Isaías 3:24 - Biblia Dc en Mixe de Quetzaltepec

²⁴ Je'eyë nëjkx tyokxu'knëtë ijxtëm jeexyë pya'akxuuktën, tejpxy nëjkx yajtukyo'ktsumtë tä jeexyë pyo'owëën yajkëxpëktën, ni'ikyë nëjkx wyääy yajnëkä'pta'atë ijxtëm jeexyë yenyjyäty tmëët'atën; tä jeexyë oywyit tuktëkëtën, këëts wit nëjkx tyajtuntë, tä jeexyë yaj'oytyuntën, anpujxn nëjkx yajtuktsa'atë.

Biblia Mixe de Quetzaltepec

²⁴ Je'eyë nëjkx tyokxu'knëtë ijxtëm jeexyë pya'akxuuktën, tejpxy nëjkx yajtukyo'ktsumtë tä jeexyë pyo'owëën yajkëxpëktën, ni'ikyë nëjkx wyääy yajnëkä'pta'atë ijxtëm jeexyë yenyjyäty tmëët'atën; tä jeexyë oywyit tuktëkëtën, këëts wit nëjkx tyajtuntë, tä jeexyë yaj'oytyuntën, anpujxn nëjkx yajtuktsa'atë.

Isaías 3:24 ပူးပေါင်းရင်းမြစ်များ

Ester 2:12

Tëkokyë ja to'oxy'ëna'këty majkmäjtsk po'o ojts yaj'oytyuntë ets oyëtypë ja kääky uuky yajmo'otë; tëtujk po'o ojts ja nyini'kx yaj'oytyuntë mëët tu'uk yë on mëti'ipë tyijtëpën mirra, ets tëtujk po'o ojts yaj'oytyuntë mëët yë wiinkëtypë on ets tsooy mëti'ipë pa'akxu'kpën, mëti'ipë yajtuuntëpën ja to'oxytyëjkëty. Ko yaj'oytyuuntaaytyë, nitu'ukjaty ojts yajtukniwitsëtë ets nëjkx twinkuwa'akëtë ja yajkutujkpë Asuero.

Job 16:15

Mon tukës yë nwit të nätyukxoxyë, mëti'ipë kuump u'kxpën etsës të nkutijë yë nkëpajk jap naaxwayjoty.

Proverbios 31:24

Tääpë to'oxytyëjk yajkojpy yë nijän ets wëën oyëtypë ets tukmëtooky ja mëti'ipë ajuutyëpën.

Proverbios 7:17

etsës të ntukjaaxy tu'uk yë tsooy mëti'ipë pa'akxu'kpën, yë'ë mëët y'oytyunyëty, mirra, áloe ets canelë.

Isaías 15:2

Jëëpy yaxp yë Dibón ja'ay jam nyëjkxtë kopkëjxm ma yajpaatyën ja tsyajptëjkëty. Yajxon yë Moab tmëmony tmëtuky ko yë Nebo ets Medebá të kyutëkoy. Tu'kë'ëyë ja naaxwiinyëtë ja'ayëty tëë ja wyinwaay y'awaay tjäjpta'atë.

Isaías 15:3

Në'ëjoty tu'ujoty aakyë'ë ja'ay wit yajtuunpy mëti'ipë kuumpën u'kxpën; jam tëjknëkëjxm aak jëëy aak yaxtëp ja'ayëty. Kajpnjoty aak moon aak tujktëp ja'ayëty, aak yuun aak këtaawtëp mëët ja jotmay.

Isaías 22:12

Jä'ä xëëw yë Wintsën mëti'ipë maaytyääyëpën winë, m'ënëmaayëtë ets mjë'ëtëty mya'axtëty, ets mwaay xykyääptëty ets xytyuktëkëtëty ja wit mëti'ipë kuumpën u'kxpën.

