Isaías 3:15 - Biblia Dc en Mixe de Quetzaltepec

¹⁵ Pën ja kuttujkën të mmo'ojëtë ets ja nnaax nkajpnës o'ktëy xytyuntëty ets ja ëyoopëja'ay xyjyaamtään xynyaaxtääntëty. Ëjts jëtu'un ënaanp, ëjts Wintsën, mëti'ipë maaytyääyëpën winë.

Biblia Mixe de Quetzaltepec

¹⁵ Pën ja kutujkën të mmo'ojëtë ets ja nnaax nkajpnës o'ktëy xytyuntëty ets ja ëyoopëja'ay xyjyaamtään xynyaaxtääntëty. Ëjts jëtu'un ënaanp, ëjts Wintsën, mëti'ipë maaytyääyëpën winë.

Isaías 3:15 ပူးပေါင်းရင်းမြစ်များ

Salmos 94:5

Yë'ëjëty ëxëëk ojts tuntë ja mnaax mkajpn ets janty naxym ojts tpëjkta'aktë, jëtu'un tä jeexyë ka'ap nitii timkyëjxm'atën.

Proverbios 30:14

Tää yë ja'ay mëti'ipë jëtu'un yë y'aaw tyëts jya'apën mëtyäätën; ets tää mëti'ipë y'oknak jya'apën tsujknën, jä'ä tjatsoktë tim këjxtaaytyëp jeexyë yë ëyoopëja'aytyëjk ma naax kajpnën.

Isaías 10:2

ma ka'ap xypyutëkëtën ja mëti'ipë ëmaay amutsk yajpatpën, ets ka'ap xy'ijxpaatë ja ëyoopëja'aytyëjk, mëti'ipë yajpatëpën maas nnaax nkajpnën, ma ni'ikyë ja ku'ookpyë to'oxytyëjk mëk xytyuunkmo'otën ets ni'ikyë xymyäätstë ja ku'ooky u'unk.

Isaías 14:30

Yë ëyoopëja'aytyëjk jam yë kyupixyny tyaj'oka'antë maas yë nkamën, ja ja'ayëty mëti'ipë ka'ap wit meeny tmëëtëtyën jotkujk nëjkx jyuuky'atë. E mijts ni'ikyë ja mja'ay nëjkx nyajyuu'ookyës ets mëti'ipë juuky jaakwë'ëmtëpën, nëjkxëpës ni'ikyë njaakyaj'ooktë.

Isaías 26:6

ets tyajwinpety yë ëyoopëja'aytyëjk ets mëti'ipë yu'unk naxym yajpatëpën, këjxm tyajnaaxweetsy.

Isaías 29:19

Ja ja'ayëty mëti'ipë yu'unk naxym yajpatëpën xoonta'akantëp jatëkok ma Wintsënën, mëti'ipë ëyoow jotëkooytyëpën jotkujk nyäjawëja'anëtë ma Tiosën mëti'ipë Israel ja'ayëty y'ëwtajtëpën.

Isaías 30:12

Paaty ja Dios Wa'atspë mëti'ipë jam ma Israel kajpnën, y'ënä'äny: Miitsëty wiink xyjyawëtë ko tii mjyajtuk'ëwaanëtë, yi'iyë tsip käjpxy mtuk'ijxpäjtëp ets ja ëxëëk tuunk ëxëëk käjpxy, jam mnäkyëxwa'anëtë,

Isaías 32:6

Jä'ä ko yë ëxëëk ja'ay ëxëëkëty kyäjpxy myëtyä'äky ets aak ëxëëkjaty tii tnimay tnitajë; yajja'ay ookaanp je'eyë ets wiinkjaty tnimëtyä'äky ja Wintsën; ja mëti'ipë ja yuu'o'këpën ka'ap tkääky mye'ey; mëti'ipë tëtsëpën, ka'ap tyajnëë'uuky.

Isaías 5:7

Ja tsatsymkyam, mëti'ipë ja Wintsën jyä'ä'ajtypyën, mëti'ipë maaytyääyëpën winë; yë'ë ja Israel kajpn, ja Judá kajpn. Yë'ë ja Wintsën të tjajëjp'ixy ma yë'ëjëtyën jeexyë tpatuntë ja ënä'ämën tëyajtën, e yë'ëjëty je'eyë yajja'ay'ooktë; ja nipaye'eyën të tjajëjp'ixy ma yë'ëjëtyën, yë'ë të tpaaty ma ja'ay je'eyë jyë'ëtën ya'axtën mëët ja pëjkën ijxën.

Isaías 58:4

Miitsëty ko m'ayuu'atë jää mnäy'oj mnäya'axëtë ets xynyëtij xytsyajptijtë ja mkë'ë m'aawëty ko pën xyajtsëtyuta'an xyajwintëkoya'antë. Ko jëtu'un m'ëtë'ëtstë ma m'ayuu'atën, ëjts ka'apës jëtu'unpë nyajmëjnaxy.

Isaías 63:8

Jëtu'un të y'ënä'äny: Yë'ës nkajpn'ajtyp, ka'ap nijëna'a xy'ëxmatsa'antës. Ets ojts tyajtso'oky

Ezequiel 18:2

¿Wi'ix ko jam Israel je'eyëm yë käjpxy y'ënä'äny: Ko yë teety taak yë tsatym xun tjë'kxtë y'u'unk tëtsxëmimëtëp?

Jonás 1:6

Ënet ojts nyijëjptä'äkyë ja kepy nëëwinye'epyë wintsën ets y'ënëmaayë: Mijts ¿tiitën ko je'eyë mtimmyaanë? Pëtë'ëk ets xymyëkajpxëty yë mTios. Wä'än xyjyä'ämyäjtsëm ets xyajtsokmëty.