Isaías 30:15 - Biblia Dc en Mixe de Quetzaltepec

¹⁵ Jëtu'un y'ënä'äny ja Wintsën, Wa'atspë yajpaatyën ma Israel ja'ayëtyën: Jootwinpitë ets mjotkujk'atëty; xeemy ets tu'uwitsy nëjkx mjuuky'atë, yë'ë mtukjotmëk'atëp. Je'eyëp ko miitsëty ka'ap oy ja jëtu'unpë xymyëtowtë,

Biblia Mixe de Quetzaltepec

¹⁵ Jëtu'un y'ënä'äny ja Wintsën, Wa'atspë yajpaatyën ma Israel ja'ayëtyën: Jootwinpitë ets mjotkujk'atëty; xeemy ets tu'uwitsy nëjkx mjuuky'atë, yë'ë mtukjotmëk'atëp. Je'eyëp ko miitsëty ka'ap oy ja jëtu'unpë xymyëtowtë,

Isaías 30:15 ပူးပေါင်းရင်းမြစ်များ

Isaías 32:17

Ja oypyë ja nänyipaye'eyën nëjkxëp tyajjää'aty ja jotkujk'ajtën, xeemyajtën ets oyajtën xëmëkyëjxmëpë.

Lucas 13:34

Ets ja Jesús jyaak'ënany: Miits, Jerusalenkëtë ja'ayëty, Jerusalenkëtë ja'ayëty, myaj'o'ktëp ja Dios ja kyäjpxynyajxpë ets tëë xykyuka'atstë mëti'ipë të myajtuknikäxtën. Kanaak'okës miits të njawoowmuka'antë ijxtëm ja këtseytyaak y'u'unk tmu'uxyën ets ka'ap të xykyupëktë.

Juan 5:40

Miitsëty ka'ap mina'antë ma ëjtsën ets jeexyë xymyëët'atë ja juukyajtën xëmëkyëjxmëpë.

1 Crónicas 5:20

ojts pyutëkëtë ja Dios, paaty ka'ap tyajmëtaktë ja Agar ja'ayëty ets ja mëti'ipë mëët të nyäpyëkëtën, yë'ëjëty ënätyë ja Dios ijty tmëkajpxtë jam tsipjotm ets pyutëkëtëty. Ojts pyutëkëtë jä'ä ko nän jam ja wyinma'any ets ja myëpëjkën tpëjktaktë.

2 Crónicas 16:8

¿Këtii xyjyä'ämyetsyë ko yë Etiopíë ja'ayëty ets Libië ja'ayëty nimay yë'ëjëty mëti'ipë tsip'ixyëtyënë? Oy jeexyë jyanimay'atë, mëët ja pyujxnëty, jyëyujkëty, kyëwaayëty mijts ka'ap xytsyë'këy ets ka'ap xyajmëtaky mëët ko ja mjot mwinma'any jam xypyëjktäky ma ja mWintsënën.

2 Crónicas 32:8

Yë'ëjëty yi'iyë tyukjotmëk'ajtëp ko nyimay'atë, ëëts'ajtëmë yë'ë ntukjotkujk'ajtëm yë Wintsën, jä'ä ko yë'ë xypyutëkëja'anëmë ko pën mëët ntsiptu'unmëty. Ko ja ja'ay jëtu'un tmëtoowtë ja aaw ayuk tkäjpxy ja yajkutujkpë Ezequías, ënät jyotmëkpëjktë.

Isaías 7:4

ets xy'ënëëmëty: Mnäkyëwent'atëtëp, je'eyëp ko këtii mtsë'ëkëty ets këtii xyajtëkatsëty yë mwinma'any ko xy'ixëty yë tu'ts nyitoy.

