Isaías 30:22 - Biblia Dc en Mixe de Quetzaltepec

²² Nëjkxëp xy'ëxëëk'ijxnë ja m'awinax, ja mtsaapotsy ets mkepy tsyetsy mëti'ipë ja ja'ay y'oytyuuntëpën mëët yë poop pujxn ets pu'ts pujxn. Ëxëëk nëjkx xy'ijxnë ets pu'uxmën putsta'akën nëjkx xyajnajxnë.

Biblia Mixe de Quetzaltepec

²² Nëjkxëp xy'ëxëëk'ijxnë ja m'awinax, ja mtsaapotsy ets mkepy tsyetsy mëti'ipë ja ja'ay y'oytyuuntëpën mëët yë poop pujxn ets pu'ts pujxn. Ëxëëk nëjkx xy'ijxnë ets pu'uxmën putsta'akën nëjkx xyajnajxnë.

Isaías 30:22 ပူးပေါင်းရင်းမြစ်များ

Isaías 31:7

Jä'ä ko jä'ä xëëw ma ënety miitsëty ka'ap xy'ëktsojknëtën ja m'awinaxëty mëti'ipë oytyunyën mëët yë pu'ts pujxn ets poop pujxn, mëti'ipë kë'ëm myajkojtën mëët ja mkë'ë m'aawëty mëti'ipë të tyuuntëkoyën.

Zacarías 13:2

Nyajkutëkoyäämpyës tëkokyë yë awinax mëti'ipë yajpatëpën ma naax kajpnën, këtiipë pën t'ëwtatëty. Njëpëkäämpyës näjyëtu'un yë käjpxynyajxpëtëjk ets ëxëëk poj. Ëjts Wintsën, ëjts ënaanp,

Isaías 46:6

Tä ja'ay mëti'ipë may yë pu'ts pujxn yäjkpyën ets may yë poop pujxn tkijpxtä'äky ets t'ënëëmë tu'uk ja ja'ay ets t'oytyunëty yë awinax, yë'ëts y'ëwtajtyp ets twinkoxtänë.

Oseas 14:8

Ets Efraín nëjkx y'ënä'äny: ¿Tiijës nyajwa'anëty yë awinax? Kë'ëmës winë n'ixy ets kë'ëmës n'ijx'ity yë nnaax nkajpn. Jëtu'unës ëjts tä tu'uk yë tsiin kepyën xëmëpë tsyuxk'ityën, ma ëjtsën tpaata'any yë nnaax nkajpnës yë jyi'kxy pyiky.

Ezequiel 36:31

Ets ko xyjyä'ämyätstëty wi'ix ëxëëk të mjuuky'atën ets wi'ix winë ëxëëk të xytyuntën, kë'ëm nëjkx xytyëtyu'unjawëtë ja mnëëjëty mpokyëty ets ja ëxëëkpë ja mjuukyajtënëty.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

Ezequiel 18:6

ka'ap jam nyijkxy kopkkëjxm ma ja'ay tnixëëwtunyën awinax ets ka'ap tuk'ijxpety ka'apë tiosëtyën mëti'ipë Israel ja'ayëty myëët'ajtëpën; ka'ap yë myëku'uk yë tyo'oxytyëjk t'atsojkë ets wyinkutsë'këp yë tyo'oxytyëjk ko y'ëmaay'ity;

Lamentaciones 1:17

Ja jëëytyak ja nu'kxtakp yë Sión ets jyaxajtëëpy yë kyë'ë, je'eyëp ko ka'ap pën myëto'owxëty, tëë yë Wintsën tni'ënä'ämë ets myëtsip yajnatukëtëty; Jerusalén ëxëëk yë myëtsip y'ixyë ets ka'ap tsyokyë.

