Isaías 30:2 - Biblia Dc en Mixe de Quetzaltepec

² Jap pëyi'ikyë nyëjkxtë Egiptë, ëjts ka'apës pën tii xyajtëy; ja yajkutujkpë faraón jä'ä tyukjotkujk'ajtëp, jap Egiptë kyäktso'oktë.

Biblia Mixe de Quetzaltepec

² Jap pëyi'ikyë nyëjkxtë Egiptë, ëjts ka'apës pën tii xyajtëy; ja yajkutujkpë faraón jä'ä tyukjotkujk'ajtëp, jap Egiptë kyäktso'oktë.

Isaías 30:2 ပူးပေါင်းရင်းမြစ်များ

Isaías 36:6

Jëtu'unës n'ixy ko yë'ë Egiptë mtuk'ijxpejtyp. Oy, yë Egiptë ja'ayëty jëtu'un yë'ëjëty tä kepy xya'kën, ko yajmatsy tääts kyë'ëtëkë. Jëtu'un tääpë yajkutujkpë, mëti'ipë jap Egiptë ënä'ämpën ets jëtu'un tyajjaty tyajkëpety mëti'ipë tuk'ijxpäjtëpën.

Jeremias 43:7

Ojts ja Wintsën tkäjpxykyutëjtë, ni'ëmukë nyëjkxtaaytyë jap Egiptë ets jyajtë jam ma tu'uk kajpn txëëwatyën Tafnes.

Lamentaciones 4:20

Tëë yajtsumy yajmatsy mëti'ipë ja Wintsën wyin'ijxën, mëti'ipë ijty ëëts xyjyotkujkmooytyëpën, ja yajkutujkpë mëti'ipë ijty ëëts n'antijtëpën: Yë'ë wyintuuy jotkujk njuuky'ata'antës ma naax kajpnën.

Jeremias 42:20

Miitsëty mëj këjää mtëkoytyë, miitsëty ojts kë'ëm m'ëna'antë koos yë Wintsën nmëkajpxëty mëti'ipë mTiosajtëpën, kë'ëm të xy'ëk'ënëëmëtës: Mënu'kxta'ak yë Wintsën mëti'ipës nTios'ajtëpën mëët ëëtskyëjxmëty ets ënät xytyuknijawëtëtyës wi'ix y'ëtsoyën ets jëtu'un winë ntuntëtyës.

Jeremias 42:2

ets tnimiintë ja Jeremías käjpxynyajxpë ets t'ënëmaaytyë: Mëyajtën ëëts n'amëtowantëp ma mijtsën, niwaantso'ow nipëjktso'owëtëkës ma mWintsën Tiosën, këtii m'ëna'anëty ko ka'ap, maas niwäänë të nwë'ëmtën. Nimay ijty ëëtsëty tëëyëp, tyam niwäänë njaakyajpaatës, jëtu'un tä xy'ixyën.

Jeremias 37:5

Ko ojts jap Egiptë tsyoontë ja tsiptuunpëtëjkëty mëti'ipë yë faraón jyä'äy'äjtypyën. Yë Caldeo ja'ayëty ojts tnijawëtë mëti'ipë ojts ja Jerusalén kajpn tnitëkëtën, poj'am jam tsyo'ontaaytyë.

Jeremias 21:2

Tun yë mëyajtën, yajtëw wäänë yë Wintsën mëët ëëtsëty, yë Nabucodonosor mëti'ipë jam Babilonyë yajkutujkpën, yë'ëjës ëxëëk xytyuuntëp ets tëëjës yë nnaax nkajpn tyajnatuky. Wä'änxyëp yë Wintsën yë myëj'ajtën tyaj'ixëtëty ets jeexyë yë Nabucodonosor tyajwinpity ets jatëkok tnajtskäxëty ma nyaax kyajpnën. Ënet ja Wintsën ojts tmëkäjpxy yë Jeremías,

Isaías 36:9

Mijts ka'ap mmayëtëty xyajkä'äkëty nitu'ukën yë Asiria ja'ay ¿wi'ixën jap Egiptë xypyaata'any ja mëti'ipë kwaay tyuk'u'unyääytyëpën?

Isaías 18:1

Janty mon janty tuk yajpaaty ja naax kajpn ma yajmëtoyën y'amu'uy ja uux, ma ja kajpnën jampë yajpaatyën Etiopíë nëë awinaxy,

Isaías 16:3

Ets tja'ënëëmëtë ja Sión ja'ayëty: Tun mëyajtën, putëjkëtëkës ets Këwent'ajtëkës. Niwaantutëk ëëtsëty ets këtiis xykyë'ëyaktëty, yu'tstëk këëytyëkës jëtu'un tä jeexyë kyoots'atyën ko kyujkyxyëëwatëty; putëkë ja'ay mëti'ipë käkpën pujtpën ets këtii xynyikajpxëty mëti'ipë kukäkëpën mkajpnjoty.