Hebreos 12:25

Näkyëwent'atëtë, mëmëtowtë ja Dios. Mëti'ipë ja Dios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

Mateo 23:37

Jerusalenkëtë kajpn, Jerusalenkëtë kajpn, mëkës njajawë ko të xyaj'ooktë ja käjpxynyajxpëtëjk ets të xykyuka'atstë mëti'ipë ja Dios të tjakexyën ets jeexyë ja y'aaw y'ayuk mtukmëmëtya'akëtë. Kanaak okës miits të njawoowmuka'antë ijxtëm ja këtseytyaak ja y'u'unk tyajmukyën ets tmu'uxy, e miitsëty ka'ap jëtu'un të xykyupëktë.

Isaías 30:7

Ka'ap tii myäyë, ka'ap tukjaty wi'ix pyutëkëtëtyën, paatyës të nxëëwmo'oy: Mëj jëyujk mëti'ipë je'eyë ni'tspën ets ka'ap tii tuny.

Mateo 22:3

Ets ja tyuunpë tkejxy ets ja ja'ay twowtëty, e ja ja'ayëty ka'ap myinantë.

Jeremias 23:36

Këtii pën jatëkok tyajtunëty yë ayuk mëti'ipë ënaanpën yë Wintsën yë y'akäjpxy. Ko pën jëtu'un y'ëna'anëty, nyajkutukäämpyës ets yä'än tyiytyunëtëty. Miitsëty tëkatsy yë juukpyë Wintsën yë y'aaw y'ayuk të xyajtuunkpatëtë, mëti'ipë miitsëty mTiosajtëpën, yë Wintsën mëti'ipë maaytyääyëpën winë.

Isaías 30:11

Ixmatstë ja në'ë tu'u, jëjpwa'ktu'utë ja najxtakn, tim jëpëktë ja Wa'atspë Kënu'kxypyë ma Israel kajpnën.

Éxodo 14:14

Miitsëty këtiimës mmaytyë mtajtë, yë Dios yë'ë mnitsiptunanëtëp.

Salmos 116:7

Tyam, jyëkyejpy jotkujk nnäjyawëtëtyës, jä'ä ko yë Wintsën janty'oy yë jyot wyinma'any të tyajnikëxë'ëky maas ëjtsën,

Isaías 28:12

Jä'ä ko ojts tëëyëp yaj'ënëëmëtë: Tyaa ja jotkujk'ajtën, tyaa ja po'kxtakn; wä'än yaa tpo'kxtë mëti'ipë tëë y'ënu'kxëtën, E yë'ëjëty ka'ap ojts jyä'äkyukëtë.

Isaías 32:18

Jam nëjkx ja nnaax nkajpnës jyuuky'äty ma ja naax kajpnën akujkpë jotkujkpë, jam nëjkx jyuuky'äty oy tsuj ets katii kyajjotmaytyunëtëty ma jyëën tyëjkën,

Isaías 42:24

¿Pën jëtää të tyajkutuky ets Israel kajpn, mëti'ipë Jacob kyajpn'ajtypyën, yajnitëkëty ets yajmënëjkxëty wiink kajpn? ¿Këtii myëtëyëty ko yë'ëjëty yë Wintsënë? Jä'ä ko ojts tmëtëkoytyë ka'ap tye'eya'antë ja oypyë në'ë tu'u mëti'ipë ënety të yatukni''ixëtën, ka'ap ojts tpatuunëtë ja y'ënä'ämën tyiyajtën.

Isaías 45:22

Naax kajpnëty jëkämpaatpë yajpaatën, nimiintëkës ets nyajtso'oktëty, jä'ä ko ëjts jëtu'un Tios'ajtp nätyu'uk, ka'ap maa wiinkpë.

Isaías 40:31

yë'ë tëyëty mëti'ipë yi'iyë Wintsën tyuk'ijxpäjtëpën xëmë amëk jotmëk yajpaata'antë ets jëtu'un nyäjyawëja'anëtë nipe'tym kupe'tym tä witsnën; jyëkyejpy mëk pyëyë'ëktëty ets jyëkyejpy pe'tym ye'eytyëty. Ka'ap y'ënu'kxëja'antë.