Isaías 30:20 - Biblia Dc en Mixe de Quetzaltepec

²⁰ Oy ënety ëxëëk të m'ëkjaty të m'ëkkëpety, ets të mmony të mtuky, yë'ë ka'ap nijëna'a m'ëxmatsa'anyë ets ka'ap jëkäm nyäpyëjkta'aka'anyë; m'ixëp ko ënety jëtu'un tuny.

Biblia Mixe de Quetzaltepec

²⁰ Oy ënäty ëxëëk të m'ëkjaty të m'ëkkëpety, ets të mmony të mtuky, yë'ë ka'ap nijëna'a m'ëxmatsa'anyë ets ka'ap jëkäm nyäpyëjkta'aka'anyë; m'ixëp ko ënäty jëtu'un tuny.

Isaías 30:20 ပူးပေါင်းရင်းမြစ်များ

Salmos 80:5

Yë nwiinnëëjëtyës yë'ëjës të xytyukjë'kxtë; ka'ap y'ëk'ëmaay'ajnë, mëpaatëpës n'uknëtë,

1 Reyes 22:27

Jëtu'un xy'ënëëmëtëty ko ëjtsës yam ni'ënä'ämëp ets tpëjkta'aktëty pujxn tëkoty ets ka'ap tmo'otëty yë kääky uuky, koonëmës nwinpitëty oy mëk maas tyam nëjkxyën tsiptuunpë.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënety ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Dios ja kyutujkënën, kopkpëky ko nku'ëyo'owëmëty.

Salmos 127:2

Ka'ap yë'ëjëty tsyowpaaty ko ja'ay tyunëty xëëwpaaty, pën oywyi'ix nyäyajkayë, yë'ë tsoowpatp mëti'ipë ja'ay Dios yajkaay yaj'ukëpën oy jyääjëty ko mya'atë pyo'kxtë.

Salmos 74:9

Ka'ap maa tii n'ëk'ijxnëtës ja mëti'ipë kënu'kxyën, ka'ap ma pën käjpxynyajxpënë mëti'ipë nyikajpxëpën tii ja Dios tyunäämpyën, ets ka'ap ëëtsëty nijawëtë mapaat jëtu'un y'ita'any.

Salmos 102:9

Kuuyjyaamës një'kxyp, jëtu'un ijxtëm jeexyë tsajpkääky nkayënës; ets maas yë n'uukyën, yë'ë mëët xyëpinyëty yë nwiinnëëjës,

Salmos 30:5

Yë'ë tsojk'am yë tsyip y'äkë tmëët'aty, yë'ë y'oyjyot ijtëëp xëmë maapaat njuuky'ajtëmën. Pën jë'ëyëm yaxëm koots, komjëpom jotkujk nyajpaata'anëmë.

Deuteronomio 16:3

Ja jëyujk mëti'ipë ënety të wyintsë'kën'atyën yë'ë mtukpakaytyëp ja nyitsu'utsy yë tsajpkääky ka'apë tsyooymyëëtëtyën, wëxtujk xëëw y'itëty yë'ë mkaytyëp yë tsajpkääky ka'apë tsyooymyëëtëtyën, tääpë jëtu'unpë tsajpkääky jä'ä yajja'akyukë ëyo'owën jotëko'oyën mëët ko jap Egiptë poj'am mtso'ontë ets ka'ap ojts wintëy m'ëkkaay m'ëk'uknëtë jä'ä ko mjotëkooytyëp ënety. E jëtu'un'äämpy wi'ix jap Egiptë mtso'ontën mapaat mjuuky'atën.

Efesios 4:11

Yë'ë pyëjktak ja ja'ay ets ja oy aaw oy ayuk tkajpxwa'kxëty, wiinkpë Dios kyäjpxynyajxpë'atëty, wiinkpë tkajpxwa'kxëty ja oy'aaw oy ayuk, wiinkpë ja mëpëjkpëtëjk t'ijx'it tkëwent'atëty ets ja wiinkpë yaj'ixpëkëty.

Mateo 9:38

Paaty miitsëty amëtowtë ja mëti'ipë nyiWintsën'ajtypyën ja pëjktä'äky ets tkäxëty may ja tuunpë mëti'ipë ja pëjktä'äky yajpëtë'ëktëpën.

2 Crónicas 18:26

Jëtu'un xy'ënëëmëtëty ko jap tpëjkta'aktëty pujxn tëkoty, wäänjaty xyajkaytyëty ets xyajnëë'uuktëty, koonëmës nwinpitëty oy mëk maas nëjkx ntsiptuna'anyën.

Isaías 28:9

Xynyimëtyaktëpës ets y'ëna'antë: ¿Pën minaanp ets xyaj'ijxpëka'anëmë? ¿Pën minaanp ets xytyuknijawëja'anëmë mëti'ipë ja Dios të tnikäjpxyën?

Isaías 33:16

Tääpë ja'ay jotkujk jyuuky'ata'any, jam tsaatunkëjxm tsoktakn tmëët'ata'any; ma nyäkyuwa'anëtëtyën, myëët'atäämpy xëmë ja kyä'äyën y'ukën, ets nëë ka'ap tyaj'ëmaaytya'aka'any.

Isaías 51:14

Mëti'ipë o'ktëy të yajtunyën pyätyp ja xëëw ma y'ëwaatsëpëtsëma'anyën; ka'ap jap pujxn tëkoty y'ooka'any ets ka'ap ja kyä'äyën y'ukën tyaj'ëmaaytya'aka'any.