Isaías 27:9

Je'eyëp ko ënät tpokymyä'kxa'any yë Jacob, pën pyatuumpy mëti'ipë yaj'amëtoopën: Ko naaxwayën tuunta'ajëty yë wyintsë'këntyakn ma t'ëwtatyën ka'apë Tyiosëtyën, jëtu'un tukpu'ujëtya'ajëty tä jeexyë ja'ay tsaa twaaytyä'äkyën mëti'ipë yajaamkojpyën ets ka'ap nimaa wyë'ëmëty tu'kpuxyën yë kepy mëti'ipë y'ëwtajtypyën, yajma'ta'ajëp yë wyintsë'këntyakn ma poom tukwinjokyën yë tyiosëty.

2 Crónicas 31:1

Ko kyijxy nyäjxy ja xëëw, ja Israel ja'ayëty ojts nyëjkxta'atë kajpntum ets tjijtë'ktaaytyë ja potsy ets ja tsaa mëti'ipë ënety ja ja'ay tyijtëpën ko myëj'ajtënmëëtëty ets tukjijtëtyääytyë ja Aserá y'awinax ets tëkokyë mëti'ipë ënety wiink yaj'ijxpën, jëtu'un ja mëti'ipë jam yajpatpën ma Efraín ja kyajpnën ets ma ja Manasés ja kyajpnën. Kom'oknëm ja Israel ja'ayëty nyëjkxtaaytyë ma jyëën tyëjkëtyën.

Mateo 4:10

Ënet ja Jesús y'ëtsooy: Nëjkx mëjku'u, jëtu'un ja Dios y'aaw y'ayuk kyëxja'ayëty: wintsë'ëkë mWintsën Dios. Yë'ë tu'ukyë m'ëwtatëp ets xymyëmëtowëty.

Isaías 40:19

Tu'uk ja'ay mëti'ipë pujxn y'oytyuunpyën, yajxon tyajkojy tu'uk pujxntsetsy, tääts tu'uk yë pu'ts pujxn oytyuunpë tuknikoy yë pu'ts pujxn ets t'oytyuunë yë yo'ktëy mëët yë poop pujxn.

Ezequiel 7:19

Jëtu'unyë tko'owëtijta'aja'antë tu'ujoty ja poop pujxn mëti'ipë myëët'ajtëpën; tä pu'uxmën t'ixko'owa'antë ja pu'ts pujxn. Oy tjamëët'atëty ja pu'ts pujxn ets ja poop pujxn ka'ap yë'ë yajtso'oka'anëtë ko ënety ja Wintsën tyukjoot'anpëkëtë. Ka'ap nëjkx myäyëtë wi'ix ja yuu xëëw tyajnaxtëtyën ets ka'ap nëjkx myäyëtë wi'ix ja myox tyaj'utstëtyën, jä'ä ko ja pu'ts pujxn jä'ä ënety të yajkuka'anaxëtë jap pokyjoty.

Ezequiel 14:6

Paaty mijts, jëtu'un xy'ënëëmëty yë Israel ja'ayëty: Jëtu'un yë Wintsën y'ënä'äny: Wimpitë ma ëjtsën, ëxmatstë mtiosëty ka'apë tyiosëtyën ets majtstu'utë ëxëëk tuunk ëxëëkkajpxk.

Deuteronomio 7:25

Nëjkxëp xynyino'kta'atë ja y'awinaxëty, mëti'ipë mëët ja pu'ts pujxn ets ja poop pujxn nyikoyëtyën. Ko xy'ixtëty jëtu'un, këtii xytyontëty ets xyjyä'ä'atantëpëty. Jä'ä ko yë Wintsën y'ëxëëk'ijxyp jëtu'unpë.

Ezequiel 7:20

Ko të t'oy'ixtë kë'ëjiits kë'ëjän tääts mëj këjxm të nyäpyëjkta'akëtë ets yë'ë të tuk'oytyuntë ëxëëkpë y'awinaxëty. Paatykyëjxm nyaj'awinpitanëtës yë kyë'ëjän kyë'ëjiitsëty tä pu'uxmën.