Isaías 30:31 - Biblia Dc en Mixe de Quetzaltepec

³¹ Ko ënety yajmëtoy ja Wintsën ja y'aaw y'ayuk ets ko ënety tyäky ja tëytyu'unën, jäänëm nëjkx ja Asiria tsyë'ëkëtë.

Biblia Mixe de Quetzaltepec

³¹ Ko ënäty yajmëtoy ja Wintsën ja y'aaw y'ayuk ets ko ënäty tyäky ja tëytyu'unën, jäänëm nëjkx ja Asiria tsyë'ëkëtë.

Isaías 30:31 ပူးပေါင်းရင်းမြစ်များ

Isaías 11:4

Nyipaye'eyäämpy ja ja'ay mëti'ipë yajpatëpën ëmaay paki'ix ets kyuwa'anäämpy ja ëyoopëja'ay ets ja mëti'ipë patëtëpën.

Isaías 10:5

Yë Asiria kajpn yë'ëjës nyajtunäämpy tä jeexyë tu'uk kepy nkajpë'ëkyënës mëti'ipës ntukwopantëpën koos të xyajjoot'anpëktë.

Isaías 9:4

Jä'ä ko mijts të xyajjëwä'äky ja nätyiytyunë, ja ëyo'owën jotëko'oyën ets ja monyëtukyë ma ënety ja wintsëntëjkëty o'ktëy y'ëtë'ëtstën y'ëna'antën, ijxtëm jam Madián tëkok jyäjty kyëpejtyën.

Salmos 125:5

Mëti'ipë ja në'ë tu'u ëxëëkpë kyuuynyëjkxtëpën, wä'än ëxëëk tjatë tä ja ëxëëkja'ayëtyën. Wä'än tjam'aty ja jotkujk'ajtën ma Israel kajpnën.

Isaías 30:30

Yë Wintsën yajmëtowanëp ja y'aaw y'ayuk mëët ja mëj'ajtën kuttujkën ets tyaj'ixa'anyë ja myëk'ajtën, atsë'ëk ajawë winë tuna'any; yë'ë yajtunäämpy jëën, ënääw, tuu ets tëtsn tuu.

Isaías 10:24

Jëtu'un ja Wintsën y'ënä'äny mëti'ipë maaytyääyëpën winë: Nnaaxës nkajpnës mëti'ipë tsënaaytyëpën Sión, këtii yë Siria ja'ayëty xytsyë'ëkëtëty, oy mjawopa'an njaka'atsa'anëtëty mëët yë kepy tsaa tä mtuunëtën yë Egiptë ja'ayëty.

Isaías 10:15

¿E yaats ënät nnäyajtë'ëwëmëty: Wä'än jëtää kë'ëm yë jatyë kyepypyuxëtyë ets ka'ap tyajmëyatëty mëti'ipë yajyu'kxëtëpën, ëkë ja jë'tn mëj'äämpy nyäyajnaxëtëty oy kyajam'atëty ja mëti'ipë yajtuunëpën? Ijxtëm tu'uk yë tajkën, kepy yë je'eyë, pën ka'ap pën yajtunyë wi'ixën txëëwatëty tajk.

Isaías 10:12

Ko ënety ja Wintsën të tyajnaxy ja tsyip y'äkë ma ja Jerusalén ja'ayëtyën, tääts tëytyu'una'any ja Asiria yajkutujkpë, mëët ko ënety amëj akëjxm të jyuuky'äty.

Isaías 10:26

Yë Wintsën mëti'ipë maaytyääyëpën winë, yë'ë tëytyunanëtëp ijxtëm jam jyäjty kyëpejtyën Madián, ma ja tsaajën mëti'ipë yajtijpën Horeb ets nëjkx tyaj'ixyë ja myëj'ajtën tä tyaj'ijxën jap Egiptë.

Isaías 14:25

Nyajkutëkoyäämpyës yë Asiria ja'ay maas ja nnaax nkajpnën ets maas yë ntun nkopkën; jëtu'unyës n'atääna'any ntuktääna'any. Yë y'ënä'ämën kyutujkën ka'ap tjëkyepy o'ktëy tunëty yë nnaax nkajpnës, yë myëk'ajtën ka'ap tjëkyepy ëxëëk tmë''ëtë'ëtsëty.

Isaías 27:7

Yë Wintsën ka'ap jëtu'un të tëytyuny yë Israel ja'ay tä yë myëtsip të tëytyunyën, ka'ap jëtu'un të tyaj'ooky ijxtëm yë myëtsip të tyaj'ookyën.

Isaías 31:8

Jää nëjkx ja Asiria ja'ay yajkupujxta'atë, je'eyëp ko ka'ap nyaaxwiinyëtë ja'ayëty jëtu'un tyuna'anëtë. Ja tsip yë'ë yajkä'äkäämpy ja ja'ay ets ja ëna'ktëjk mëti'ipë tsiptuuntëpën mëtuunpë y'awinpita'antë;