxwiinyëtën kutsë'ëkëpë, ma tsyëënëtën ja kaa ets myu'utë nyiitstë, ma tsyëënëtën ja tsa'any ets jëyujk mëjatypë mëti'ipë kääkëtijtëpën, ja krukts ets ja kwaay tyukmëjnëjkxtëp jap Egiptë ja wyit myeenyëty, ma ja kajpnën ka'apë tii tkëjxmëtyën.

Biblia Mixe de Quetzaltepec

⁶ Ma yaj'akäjpxyën wi'ix jyata'antën ja jëyujkëty jam Négueb: Ma ja it naaxwiinyëtën kutsë'ëkëpë, ma tsyëënëtën ja kaa ets myu'utë nyiitstë, ma tsyëënëtën ja tsa'any ets jëyujk mëjatypë mëti'ipë kääkëtijtëpën, ja krukts ets ja kwaay tyukmëjnëjkxtëp jap Egiptë ja wyit myeenyëty, ma ja kajpnën ka'apë tii tkëjxmëtyën.

Isaías 30:6 ပူးပေါင်းရင်းမြစ်များ

Génesis 12:9

Jëtu'un ja Abram tyu'uye'ey, xii yaa muum wäänjaty tsyënaaytyaknpëky ets jam jyä'äjty Négueb y'itjotmën.

2 Crónicas 16:2

Asá wa'ats tju'taay ja pu'ts pujxn ets ja poop pujxn japë yajpaatyën tsajptëkoty ets ma kutujkëntëjkën, tääts tuknikejxy ja Ben-adad, jampë Sirië yajkutukyën, mëti'ipë jam Damaskë tsënääpyën. Ojts tuknikexy ya'atë aaw ayuk:

2 Crónicas 9:1

Ja to'oxytyëjk mëti'ipë yajkutujkpën jam Sabá ojts tnijawë ko ja Salomón mëj'äämpy ja ja'ay jyëkyepyë oymyaakajpnëty; paatykyëjxm ojts tninëjkxy jam Jerusalén ets t'ixmatsa'any mëët ja yajtë'ëwën tsipëtypë. Ko jyä'äjty jam, may ja ja'ay pyamiinë mëti'ipë jämyëët'ajtëpën ets may tyajmiiny jëyujk jëku'ux, tsooy mëti'ipë pa'akxu'kpën, pu'ts pujxn ets ja tsaa oyëtypë. Ko jam jyä'äjty ma ja Salomón yajpaatyën, tëkokyë tyajtëëwta'ay mëti'ipë ënety të tnimay të tnitajën,

Job 39:11

¿Mtuk'ijxpätäämpyën ko myëkëty ets m'ënaanpën mmëtunëtëty oyë?

Éxodo 1:14

Mëk tyajtëëy tyajyaxtë mëët ja tuunk ëyo'on mëkëtypë, yajxon ja naax mo'onts tuunk'ajtë mëti'ipë ja muutsy tyukyajkojtëpën, näjyëtu'un ja mëti'ipë ojts jam tyuntën kamwinm tu'uwinm, mëk ojts y'ëyowtë mëët ja tuunk ëyo'on ëxëëkpë tsaatsypë oy myaa'ajnë jap Egiptë.

Isaías 14:29

Këtii nëkoo mjotkujk'aty mijts filistejë kajpn, ko ja kepy të tyijy mëti'ipë myajtukwojpën; jä'ä ko tsa'any tu'uk pëtsëmaanp ma ja tsa'anytyaak y'ityën, tääpë tsa'any kääkë'ëkaanp yë'ë.

Isaías 15:7

Paaty ja ja'ayëty mëti'ipë näjyëjp'ijxëtëp wiinktsow tmënëjkxta'atë ja wyit myeenyëty ets ja pyëjktä'äkyëty, myëninajxtëp jam ma wokjot txëëwatyën Álamos.

Isaías 19:4

E ëjts jamës yë Egiptë ja'ayëty nyajnëjkxa'any ma tu'uk ja yajkutujkpën mëti'ipë ka'ap nijënu'un kyäjpxyjyä'äkyukën, mëti'ipë ka'ap pën tpa'ëyoyën. Jëtu'un ja Wintsën y'ënä'äny mëti'ipë maaytyääyëpën winë.

Isaías 35:9

Ka'ap jyam'ata'any yë kaa, nitii jëyujk jam kyayajpaata'any mëti'ipë kutsë'ëkën. Jam nyaxa'antë mëti'ipë ënety ja ëwaatsë'ajtën të tpaatën.

Isaías 5:30

Tääpë kajpn, ko ënety xëëw jëmëjt tpaaty, jëtu'un nëjkx yajmëtoy tä mëjmejyën ko ënety tukja'ty yë Israel kajpn; kootsëm nëjkx yë naaxwiinyëtë jyäty ets wa'ats nëjkx pyi'tsta'ay yë të'kxpë jajpë.

Isaías 57:9

Pëyi'ikyë ojts xynyinëjkxy ja tios Mélec ets oyjätyëty ja pa'akxu'kpë tsooy të xymyënëjkxy; jëkämpaat xykyejxy yë mtuunpë ets xynyikäjxëy ets myinëty, koonëm xyajkuka'anajxy jap ma o'kën yajkutukyën.