2 Reyes 17:4

Yë Oseas ojts tëkok tjanikäjpxytyunë yë Salmanasar, je'eyëp ko yë Salmanasar ojts ënätyë tnijawë ko yë Oseas tëë ënety jyä'äy tyuknikexyë jam So, mëti'ipë yajkutujkpën jap Egiptë; ojts näjyëtu'un tnijawë ko yë Oseas ka'ap ënety y'ëkkëpäjnë ma ja yajkutujkpën Salmanasar. Ënet ja Salmanasar ojts tyajnitukë ets Oseas yajtsumëty;

1 Reyes 22:7

E ja Josafat ojts tyajtëy: ¿Ti këtii yaa maa tu'ukën yë Wintsën yë myëtuunpë mëti'ipë jeexyë näjyëtu'un nyajtë'ëwëmë?

Jueces 9:15

Ets ja äpynykyepy y'ënäny, pën janty ënantëp ets yë'ë yajkutukëty, kopkpëky ko jam yajpata'atëty ma ja y'äpkën; e pën kajts tsoktë, nëjkxëp pyëtsimy tu'uk ja jëënyä'änk mëti'ipë nëjkx tyajtooytyëkoyën ja Líbano itjotm.

Josue 9:14

Ja Israel ja'ayëty ojts tjanty y'ixtë ja jyi'kxy pyikyëty ja Gabaón ja'ayëty mëti'ipë myëmiintën ko janty jëtu'un ënety tä y'ëna'antën, ja Wintsën ka'ap ojts jëyëjp tyajtëwtë.

Deuteronomio 28:68

Oy ënety ja Wintsën të jya'ëna'any, ko mijts ka'ap jap nijëna'a m'ëk winpijnëty Egiptë, nëjkxëp jatëkok jap mwinpity. E mijts jä'ä nëjkx mwinpijnë kepy nëëwinye'epyëjoty ets ja mmëtsip nëjkx jap myajnëjkxyë ets mtookëtëty. E oy ënety pën mjatooka'anyë, ka'ap nëjkx myajjuy. Oy xyajtsojkën'atëty jeexyë jap mwë'ëmy.

2 Reyes 18:21

Ëjts jëtu'unës n'ixy ko mijts yë'ë yowë mtuk'ijxpejtyp yë Egiptë. Oy, ka'ap tääpë wyi'ixëty, je'eyëp ko yi'iyë mnijawëp, ko yë Egiptë yajkutujkpë jëtu'un yë'ë tä tu'uk yë waxk kepyën, ko nmajtsmëty ets njatajk'ata'anmëty poj'am y'u'kxy xykyë'ëtëjkëmëty. Yë faraón jëtu'un yë naax kajpn tuny mëti'ipë tuk'ijxpäjtëpën.

Isaías 8:19

Nëjkxëp ja'ay m'ënë'ëmxëtë: Yajtëwtë o'kpë ets najtsja'apëtëjk mëti'ipë amë'pxy kajpxtëpën ets ka'ap yajmëtoy wi'ixën y'ëna'antë. ¿Ëkë pën ënaanp ko ka'ap tjëkyepy tu'uk yë naax kajpn tyajnitëwëty yë tyios ëkë o'kpë anëmë wi'ix myintën ja xyëëw jyuukyajtën ja ja'ayëty mëti'ipë juuky'ajtëpën?

Jeremias 2:18

¿Tii ënät mtimpyaat mtimy'ixëp ko mnëjkxëty jap Egiptë ets xy'uukëty ja Nilë nëë? ¿Tii ënät mtimpyaat mtimy'ixëp ko mnëjkxëty jam Asiria ets xy'uukëty ja Éufrates nëë?

Jeremias 42:14

ets m'ëna'antë: Ni'ik'oy koos nnëjkxtëty jap tsënääpyë Egiptë ma ka'ap jyap'atyën yë tsip käjpxy, ma ka'ap nijëna'a yajmëtoyën wi'ix ja'ay xuxn tukxu'uxyën mëti'ipë tsip nyikäjpxypën ets ma ka'ap pën yuu'ookyën,

Oseas 7:13

Mon tuk yajpaatë ko të jyëwa'aktë maas ëjtsën. Kutëkoyantëp yë'ëjëty jä'ä ko të xykyäjpxy kumëtoownaxtës. Ëjts njatsojkpyës ets jeexyë nyajtso'oktës e yë'ëjëty je'eyë xynyi'äntaakëtës.

Oseas 8:9

Mëët ko yë Asiria kajpn të t'amëtowtë yë näypyutëkë ets të jyatë tä tu'uk jëyujk mëj ja'ayën ka'apë y'ëkja'akyujkënën. Yë Efraín tëë tyajkwä'kxy yë näynyamo'ojë ets ja'ay pyutëkëtëty.

Oseas 8:10

E oy tjäyajkwä'kxy yë näynyamo'ojë ma naax kajpnëtyën, ëjts nwojpwä'kxantëpës yam ets ka'ap jyam'ata'any yë yajkutujkpë ets wintsëntëjkëty.