Isaías 30:13 - Biblia Dc en Mixe de Quetzaltepec

¹³ paaty miitsëty mmëët'ajtëp ja poky. Jëtu'un miitsëty tä tu'uk potsyën mëti'ipë të kyë'tstaaynyën, ma ënety ka'ap tii xymyäytyën xytyajtën jää kyëtawa'any;

Biblia Mixe de Quetzaltepec

¹³ paaty miitsëty mmëët'ajtëp ja poky. Jëtu'un miitsëty tä tu'uk potsyën mëti'ipë të kyë'tstaaynyën, ma ënäty ka'ap tii xymyäytyën xytyajtën jää kyëtawa'any;

Isaías 30:13 ပူးပေါင်းရင်းမြစ်များ

Isaías 29:5

E ajotkumonë nëjkx yë mmëtsiptëjk o'ktëy jyajta'atë, ja Wintsën mëti'ipë maaytyääyëpën winë yë'ë nëjkx tëytyuny ja mmëtsip mëët ja poj ënääw, nëë tuu ets jëën. Nëjkxëp ja mëtsip naax wayën jyajta'atë, ets tä tu'uk pu'uxm wyimpapojyën, jëtu'un nëjkx kyëxë'knëtë.

Proverbios 29:1

Mëti'ipë ja'ay juun yë jyot wyinma'any pyëjktäkpyën ko yaj'ojy, ka'ap jeky jyuuky'ata'any; ets ni pën jää kya'ëna'anëty ëkë wi'ix ko të y'ooky.

Salmos 62:3

¿Jëna'apaat miitsëty xynyipëtë'ëka'antës ets xyajkëtawa'antës tä ja'ay tëjk potsy tjityën ëkë tä muum yë nakäm jëtu'unyë nyaaxmëkëtawën?

1 Reyes 20:30

E ja mëti'ipë ojts jyaakwë'ëmtën juuky jam ojts nyaskääkëtë ma ja Afec kajpnën, je'eyëp ko ja kajpn napots ojts kyëtäy ets nyijijtpäjtaaytyë ja ni''i'pxmilpë ja sirië ja'ayëty mëti'ipë ënety të kyä'äktën. Ja Ben-adad ojts näjyëtu'un kye'eky ets jam jyä'äjty kajpntum, winjëën wintëjk ojts jyaaknäyu'utsyë.

Lucas 6:49

Pën ja n'aaw n'ayukës myëtoow'ijtypyën ets ka'ap tpatuny, jëtu'un yë'ë ijxtëm ja ja'ayën mëti'ipë ja tyëjk të tkojyën naaxwiinkëjxy, ka'ap këk të tnitajë ets ja nëëkom të tyukja'tyë ets të jyë'ëtë'ëky.

Mateo 7:27

Miin ja tuu, koom ja nëë ets ja poj myiiny ma ja tëjkën, tääts kyëtääy. Atsë'ëk ajawë wyintëkooy.

Job 36:18

Mëk yë mjuukyajtën xykyëwent'atëty ets këtii nëkoo wit meeny mnätyukwin'ëënëtëty, këtii yë wit meeny yë'ë may xytsyojkën'atëty.

Salmos 62:4

Yi'iyë myääytyëp tyajtëp wi'ixës ëxëëk xytyuntëtyën; pën win'ë'ëntëp antaktëp ënät jotkujk nyäyjyawëtë. Winkë'ëy akë'ëy je'eyë oy xynyimëtya'aktës jap jyootjoty wyinma'anyjoty xypyojktëpës jap je'eyë.

Proverbios 6:15

Paaty yë'ë ajotkumonë ëyo'on jotmay tyukëta'aka'anyë; tu'k ijxmi'kxyë o'ktëy jyata'any, ets ka'ap nëjkx y'ëktsooypyatnë.

Isaías 22:14

Yë Wintsën mëti'ipë maaytyääyëpën winë, tëëjës xy'ënëëmë: Ëjts ka'apës tääpë ja'ayëty npokymyä'kxa'any; miits jëyëjp m'ookantëp ok yë'ëjëty. Jëtu'un y'ënä'äny ja Wintsën mëti'ipë maaytyääyëpën winë.

Isaías 26:21

Jä'ä ko ja Wintsën jap pyëtsëma'any ma yajkutukyën ets tpaye'eyä'äny ja nëë poky ma ja naaxwiinyëtë ja'ayëtyën; ja naaxwiinyëtë ka'ap tjëkyepy tkuyu'utsëty ja y'o'kpë, kopkpëky nyitë'kxa'any pën ënety të y'ookyën.

Isaías 30:26

Ja Wintsën yajtsooypyatäämpy ja nyaax kyajpn ja tsyëtyut ets yajxon tpita'any. Ënet ja po'o jëtu'un tyë'kxa'any tä xëëwën ets ja xëëw mëk nëjkx jyäjy tä jeexyë niwëxtujk tyë'kxtën.

Isaías 47:11

Je'eyëp ko minaanp ja ëyo'on jotmay ma mijtsën, oy jënu'un tii xyjyatunëty ma mpatoy mpano'okyën, ka'ap tii xytyunëty. Ja ëyo'on jotmay mëti'ipë mtukëtakëpën, ka'ap tjëkyepy xykyukä'äkëty; ka'ap ënety tii xy'aawëty xyjyotëty ko ja amay jotmay mtukja'tëtëty.

Isaías 48:3

Ojts tëëyëp ntuk'ëwaanë wi'ix tii tsyo'onë'ky tsyo'ontäkyën; ëjts ojts kë'ëm nnikäjpxy. Ajotkumonës ojts winë ntuny ets tyuunë jyajtë.

Isaías 58:12

Nëjkxëp ja naax kajpn tkoj'o'oyëtyä'äy ja jëën tëjk jënu'un ënety të jyityën ets tyajta'tspëjkta'aja'any ja potsy ëjx mëti'ipë jeky itaanpën. Jä'ä nëjkx mnaax mkajpn xyëëwpety Potsy kyoj o'oyëpë. Tu'u yaj'o'oyëpë.

Isaías 65:7

mëti'ipë të yajja'ay'ooktën ets ja tyeety tyaakëty ma näjyëtu'un të yajja'ay'ooktën. Yë'ëjëty tim no'k tim xaamtëp ijty jam tunkëjxm kopkëjxm ets ni'ikyë xyajjoot'anpëktës. Paatyës ntuknipëjktakënë ko yam winë npaye'eyä'änyës, ets ntukumëtowa'antës ijxtëm pyaat'atëtën. Yë Wintsën jëtu'un ënaanp.