Isaías 3:23

ijxn, atëëytyuk mëti'ipë ja to'oxytyëjk nätyukwinkuwijtsëtëpën, yo'knwits ets tu'kë'ëyë jënu'un ja to'oxytyëjk tyajtuntën ko nyäy'oytyunëtë.

Isaías 4:4

Ko ënety ja Wintsën tpaye'ey ja nëë poky, tyiytyunäämpy ja tuuntëkoopyë ets tyajjëwa'kta'aja'any mëti'ipë yajja'ay'o'kpën ets tnimä'kxa'any ja Sión ja'ayëty.

Isaías 57:9

Pëyi'ikyë ojts xynyinëjkxy ja tios Mélec ets oyjätyëty ja pa'akxu'kpë tsooy të xymyënëjkxy; jëkämpaat xykyejxy yë mtuunpë ets xynyikäjxëy ets myinëty, koonëm xyajkuka'anajxy jap ma o'kën yajkutukyën.

Jeremias 4:8

Paaty miitsëty, tuktëkëtë ja mwit mëti'ipë kuumpën u'kxpën ets jë'ëtë ya'axtë tä jeexyë mpëkëtën, jä'ä ko yë Wintsën yë y'äkë ka'ap tu'ukyë të xytyim'ëxmajtsëmë.

Jeremias 48:37

Tëë ja'ay nyäkyukä'pta'ajëtë, tëë y'awaay tjäjpta'atë; tëë kyë'ë tsujkta'atë ets tëë tuktëjkëtya'atë yë wit mëti'ipë kuump u'kxpën.

Jeremias 49:3

Jë'ë ya'ax mijts Hesbón kajpn, ko tëë ja Aí kajpn kyutëkoy. Nasyaaxëtë miitsëty to'oxytyëjkëty mëti'ipë jam Rabá kukajpnajtëpën. Tuktëkëtë ja mwit mtujkxyëty mëti'ipë kuump u'kxpën ets mnäkyätykyupëtëty. Jëtu'un mpëyë'knax mpëyë'ktëkëtëty tä jeexyë mpojëtën, yajtsëtyutë mjot mnini'kxëty. Jä'ä ko ja Milcom mëti'ipë m'ëwtajtëpën, wiink naax wiink kajpn të yajmënëjkxy tsumy matsy mëët ja teetytyëjkëty ets ja ja'ayëty mëj'äämpyë y'itën.

Jeremias 6:26

Yë nkajpnës yë nyëëx, pëjkta'ak ja mwit mëti'ipë kuump u'kxpën ets kyëxë'ëkëty ko jë'ë ya'ax myajpaaty; ja'amyäts naaxyäts, mon tuk yajpaat tä jeexyë pën të y'ookyën; jä'ä ko ja mëtsip mëti'ipë xynyimina'anëmën, tää ja tyimwinkony.

Lamentaciones 2:10

Yë mëjja'aytyëjk amonyë jyaak u'unyëtë naaxkëjxy, tëë naaxway nyätyukupëjkta'ajëtë ets yë'ë wit të tuktëkëtë mëti'ipë u'kxpën nä'ämpën. Yë to'oxy'ëna'këty mëti'ipë kukajpnajtëpën Jerusalén winta'ak naaxkow jyaak jëtitë.

Ezequiel 27:31

Mëët ko ënety o'ktëy mjaty mkëpety nëjkxëp nyäkyutë'kxn kä'pta'ajëtë, nëjkxëp tuktëkëtë wit tujkxy monpë tukpë ets nëjkx jyë'ëtë ya'axtë mëët ja pëjkën ato'onën.

Ezequiel 7:18

Nëjkxëp tuktëkëtë ja wit mëti'ipë u'kxpën kuumpën ko ënety pyëkëtë y'atonëtë; aak tsëtyuytyëp ja jyot nyini'kxëty; tsaptsëm ja wyiin jyëjp jyajta'aja'antë mëët ja tsëtyu'un ets aak kutë'kx nyätyuunta'aja'anëtë.