Isaías 8:22

Ko nëjkx jyanaxku'ixëtë, yi'iyë pyaatantëp ja monyëtukyë ets kupi'its kukoots wyë'ëma'antë.

Jeremias 11:4

Yë'ë ja käjpxytyu'unën mëti'ipës mëët ntuunyën ja y'ap y'okëty koos jap nyajpëtsëëmtë Egiptë, ma ënety yajpaatën jëtu'un tä jeexyë jyuuky'atën ma jëëntooytyaknën ma pujxn wyin'ëëtsyën. Ojtsës n'ënëëmëtë: Mëmëtoowtëkës, tuntë tu'kë'ëyë mëti'ipës ni'ënä'ämëpën ets jëtu'un nkajpnniwa'antëty etsës miitsëty xyTyios'atëty.

Jeremias 2:6

Yë'ëjëty ka'ap ojts tmëmay tmëtajtë etsës ëjts xy'ixta'atëty, ëjts mëti'ipë ojts jyuutëtën jap Egiptë, mëti'ipë tu'uwinwoowëtën jam të'ëts'itjotm ma y'anë'ëk tyëëtsë'ëkëtyën ets ma jya'awjotëtyën, ma ka'ap yë nëëjën ets ma kyutsë'ëkëtyën, ma ka'ap pën tsyëënën ets ka'ap pën nyäxyën.

Ezequiel 20:46

Mijts ye'etyëjk, nëjkx jam ëpa'tkë'ëmtsow; nëjkx jam mëtyä'äky, ëjts yë nxëëw mtukajpxpätëp yë'ë mnikajpxëp mnimëtya'akëp wi'ix jyata'anyën yë yuk it ëpa'tkë'ëmtsowpë yajpaatyën,

Oseas 12:1

Yë Efraín poj jyi'kxyp: Tu'kxëëw tpaye'ey yë poj mëti'ipë xëëwpëtsëmtsyow tso'onpën. Këjääjëp yë wyin'ë'ënën ets tsyip y'äkë. Yë Asiria ja'ay yë'ë mëët käjpxytyu'unën tuny ets Egiptë ja'ayëty tyuknikejxyp yë olivë on tä tu'uk näynyamo'ojën.

Oseas 12:2

Tëë yë Wintsën tsyipëjktä'äky ma Israel kajpnën. Tyiytyunäämpy yë Jacob mëët ko ëxëëk y'ëti'itsy y'ënä'äny; jëtu'un tukumëtowa'any tä pyäätyë nyitëkëtyën.

Miqueas 6:14

Mjakayëp, je'eyëp ko ka'ap mku'uxëtëty, je'eyëm myuu'ookëtëty; mjayajmukëp mjë'kxy mpëky, je'eyëp ko ka'ap nëjkx tii xypyääty ets oy ënety tii të xyjyapaaty ko ja tsip tyunëtëty jää nëjkx tyëkooytyä'äy.

Zacarías 6:6

Yë pujxnwintëkäämpë mëti'ipë yëk kwaay pajëtujtëpën, jamtsow anëkëxmtsow nyijkxy; yë pujxnwintëkäämpë mëti'ipë poop kwaay pajëtujtëpën, jam nyijkxy xëëwkëtä'äkytsyow; e ja pujxnwintëkäämpë mëti'ipë pajëtujtëpën ja kwaay mëti'ipë poopkatsën, jamtsow nyijkxy ëpa'tkë'ëmtsow.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Mateo 12:42

Näyjyëtu'un ko nëjkx ja naaxwiinyëtë ja'ay yajpaye'ey, tso'okaanp ja To'oxytyëjk yajkutujkpë jampë y'ëne'emyën ëpa'tkë'ëmtsow; jä'äkyëjxm ko jëkäm tsyo'ony ets ja Salomón tnimiiny ets tmëtoow'ita'any ja ëëwij kajpxwijën mëti'ipë wijy Salomón nyimëtyäkpyën ets mëti'ipë tyam yaa yajpatpën mëj'äämpy ni'ik këtiinëm jyëtu'unëty ja Salomón.

Deuteronomio 17:16

Ja ja'ay mëti'ipë ënety ënä'ämpën, ka'ap mëpaat nëkooyë kyëwaay tmëët'aty ets ni tkakäxëty yë ja'ay jap Egiptë ets tyajmayëja'anëty ja kyëwaay. Jä'ä ko yë Wintsën tëë m'ënë'ëmxëtë ko ma tääpë në'ë tu'ujën nijëna'a jää mka'ëkwinpijnëtëty.

Deuteronomio 4:20

E miitsëty, Dios ojts kë'ëm mtimjyuutëtë jap Egiptë, ma ënety myajpaatën mëj jëënjotypyën ets mkajpn niwanëtë.

Deuteronomio 8:15

Ets ojts myajjëtitëtë jam të'ëts'itjotm ma ënety jam yë ëwa'anëtypë jëyujk yajpaatën, tä tsa'anyën, kaa jëyujkën, yë kä'pyën ets ma ka'ap yajpaatyën ja nëë; e yë'ë ojts yë myëj'ajtën tyaj'ixyë, ojts ja nëë tyajpëtsëmy tsaajoty ets myajnëë'ukëtë.