Isaías 30:21 - Biblia Dc en Mixe de Quetzaltepec

²¹ Ko ënety muum ajotkumonë mtu'utëkoyä'äny, pojën xymyëtowa'any tu'uk ayuk mjëxkë'ëy mëti'ipë nëjkx m'ënë'ëmxëtyën: Tyaatsow ja tu'u, yaatsow nëjkxtë.

Biblia Mixe de Quetzaltepec

²¹ Ko ënäty muum ajotkumonë mtu'utëkoyä'äny, pojën xymyëtowa'any tu'uk ayuk mjëxkë'ëy mëti'ipë nëjkx m'ënë'ëmxëtyën: Tyaatsow ja tu'u, yaatsow nëjkxtë.

Isaías 30:21 ပူးပေါင်းရင်းမြစ်များ

Salmos 32:8

Yë Wintsën jëtu'un y'ënä'äny: Ëjts jamës yë nwiin ntimyajtëëynyë ma mijtsën. Ëjts mijts ntukni''ixëjäämpy winë, ets n'ëëwwijäämpy nkajpxwijjäämpy, ntukni''ixëjäämpy yë në'ë tu'u mëti'ipë mëpaat xypyanëjkxyën.

Isaías 58:11

Ëjts mijts xëmë ntu'uwinwowäämpy, je'eyëm nyajkayä'äny nyaj'uuka'any oy ënety muum të'ëts'itum myajpaaty; ets ja mjot mnini'kx amëk jotmëk yajpaatëty, jëtu'un y'ita'any tä tu'uk pëjykyamën mëti'ipë xëmë xo'kpën, ëkë tä nëëkopkën ma nëë xëmë pyëtsëëmtëyën.

Deuteronomio 5:32

E paaty yam n'ënëëmëtë, ko mtuntëp mëti'ipë të mtuk'ënä'ämëtën ja Wintsën Dios ets këtii nijëna'a xy'ëxmatstëty.

Isaías 42:16

Yë wiintstëjk nyajnëjkxä'ämpyës ma tu'ujën ets ma patu'ujën mëti'ipë ka'ap të t'ixy'atën. Ja kootsajtën, të'kxën jajën nyaj'awinpita'anyës ma yë'ëjëtyën, ja'awjot käätsjot, nyaj'awinpita'anyës. Ya'atë jëtu'un kopkpëky ntunäämpyës.

Jeremias 6:16

Jëtu'un ja Wintsën ja nyaax kyajpn t'ënëmaay: Nëjkxtë jam muum mtänëtë në'ëjoty tu'ujoty ets xy'ixtëty ma patu'ujën; xyajnitëwëtëty mëti'ipë oyën, yë'ëts panëjkxtë ets mpo'kxtëty. E yë'ëjëty tyaa ojts y'ëna'antë: Ka'ap, ka'apës mpanëjkxa'antë.

Isaías 48:17

Jëtu'un yë Wintsën y'ënä'äny, mëti'ipë myajpëtsëëmëpën ëyo'ontum, yë Dios wa'atspë jampë yajpaatyën ma Israel kajpnën: Ëjts jëtu'un Tios'ajtp mëti'ipë mWintsën'ajtypyën, yë'ë ntukni''ijxëp mëti'ipë mtuk'oy'atëpën, jam nwoownëjkxy ma ja tu'ujën mëti'ipë mëpaat xye'eyën.

Josue 1:7

Mëti'ipë mijts npëjktsoopyën, yë'ë ko jotkujk xëmë mnäjyawëtëty ets amëk jotmëk mtimy'itëty ets mjuuky'atëty tä ja ënä'ämën tëyajtën y'ënä'änyën mëti'ipë yë ntuunpës Moisés të nmo'oyën. Kopkpëky ko xyajwinkëxë'ëkëty ma mjuukyajtënën tä myinyën këxja'ay ets oy winë mwinpëtsë'ëm mjëjpëtsë'ëmxëtëty.

Proverbios 4:27

Këtii nijëna'a mtu'utëkatsëty, ets këtii jam mnëjkxëty ma ëxëëkpë tyu'uye'eyën.

Isaías 29:24

Mëti'ipë ënety ka'ap tii oy tja'akyukëtën nëjkxëp wyijytya'aktë; ets mëti'ipë ënety ka'ap tii oy tmëpëktën, nëjkxëp y'ijxpëktë.

2 Reyes 22:2

Ja tyu'unën kyajpxën ja Josías oy ja Wintsën t'ijxy, jä'ä ko yë'ë oy winë tuuny tä ja y'apteety David winë tuunyën, yë'ë ka'ap ojts ma tii tuuntëkoy.

Josue 23:6

Yë'ë patuntë ja ënä'ämën tëyajtën mëti'ipë jap miinpën këxja'ay ma ja nokyën mëti'ipë yë Moisés y'ëxajëyën.

1 Juan 2:27

Mmëët'ajtëp ja Kënu'kxymyëkajtën, mëti'ipë ja Wintsën Jesukristë mëët të mkënu'kxëtën, ets ka'ap xyajmëyatë ets pën myaj'ijxpëkëtëty, jä'ä ko ja Kënu'kxymyëkajtën mëti'ipë të mmo'ojëtën yë'ë mtuk'ijxpëjkëtëp winë, ets aakjä'ä yaj'ijxpëjkpy mëti'ipë mëtëyën, yë'ë ka'ap wyin'ëëny. Tu'ukyë mëët ja Kristë yajpaatë, jëtu'un tä ja Kënu'kxymyëk'ajtën të mtukni''ixëtën.

1 Juan 2:20

Tëë miits ja Dios mmo'ojëtë ja Kënu'kxymyëkajtën, paaty ja tëypyë jaantypë xynyijawëtë.

1 Samuel 12:23

E ëjts mëti'ipës xypyatpën, yë'ë ko tyam nkënu'kxta'aka'antë janaam jatsojk. Ntukni''ixëja'antë wi'ix mëpaat mjuuky'atën oy tsuj ets wi'ix mëpaat oy winë xytyuntën.