Joel 1:8

Tä tu'uk yë to'oxy'ëna'k jyi'iy yä'äxyën mëti'ipë pëkaanpën ko tëë y'ooky ja naaxwiinyëtë ja'ay mëti'ipë ënety mëët të jyapëka'anyën,

Amós 8:10

Ma ënety ja xëëw tyunyën jää nëjkx ja'ay tyëkëtë yaxpë mëët ko ënety t'ixtë may ja ja'ay y'o'knëtë, ja mëti'ipë ënety ëëwtëpën nän nëjkxëp tyëjkënëtë yaxpë mëët ko ënety may ja o'kpë; nëjkxëp ja wit xytyuktëkëtë monpë tukpë ets nëjkxëp ja mkuwaay xynyëkääptë mëët ko ënety ja ëyo'on jotmay të y'ity. Jëtu'un nëjkx mya'axtë tä ja'ay yä'äxyën mëti'ipë ja y'u'unk të y'ookyën tu'kpajkpë t'u'unk'atyën ets jëtu'un nëjkx jyëjpkukëxë mëët ja monyëtukyë.

Miqueas 1:16

E mijts Sión kajpn, nëkä'pta'a yë mkuwaay ets xyaj'ixëtëty ko ëxëëk mjaty mkëpety, mëët ko të m'ëxëëktunyë yë m'u'unk m'ëna'k mëkpë xytsyokyën. Jëtu'un mnäkyukääpëtëty tä majkwejkxyën, jä'ä ko yë m'u'unk m'ëna'k wiink naax wiink kajpn tsumy matsy yajmënëjkxa'antë.

Deuteronomio 28:22

Nëjkxëp jam tyaj'ity ma mijtsën mëkëtypë pa'am ëyo'on: tä yë mëkjëënpa'amën, ki'ix pa'amën, kuxäjëpa'amën ets yajkëta'akäämpy jam näjyëtu'un yë xëëw'an, mëti'ipë winë yajtëtsta'ajëpën, jëtu'un'äämpy nëjkx kyutëkoy ja mtsajpmokam, mjë'kxykyam ets ja ëyo'on jotmay jëtu'un nëjkx xëmë mpajëtijtënë tii yowënë.

Deuteronomio 32:24

Yë jëënpa'am ets yuu yë'ë nëjkx yaj'o'kta'ajëtë, ma yë'ëjëtyën jam'atëp yë pa'am ëyo'on, jëënpa'am ets jëyujk mëti'ipë yajja'ay'ookëpën, tä yë tsa'anyën, kaa jëyujkën ets jëyujk ëwa'anëtypë.

1 Pedro 3:3

Ka'ap yë'ëjëty oy xy'ixtëty ja nëkëjxypyë, wi'ix ja waay yajkaaxyën, tä ja pu'ts pujxnën ëkë ja wit tujkxy oyëtypë,

Apocalipsis 11:3

Nkäxäämpyës nimäjtsk yë ijxpë tuunpë, yë'ë wyit'ajtëp yë wit mëti'ipë u'kxpën ets kuumpën ets nikajpxa'antë mëti'ipë tunan jatanëpën tu'uk mil ja mäjtsk mëko'px ja tëkë'px xëëw.

Apocalipsis 16:9

Jëtu'un ja ja'ay y'o'ktaaytyë mëët ja xëëw'an, je'eyëp ko oy jyajëtu'unënäty ka'ap ninu'un ja wyinma'any tyaj'o'oyëtë; ka'ap ja Dios tja'amyäjtstë mëti'ipë yäjkpyën ja ëyo'on, wäänëni'ik tjaaktimpyokytyuuntë.

Apocalipsis 18:9

E ko ja yajkutujkpëtëjk ets ja ënä'ämpëtëjk t'ixtëty ja jok ko ënety të tyooypyëjknë, ënät tpajë'ë tpaya'axtë mëti'ipë ënety të tmëpokytyuntën.